Zakir bayramli
Yüklə 12,86 Mb. Pdf görüntüsü
|
| Yol tikinti sahəsində:
Dəvəçi 4 saylı Yol İstehsalat İdarəsinin keç miş rəisi Şəmsəddin Məmmədov və qeyriləri. 35 III BÖLMƏ UĞURLARA GEDƏN YOLLAR İnsanlar doğulur, gəlir dünyaya, Boylanır ətrafa, baxır səmaya. Yaşamaq uğrunda qoyur sərmaya, Axtarır işıqlı, uğurlu yollar. S əmti düz salınan doğrulu yollar. 36 1. BİR YAZ SƏHƏRİNDƏ “UĞUR”LA ÜZ-ÜZƏ Bir yaz səhəri – sübh tezdən idi. Dan yerinin qızartısı bütün yerin səthini qızılı rəngə boyamışdı. Adətim üzrə həmişə səhər tezdən günəşin çıxmasını seyr etmək kimi bu xoşbəxt an bu gün də mənə qismət olmuşdu. Çünki hər dəfə günəşin təzə çıxmasını görəndə elə bil dünyanı mənə bağışlayırlar. Sanki ovqatım düzəlir, üzümə sevinc yağışı yağır, kiçik zaman kəsiyində gümrahlaşır və özümü dünyanın ən xoçbəxt adamı hesab edirəm. Bəlkə də, bu mənim ilin günəşli günlərinin ən bol olduğu iyul ayında dünyaya gəlişimlə əlaqədardır, yaxşısını, əlbəttə, Allahdan başqa heç kim bilə bilməz. Bu günkü səfər proqramım Şabran (keçmiş Dəvəçi) şəhər Azərbaycanın Milli Qəhrəmanı Roman Yusifov adına 2 №-li texniki fənlər təmayüllü məktəb-liseydə kiçik görüşlə başlanırdı. Bu görü- şün məqsədi və məramı həmin təhsil müəssisəsi haqqında yaza- cağım kitabın sujet xətti barədə məktəb-liseyin rəhbərliyi və kollektivi ilə son məsləhətləşmə aparmaqdan ibarət idi. Mən səhər-səhər həmin məktəb- liseyin həyətinə daxil olmaq istəyəndə hələ ilk dərsin başlanmasına 25-30 dəqiqə vaxt qalırdı. Kənarda dayanıb ətrafı seyr edir,dərsin başlanmasını bildirən zəngin vurulmasını gözləyirdim. Bu zaman 10-12 yaşında olan bir uşaq mənə yaxınlaşıb, sanki məni tanıyırmış kimi : - Salam, b aba, məktəbimizə xoş gəlmisiniz-deyərək mehribancasına mənə yaxınlaşdı. Əlini uzadaraq mənimlə görüşdü. Əvvəlcə diksindim, sonra ani olaraq başımı qadırıb uşağın qəlbini ələ almaq üçün gülümsəyərək dilləndim: - Salam, oğlum, bəli, məktəbinizə gəlmişəm. Mən burada oxumasam da, b u məktəb mənə olduqca əziz və doğmadır: demək olar, elə mənim də məktəbimdir. Hazırda burada iki nəvəm oxuyur. Hər ikisi də dərs əlaçısıdır. Hələ biri də bu ilki tədris ilində bu məktəb-liseydə yeni təhsilə başlayacaq. Burada qızım və gəlinim də müəllim işləyirlər. Söhbətə qısa fasilə verdikdən sonra sözümü davam etdirdim: - Adın nədir, bala? - Adım Uğurdur, baba, - deyə uşaq çox səmimi tərzdə mənə 37 cavab verdi. Ən çox sevdiyim adlardan biri olan Uğur adını eşitcək ürəyimdə olduqca sevindim, elə bil dünyanı mənə verdilər. Nə gözəl təsadüf. Mən hələ bir il altı ay bundan əvvəl bu məktəbin tarixinə və pedaqoji əmək fəaliyyətinə dair yazmağa başladığım kitabın da adını “Uğurlara gedən yollar” qoymuşdum. Heç bir neçə saniyə keçməmiş fürsət gözləyən xəyallar aləmi məni ovsunlayaraq mehribanlıqla öz ağuşuna çəkdi. Məktəbin keçdiyi 45 illik tarixi yol kino lenti kimi bir göz qırpımında yavaş-yavaş gözümün önündən gəlib keçdi. Lakin birdən sanki yatmış kimi diksinib ayıldım. Çətinliklə də olsa xəyalları özümdən uzaqlaşdırıb qarşımdakı oğlana cavab verdim: - Uğur, oğlum, çox yaxşı, gözəl adınız var. Görünür, vali- deyn ləriniz anadan olanda sizə ad qoyarkən yaxşı seçim ediblər. İndi çalışmalısan ki, bu adını təhsildə və həyatının gələcək mərhələlərində öz ağlın-kamalınla və zəhmətinlə doğrulda biləsən. Qoy sənin gələcək uşaqlıq, yeniyetməlik, gənclk dövrlərin və ömrünün qalan çağları saysız uğurlarla dolu olsun! - Baba, bunun üçün mən nə etməliyəm? - deyə uşaq gözlənil- mədən mənə sual verdi. - Həyatda hər hansı uğuru qazanmaq üçün insanın özündən çox şey asılıdır, bala. Sən isə bunun üçün bütün həyatın boyu müt- ləq ağıllı-kamallı, ayıq-sayıq olmalısan. Təhsildə və gələcək işlə- rində çeviklik, təşəbbüskarlıq göstərməlisən. Oxumaqdan, yazmaq- dan, öyrənməkdən və işləməkdən heç vaxt qorxub çəkinməməlisən. Daim kitablarla yaxın dostluq etməlisən. Çünki kitab elmin və təhsilin suyu heç vaxt tükənmək bilməyən nadir çeşməsidir. Valideyn lərin və müəllimlərin sözünə və məsləhətlərinə qulaq asmaq vacibdir. Sinifdə sakit oturub müəllimin dərsi izah etməsini həvəslə və maraqla dinləmək, onun verdiyi suallara vaxtında və düzgün cavab vermək isə sənin bir nömrəli borcun olmalıdır. Eləcə də sinif və ev tapşırıqlarını vaxtında, doğru və səliqəli yerinə yetirmək də səni uğura aparan cığırlardan biridir. - Təkcə bunların hamısını etməklə mən uğur qazana biləcə- yəmmi, baba? - Oğlum, uğur qazanmaq sizə sadə və asan məsələ kimi görün məsin. Təhsildə və əməkdə uğur qazanmaq təkcə mən deyən 38 məsələlərlə bitmir. Bunun üçün çox oxumaq, yazmaq və əlavə olaraq əyani və texniki vəsaitlər üzərində müntəzəm çalışmaq lazımdır. Nadanlıqdan, cəhalətdən və pis vərdişlərdən uzaq olmaq gərəkdir. Müasir dövrün tələbi olan əcnəbi dillərin öyrənilməsi, kom püter texnologiyası və internetlə bağlı bütün tədris və iş üsul- larını mənimsəmək, xüsusilə xarici dillərin öyrənilməsi sahəsində qabaqcıl dünya təcrübəsindən və texnologiyasından məlumatlı olmaq, ondan səmərəli istifadə etməyi bacarmaq lazımdır. Uğur qazanmaq üçün təkcə bilik kifayət edə bilməz, həm də səbrli və ağıllı olmalısan. Hər şeydən öncə elmin daşlı-kəsəkli, qarlı-boranlı yollarını keçməlisən. Bu isə insandan yüksək bilik və bacarıq, möhkəm iradə, səbr və dözüm tələb edir. Bunlardan əlavə səndə müasir dünyamızda uğur qazanmaq istəyən başqalarının mübarizəsinə, rəqabətinə tab gətirmək bacarığı və məharəti forma- laşmalıdır. Bunun üçün qısqanclıqdan, paxıllıqdan və ədavətdən uzaqda durmalısan. Yalnız uğura çatmaq üçün ədalətli və sivil üsullarla mübarizə aparmalısan. Əgər bu azad rəqabət mübarizə- sindən qorxsan və çəkinsən, özünü kənara qoysan, sənin uğur qazanmaq işin çox çətin və müşkül məsələ olacaqdır. Bütün bunlarla yanaşı sən mütləq həm evdə ata-ananın, həm də başqa ağsaqqal və ağbirçək insanların öyüd-nəsihətini eşitmə- lisən. Məktəbdə əla oxumalı, müəllimlərinin verdiyi sinif və ev tap- şırıqlarını birincilər sırasında yerinə yetirməlisən, məktəbdən, sinif- dən uzaqlaşaraq pis vərdişlərə qurşanan və küçələrdə veyil-veyil dolaşan uşaqlardan uzaq durmasan, sən gələcəkdə necə uğur qazana bilərsən, oğlum?! - Baba, mən sizin məsləhətlərinizi tam yerinə yetirib mütləq uğura nail olacağam! Bəs o uğur deyən məsələ haradan başlanır? - babacan. Onu qazanmaq üçün mən ilk dəfə necə, hardan və nədən başlamalıyam? Yüklə 12,86 Mb. Dostları ilə paylaş:
|