342
zəmanə idi, kimyagərlik dövrü idi, Faust zəmanəsi idi, təbiət üzərində
hökmranlığa, sadə metallardan qızılın alınmasına, əbədi gənclik
eliksirinin hazırlanmasına yönələn ehtiraslı maraq zəmanəsi idi. Lakin
bütün bunlara nail olmaq üçün bilik yox idi.
Metaforik olaraq ifadə etsək, Renessans Orta əsr zülmətinin
bütövlükdə nura qərq olunma dövrü deyildi. Bir çox hallarda isə belə
görünürdü ki, sanki işıq bütövlükdə yox olmuşdu. Bu fikri sona qədər
davam etdirək. Renessans dövrünün mərkəzləşdirilmiş dövlətləri Orta
əsrlərin feodal krallıqlarından daha az demokratik idi. Reformasiya
dövründə «ifritlər»in yandırılması, «iblisə inam» və inkvizasiya Orta
əsrlərin qəddarlıqlarından daha pis idi. Buna analoji olaraq, Renessans,
intellektual planda Orta əsrlərə nisbətən daha tutqun idi.
***Foma Akvinalının soyuq və rasional üslubunu yadda saxlayaraq [Fəsil 6],
Renessans naturfilosoflarının birindən, Cordano Brunodan (Giordano Bruno,
1548-1600) sitat gətirək. Onun dialoqunda iştirakçılardan biri materiya
barədə aşağıdakı sözlərlə danışır. Aristotel Fizikada "ilkin materiyanın nə
olduğunu izah etmək arzusunda olaraq, ... müqayisə üçün qadın cinsini
götürür; mən deyirəm ki, bu cins şıltaqdır, kövrəkdir, dəyişkəndir, nərmə-
nazikdir, çox əhəmiyyətsizdir, şərəfsizdir, nifrətə layiqdir, aşağı təbiətli
olandır, alçaqdır, etina göstərməyə layiq olmayandır, ləyaqətsizdir, zalımdır,
fəlakətlidir, biabırçıdır, soyuqdur, eybəcərdir, boşdur, şöhrətpərəstdir,
lovğadır, qeyri-təvazökardır, ağılsızdır, xaindir, tənbəldir, iyrəncdir,
mənfurdur, naşükürdür, bir hissəsi kəsilib tullanılmışdır, bərbad hala
salınmışdır, qeyri-mükəmməldir, başa çatdırılmamışdır, özlüyündə kifayət
dərəcədə deyildir, məhduddur, qısaldılmışdır, ölçüsü azaldılmışdır, bu,
pasdır, ləkədir, alaqdır, taundur, xəstəlikdir, ölümdür" (C.Bruno. Səbəb,
başlanğıc və vahid haqqında. (Дж.Бруно. О причине, начале и едином.
Перевод М.Дынника. - В кн.: Дж.Бруно. Диалоги. - М., 1949. - С. 251)).
Bu, müasir gündəlik şüurda Renessansın yüksəldilməsinin və, uyğun olaraq,
Orta əsrlərin alçaldılmasının problematik olduğunun xatırlanması kimi çıxış
edə bilər. İnsanlar dəniz əjdahasını vikinqlər zamanında deyil, Reformasiya
zamanında (XVI əsr) görürdülər!
343
Biz Renessansla bağlı, sadəcə olaraq, dəyərlərin yenidən
nəzərdən keçirilməsi və əxlaqçılıq toruna düşməməliyik. Onun
intellektual «tutqunluğu» yeni olan nəyisə tapmaq cəhdi idi. Bu isə
müəyyən vaxt tələb edirdi.
XYII əsr ərzində eksperimental elmlərin formalaşması başladı.
Bu kontekstdə Renessansın intellektual «tutqunluğu» keçid fazası oldu.
Bu faza intellektual həyatın yeni başlanğıcı üçün zəruri idi.
Demokritin atom nəzəriyyəsi kimi yunan təlimlərinə yönələn marağın
təzələnməsi isə xüsusən məhsuldar oldu. Təbiət boş məkanda hərəkət
edən kiçik maddi hissəciklərdən təşkil olunmuşdur. Platonun və
pifaqorçuların riyaziyyat fəlsəfəsi müstəsna dərəcədə mühüm
əhəmiyyət kəsb etdi. Riyaziyyat bütün təbiət hadisələrinin açarıdır.
İndi biz riyazi dildən (düsturlar, nəticələr, modellər) və bizə klassik
mexanikadan məlum olan kəmiyyət anlayışlarından (kütlə, qüvvə,
təcil və sairə) istifadə edən elmə malikik. Bu elm nə xalis deduktiv, nə
xalis induktiv deyildir, o, hipotetik-deduktivdir.
Riyaziyyatda
və
məntiqdə
biz
bəzi
müqəddimələrin
(aksiomların) və deduksiyanın müəyyən qaydalarının köməyi ilə uyğun
müddəalara (teoremlərə) gəlib çıxırıq. Biz bu arqumentasiya üsulunu
deduksiya adlandırırıq (Evklid). Deduksiyanın əksliyi induksiyadır.
Bu,
müəyyən
növdən
olan
sonlu
sayda
müddəaların
ümumiləşdirilməsinə əsaslanan və bu ümumiləşdirməni həmin növün
bütün hallarına aid edən arqumentasiya üsuludur. Məsələn, son on il
ərzində, şəhər zooparkına baş çəkərək, biz qu quşlarını müşahidə
344
etmişik və onları hər dəfə də ağ rəngdə görmüşük. Bunun nəticəsində
də biz ümumiləşdirmə aparmışıq və təsdiq etmişik: "Bütün qu quşları
ağdır". Amma bu bizim ixtiyarımız çatandan daha güclü mühakimədir.
Axı biz bütün qu quşlarını müşahidə etməmişik. Tamamilə mümkündür
ki, zooparkda bizim görmədiyimiz başqa qu quşları da yaşayır. Biz
həmçinin qu quşlarını başqa yerlərdə də görməmişik və əlbəttə ki,
bizim anadan olduğumuz günə qədər mövcud olan qu quşlarını da
müşahidə etməmişik və bizim ölümümüzdən sonra dünyaya gələcək qu
quşlarını da biz heç bir zaman görməyəcəyik. Bizim müşahidə
etdiyimizlə bizim təsdiq etdiyimiz arasındakı münasibət sonlu ədədlə
sonsuzluq arasındakı münasibətə bənzəyir. Ümumiləndirilmiş və
induktiv mühakiməni – «Bütün qu quşları ağdır» - biz, əlbəttə ki,
yoxlaya bilərik. Bunun üçün həmişə müşahidə aparmalıyıq və qu
quşlarını başqa yerlərdə və başqa zamanlarda görənlərdən məlumat
toplamalıyıq. Əgər belə alınsa ki, kimsə ağ olmayan qu quşunu
həqiqətən də görmüşdür, onda bizim müddəa təkzib olunmuş olur.
Lakin nə qədər çoxlu qu quşunun bizim tərəfimizdən müşahidə
olunmasından asılı olmayaraq, belə müşahidələrin sayı ilə mümkün
müşahidələrin sayı arasındakı münasibət sonlu və sonsuz çoxluqlar
arasındakı münasibətə bənzəyəcəkdir. Bu, o deməkdir ki, induktiv
mülahizələr təkzib oluna bilər, amma heç bir zaman tamamilə təsdiq
oluna bilməz
149
.
Metod ətrafında Renessans döyüşü zamanı orta əsr sxolastik
fəlsəfəsində (çətin ki, antik fəlsəfədə) bir çox münasibətlərdə hökmran
olan deduktiv elmi idealdan xilas olmaq strateji olaraq zəruri oldu.
Məsələ ondadır ki, xalis deduksiya yeni biliyə aparıb çıxarmır. Onun
köməyi ilə əldə olunan müddəalar onun müqəddimələri qeyri-aşkar bir
şəkildə olsa da, özünə ehtiva edir. Deduktiv nəticələr düzgündür,
amma yeni biliyə münasibətdə sterildir. Lakin İntibah dövründə məhz
yeni biliyə can atırdılar. Elə buna görə də, deduktiv metodun tənqidi
heç də onun düzgün olmadığına yönəlməmişdi, onun məhsuldar
olmadığına yönəlmişdi.
Bu epistemoloji konfliktin görkəmli iştirakçılarından biri olan
Frensis Bekon
150
(Francis Bacon, 1561-1626) elmi ideal kimi
deduksiyanın əleyhinə çıxış etmişdi. Buna baxmayaraq aşkardır ki,
149
Bax: Popper, Fəsil 29.
150
Bir tərəfdən, Frensis Bekon insani xurafata (idolae mentis) tənqidi
yanaşırdı, digər tərəfdən isə, yeni elm (novum organon) haqqında pozitiv
təlim inkişaf etdirirdi. Bu halda o, yalnız müşahidələrinin kifayət olmadığını
dərk edirdi. Amma, o, təbiətin riyazi olaraq formulə edilmiş qanunlarını deyil,
Aristotelin arxasınca gedərək, şeylərin "formasını" (mahiyyətini) axtarırdı.