19
tegizishga harakat qiladi. Kim topni nishonga (rasmga) ko„p tegizsa, shu komanda
g„olib hisoblanadi
2. «Qushchalar inlaringizga kiring» o„yini.
O„yinchilarning qo„llarida bittadan turli ranga bo„yalgan faner doirachalar
bo„ladi. Bular qushchalarning inlari. SHerengada turgan har bir o„quvchi o„ziga
bittadan «in» tanlab oladi. rahbarning birinchi signali bilan (chapak chalish)
hamma o„z «inidan» «uchib chiqadi» va yugurgilab yuradi.
Ikkinchi signal bilan
«Kalxat kelyapti» ishorasi berilgach hamma o„z «ini» atrofiga tez «yugurib»
keladi. Kechikib qolganlar jarima ochko oladi. Boshqalarning «iniga»
kirishga
ruxsat etilmaydi.
3. «Ayiq qarag„ayzorda» o„yini
Maydonchaning bir tomoniga doira chizib ayiq ini yasaladi. Uning ikkinchi
tomonidan bolalar o„ynaydigan uychalar bo„ladi. Bolalar uychalaridan chiqib ayiq
ini tomon borayotib quyidagi so„zlarni aytadilar: «Biz ayiqning uyidan qo„ziqorin,
asal, mevalar olamiz». Ayiq ularga qarab o„kiradi
va inidan yugurib chiqib,
bolalarni tuta boshlaydi. Bolalar esa o„z uychalariga kirib olishga harakat qiladilar.
Ushlangan bolalarni o„z inining oldiga olib borib qo„yadi. Ularning soni 4-5 taga
etkandan so„ng boshqa ayiq (onaboshi) saylanadi. Qo„lga tushgan bolalar ayiqning
ini oldida yangi ayiq – onaboshi saylanguncha turishi shart.
4. «Kaltakesak» o„yini
O„yinchilar teng ikki komandaga bo„linadilar. Komandalardan biri qo„llarida
to„p bilan aylana tashqarisida joylashadi, ikkinchisi «kaltakesaklar» aylana ichida
bir qatorli kolonnada turadi (ular oldinda turgan o„rtoqlarining tirsaklaridan uishlab
turadi).
Doiraning tashqarisida turgan o„yinchilar to„pni
bir-birlariga uzata
boshlaydilar, kolonnaning oxirida turgan o„yinchiga tegizishga harakat qiladilar.
Kolonnada turgan o„yinchilar bir birlarini ushlashib kolonna oxiridagi o„yinchini
himoya qilib yuradilar. To„p tekkan o„yinchi o„yindan chiqadi. So„ngra kolonna
oxirida turgan o„yinchiga to„p tegizish mumkin bo„ladi va hokozo.
O„yin hamma o„yinchilar qo„lga tushmaguncha davom etadi.
Keyin esa
komandalar o„rin almashadilar. Qisqa vaqit ichida hamma o„yinchilarni tutib olgan
komanda g„olib hisoblanadi. To„pni beldan pastga urish kerak bo„ladi.
Beldan
yuqoriga ursa, o„yindan chiqmaydi.