636
Yusif kimi qəm zindanında giriftar oldu.
Qidasızlıqdan qaniçən ox quşu,
Simurq kimi tirkeş Qafında əsir oldu”.
O məqamda mərdimazar Hüseyni tutub aləmin pənahı olan dərgaha gətirdilər. Baxmayaraq ki, o,
növbənöv qəzəb və cəzaya layiq idi, o həzrət son dərəcə yüksək xeyirxahlığı üzündən ona əziyyət etməyə
meyil göstərməyib onu mülazimlərə tapşırdı. Bəzi bədbəxtlər onu o həzrətin rüxsəti olmadan qətlə yetirdi-
lər
2668
.
Nəzm
“Ey şah, yenə azdır sənə kim hər nə qədər şükr etsə,
Çünki ağılla, ədalətlə xalqı etdin asudə.
Din düşmənlərini sən elə məhv etdin ki sakitcə,
Nə əlin bulaşdı, nə də qılıncın oldu aludə”.
Ona görə də qəzavü-qədər kimi cərəyan edən fərman verildi ki, say-seçmə insanlardan və avam ca-
maatdan heç bir canlı təcavüz və intiqam qılıncını qından çıxarmasın və Sultan Heydər mirzə tabeçilərinin
canına, malına və arvad-uşağına təvəqqe əlini uzatmasın. Can qorxusundan evlərdə və dəlmə-deşiklərdə giz-
lənmiş olan o qövmdən bəziləri
2669
özlərini aləmin pənahı olan dərgaha çatdırdılar və qiyamət əlamətli əsgər-
lərin təcavüzündən əmin-amanlıqda qaldılar.
Səltənət və hökmranlıq kürsüsü, səadət taxtı, cahangirlik döşəyi, məmləkət qəbası və şahlıq tacı qeyb
pusqularından və “Ey mülkün sahibi olan Allah! Sən mülkü istədiyin şəxsə verərsən”
2670
xəlvətxanasından
ona həvalə edildiyi üçün bu əziz xanədanın dövlət günəşinin məşriqi olan Qəzvin şəhəri cah-calal çadırının
qurulduğu yerə çevrildi; haqq öz mərkəzində qərar tutdu. Qoç xəlifə Möhürdar, Qulu bəy Əfşar, Şamxal Çər-
kəz və Mirzə Əli bəy Qacar kimi ordu sərdarları və dərgah böyükləri çoxlu qoşunla o çəməndə müzəffər or-
duya gəldilər. Ondan sonra zəfər bayraqlı hökmdar Xüləfanın evinə cah-calalla qədəm qoydu. Türklər və ta-
ciklər uzaqdan və yaxından padşahın hüsn-rəğbətinin mərhəmətləri üçün cahanın pənahı olan dərgaha üz tut-
dular və hər biri öz rütbəsinin dərəcəsinə görə bol ənam və qiymətli ikram ilə iftixarlı və başı uca oldular.
Onun günəş kimi işıq saçan düşüncəsi və Bürcis (Yupiter) təsiri bağışlayan nurlu ürəyi böyük seyidlər təbə-
qəsinin, islam qazıları tayfasının, məşhur elm xadimlərinin, əyyam şairləri cəminin, fəzilət və kamal sahiblə-
rinin vəziyyətinin yaxşılaşdırılmasına meyil göstərdi. Onun ənamının feyz damcılarından bu tayfanın amal
qönçəsi səadət gülzarında açdı və onun qayğıkeşlik zülalının sızmasından bu təbəqənin rifah fidanı murad
çəmənində səmərə verdi. O həzrət Bəhram [kimi] qəhredici qoşunlarla şəhərə yönəldi. Dəbdəbəli tərzdə küçə
və xiyabandan keçib Səadətabad bağında cah-calalla dayandı. O bağ İrəm gülüstanının bir nümunəsidir.
Onun ali imarətləri fələk təbəqələri kimi görkəmlidir və onun bir küncündə həyat bəxş edən nəhrlər axmaq-
dadır. Həyat suyu onun zülalı qarşısında utanır və günəş çeşməsi onun bulağından xəcalət çəkir.
Şeir
“Onun zülalı yerin üzünün suyudur (abrusudur),
Onun daşan suyu yer üstünə tökülmüşdür.
Onun mehi qıvrım sünbülü şanə edib,
Havası şəbnəm yaşını danə edib”.
Onun ruh bəxş edən mehindən burun ətirlənir və könül açan güllərinin tamaşasından hamının gözü
nurlanır. O zaman Hacı Üveys bəy Bayat, Sultan Mustafa mirzəni tutub islamın pənahı olan dərgaha gətirdi.
O, öz böyük qardaşı olan kama çatmış hökmdarın əlini öpmək şərəfinə nail olub onun hüsn-rəğbət və qayğı-
keşlik baxışına tuş gəldi. O, əfv edildi və günahlarına göz yumuldu. Aləmin pənahı olan şah, “olan olub, ke-
çən keçib” kəlamını dilə gətirdi və Sultan Mustafa mirzə digər şahzadələrin cərgəsində qərar tutdu.
O əsnada Mürtəzaqulu sultan Pornak və Şiraz hakimi Vəli sultan düşməni məhv edən bahadırlardan
[ibarət] bir dəstə ilə Qəzvinə gəldilər və Fəridun kimi şan-şövkətli hökmdarın nəzəri qarşısına çıxdılar. Həm-
2668
İsgəndər bəy Münşi, Hüseyn bəy Yüzbaşı Ustaclunun II Şah İsmayıl zamanı zindanda ölməsi barədə məlumatı təsdiq etsə də,
onun orada öz əcəli ilə ishal xəstəliyindən vəfat etdiyini yazır
(Tarixi-aləmarayi-Abbasi, I c., Bakı, 2009, s.444).
2669
Baroda nəşri: “hər qövm ondan sonra”.
2670
Qurani-Kərim, “Ali-İmran” surəsi, 26-cı ayə.
637
çinin dövlət əyanları, səltənətin dayaqları, hakimlər, ərəb əşirətlərinin başçıları, nökərlər, istehkam və qalala-
rın müstəhfizləri, səhrada yaşayanlar və b. sakinlər və ümumi məmaliki-məhrusə camaatı islamın pənahı olan
dərgaha gəldilər.
O zaman əfi [ilan] surətli, əqrəb xasiyyətli, alçaq əməlli, Şümr
2671
görkəmli, kişi hesab edilən üzdən-
iraq nakişi, mərdimazar, din işindən qafil, həyasızlıq meydanının süvarisi [Hüseynqulu] Xüləfa Rumlu
2672
tutduğu vəzifədən uzaqlaşdırıldı. Həmin əhvalatın təfsilatı belədir ki, dinin pənahı olan şahın vəfatından və
yüksək məqamlı qazilərin Qəhqəhə qalasına getməsindən sonra qüdrətli dövlətin düşmənləri Qəzvinə yanlış
bir xəbər çatdırdılar. O xəsisin daimi adəti zülm və fəsad bünövrəsini təsis etmək, fitnə və inad sütunlarını
möhkəmlətmək olduğu üçün öz yanında olan Rum kürdlərindən [ibarət] alçaq, ədəbsiz və yaramaz bir dəstə-
ni topladı. Onun beyin qəsrinə pozğun xəyallar yol tapdı. Əmiraslan və bir sıra digər bədbəxtlər istədilər ki,
hökmdarlıq qəbasını Sultan Süleyman mirzənin əyninə geyindirsinlər.
Beyt
“Divə çatmaz Süleymanlıq,
Ya milçəyə simurqluq”.
Bundan qafil idilər ki, heyran və sərgərdan milçəyin nə əl-ayağı var ki, əzəmət fəzasında və cah-calal
havasında yüksək uçan şahbazla uça bilsin və ya dəyərsiz zərrələrin nə işığı və qüdrəti var ki, cahanın
yüksək
və alçaq yerlərini öz kölgəsi altında saxlayan parlaq günəşlə bərabər səviyyədə parlaya bilsin?! O zaman
uğur müjdəçisi, “Biz İbrahim övladına da kitab və hikmət vermişdik və onlara böyük mülk (hökmranlıq)
bəxş etmişdik”
2673
[ayəsinin] xoş ədalı nidasını xoşbəxt dövləti sevənlərin qulağına çatdırdı. Hamı sevincli,
şadman, yekdil və dilbir şəkildə Həzrət Sübhana (Allaha) şükür etməklə məşğul oldular. Bu xoş xəbərin gəli-
şindən ruh bəxş edən meh kimi o həyəcanlı şəhər rifahlı cənnət bağçaları kimi şənləndi. Xüləfa və Əmiraslan
qorxaq-hürkək oldular. O bədbəxtlərin pozğun xəyallarını xəbərçilər cahan hökmdarına ərz etdilər. Ona görə
də o həzrət Xüləfanı mənsəbdən çıxarıb Damğana göndərdi və onun yerini Bolğar xəlifə Rumlunun oğlu
Nurəli xəlifəyə verdi
2674
, Əmiraslanı isə Şüştərə yolladı.
Ali [hökmdarın] qulağına Azərbaycanın şəriət məsələlərinin icraçılarının xəyanəti haqqında [xəbər]
çatdığı üçün hamısını işdən çıxardı. Rəbiülaxır ayının son günündə (26.07.1576) Mirzə Şükrullanı vəzarət di-
vanına təyin etdi və işlərin həllini, təşkilini, camaatın ümumi mənafeyinin yüyənini onun iqtidar ovcuna ver-
di. O, elə bir aydın ürəkli katibdir ki, tez gəzən ay onun yazısının sürətindən təəccüb barmağını dişinə qoy-
muşdur və düz tədbirli ox onun təmiz zehninin qeyrətindən təfəkkür barmağının ucunu heyrət dişində tut-
muşdur. Qərara alındı ki, [Mirzə Şükrulla] cəmi əməllərdə və qadağalarda Həzrət İlahinin xofunu göz önün-
də saxlayıb, zalımların cəzalandırılması və məzlumların himayə olunması istiqamətində çalışaraq, heç kimə
tərəfkeşlik etməsin, divanın mənfəəti yolunda və aləm sakinlərinin ərzaqla təmin olunmasının səbəbkarı olan
kəndlilərin və əkinçilərin vəziyyətinin yaxşılaşdırılması uğrunda səy göstərsin.
Həmçinin bu zaman müstövfilik mənsəbi İsfahanın yüksək dərəcəli seyidlərindən olan Şah Qaziyə
həvalə edildi.
Həmçinin çaharşənbə günü, cəmadiyüləvvəl [ayının] 27-də (22.08.1576) aləmin pənahı olan şah Çe-
helsütun eyvanındakı hökmdar dövlətxanasında şərəfli tale və bəxtlə səltənət taxtı üzərində əyləşdi. Həzrət
əmirləri, dövlət ərkanı, dünyanın pənahı olan dərgahın məhrəmləri, Kəbəyə bənzər astananın mülazimləri,
rütbə yiyələri, mənsəb sahibləri, ali rəyli alimlər və bacarıqlı vəzirlər münasib yerlərdə qərar tutdular. Məcli-
sin önündə bir dəstə hacib ay və günəş kimi dayanmışdı. Onların əlləri qılıncın qəbzəsində və qulaqları şək-
lənmiş vəziyyətdə [idi].
Şeir
2671
Şümr – İmam Hüseynin qatilidir.
2672
Maraqlıdır ki, müəllif Həsən bəy Rumlu özü ilə eyni tayfaya mənsub olan və əsərinin əvvəlki yerlərində təriflədiyi dostu Hü-
seynqulu Xüləfa şahın gözündən düşüb vəzifədən kənarlaşdırıldıqdan sonra onun haqqında son dərəcə təhqiramiz ifadələr işlətməyi
rəva görmüşdür.
2673
Qurani-Kərim, “Nisa” surəsi, 54-cü ayə.
2674
İsgəndər bəy Münşiyə görə, II Şah İsmayıl zamanında Bolğar xəlifə Rumlunun oğlu deyil, özü xəlifətül-xüləfa mənsəbini daşı-
yırdı (Tarixi-aləmarayi-Abbasi, I c., Bakı, 2009, s.432). “Əhsənüt-təvarix”in Ç.N.Seddon nəşrində də xəlifətül-xüləfa vəzifəsinə Bol-
ğar xəlifənin təyin edildiyi göstərilmişdir (Baroda nəşri, vol. II, p.206).