638
“Xidmətdə pəri görkəmlilər şah önündə,
Kəmər bağlamışlar halədən ay kimi.
O bargahdakı yaraşıqlıların çoxluğundan,
Yer üzü günəş və ayla dolu bir asimana döndü”.
Xarəzm valisi Hacım xan Özbəyin oğlu Məhəmmədqulu sultanı, Din Məhəmməd oğlu Əbülxanın el-
çilərini, Portuqal [adı] ilə məşhur olan Firəng padşahı Dan Sebastiyanın elçilərini, Gürcüstan hakimləri Lə-
vənd oğlu İsa xanı, Ləvasan oğlu Simaun bəyi və Luristan hakimi Şah Rüstəmi bargaha gətirdilər. Onlar itaət
şərtlərini yerinə yetirdilər və bəzənmiş bir behişt gördülər ki, orada qızıl və gümüş tabaqlar düzülmüş, ipək
xalılar sərilmişdi. Aləmin pənahı olan şah məhəbbətli kəlmələrin və dostcasına sözlərin sığalı ilə onların kö-
nül güzgüsündən qəm pasını təmizlədi və yemək məclisinin bitməsindən sonra izzət və ehtiramla öz mənzili-
nə qayıtdı.
Dinin pənahı olan şah zamanında elçi sifəti ilə Ruma getmiş və Sultan Murad tərəfindən pəri üzlü
qulamlardan, zərli işləməli alaçıqlardan, ərəb atlarından, Şam və Hicazın yeyin atlarından, dördkünc çadır-
dan, Şüştər ipəyindən [toxunmuş] bargahdan, gümüş və qızıl sandıqlardan, nəfis kitablardan və dəyərli qu-
maşlardan [ibarət] bol hədiyyələrə və qeyri-məhdud töhfələrə layiq görülmüş Şahqulu sultan Ustaclunun oğ-
lu Toxmaq sultan şənbə günü Sultan Muradın çavuşu ilə birlikdə aləmin pənahı olan dərgaha gəldi və əmirlə-
rin vasitəçiliyi ilə əlahəzrətin ayağını öpmək şərəfinə nail oldu. O, [Sultan Muradın göndərdiyi] məhəbbət və
sevgi izharından, dostluq və ittihad qaydalarının möhkəmləndirilməsindən bəhs edən məktubu [II Şah İsma-
yıla] təqdim etdi.
O zaman dəlilik nəşəsindən tam nəsibini almış Peykər bəy Qacar gözlənilmədən hamamda Gəncə ha-
kimi Yusif xəlifə Ziyadoğlunun üzərinə gedib o biçarəni qətlə yetirdi və bununla kifayətlənməyib onun ana-
sını da gedər-gəlməzə göndərdi. Bu xəbər alicənab şaha çatdıqda, dünyanı bəzəyən düşüncəsinə çox ağır gəl-
di və onun həbsi haqqında hökmdar fərmanı verildi. Onu sərçə kimi bəla qəfəsində əsir və əzab tələsində
dustaq etdi və o, göyərçin kimi iztirab toruna düşdü.
Seşənbə günü, şaban ayının 7-də (30.10.1576) Sultan Süleyman mirzə və Sultan Mustafa mirzə hərə-
kət bayrağını axirət aləminə yüksəltdilər (öldülər). O əsnada Qəhdəhardan bir qasid gəlib bəyan etdi ki, Bəh-
ram mirzənin oğlu Sultan Hüseyn mirzə varlıq nağdını Qabizül-ərvaha (Əzrailə) vermişdir. Aləmin pənahı
olan şah onun oğlu Məhəmməd Hüseyn mirzənin mənzilinə tələsib [xətrini-əhvalını] soruşdu (başsağlığı ver-
di) və Qəndəhar hakimliyini Fulad xəlifə Şamluya həvalə etdi.
Həmçinin eyni vaxtda Qoç xəlifə Möhürdar Zülqədər mənsəbdən azad edildi. Aləmin pənahı olan
şah ali möhürü Bəhram mirzənin oğlu Sultan İbrahim mirzəyə tapşırdı. O əsnada Lar valisi İbrahim xanın el-
çiləri öz diyarlarından ali mənşəli hökmdarın bargahına gəlib peşkəş qaydasında nağddan (puldan), cavahir-
dən, külək rəftarlı ərəb atlarından və zərnigar taclardan [ibarət] çoxlu mallar təqdim etdilər.
Nəzm
“Div soylular pəri surətində,
Quruda və dənizdə cövlan etməkdə.
Səhra şahidi ev tələbi ilə,
Bağlayıb zəncir divanəlikdən.
Çevik və rəqsan halda gəldilər dəstə-dəstə,
Səmadakı göyərçin kimi müxtəlif, əlvan”.
Həmçinin Mazandaran valisi Sultan Məhəmməd xan ibn Sultan Murad xanın elçisi bol peşkəşlər təq-
dim etdi. Eləcə də Rəşt hakimi Cəmşid xanın elçisi və Hüveyzə valisi Seyid Səccadın qasidi Qəzvinə gəldi-
lər, Çehelsütun eyvanında Lar elçisi ilə birlikdə yeri öpmək şərəfinə nail oldular və öz hakimlərinin dilindən
itaət izhar etdilər.
Çaharşənbə günü, şaban ayının 27-də (19.11.1576)
2675
rəhmətlik şahın (Təhmasibin) hərəm bağında
əmanət şəklində dəfn olunmuş nəşini (meyitini) cinlərin və insanların imamı Sultan Əli ibn Musa ər-Rzanın
(İmam Rzanın) civarında dəfn etmək niyyəti ilə çıxardılar. Aləmin pənahı olan şah növhəni və ah-zarı tutqun
2675
Göstərilən miladi tarix çərşənbə (çaharşənbə) gününə deyil, bazar ertəsi (düşənbə) gününə təsadüf etmişdir.
639
səmaya çatdırdı. Onun şərəfli cəsədini şahzadə Hüseyn [məqbərəsində] qoydular. O həzrət böyük həcmdə aş
bişirilməsinə fərman verdi və öz nəfis vücudu ilə şəhər xaricində tərtib edilmiş bargaha təşrif gətirdi. Aləmin
pənahı olan şah səhərdən axşamacan ayaq üstündə dayandı və xidmət göstərdi. Xansalarlar (süfrəçilər) ləziz
yeməkləri həddən artıq və xəyal mədəsinə yığıla biləndən daha çox [miqdarda] gətirdilər.
Nəzm
“Hər yerdə elə süfrələr açdılar ki,
Sanki günəş içinə süfrə payəsi qoydular.
Rəngarəng süfrənin bolluğundan,
Geniş cahan dar oldu.
Bu doqquz asimanın tabağı,
Orada duzqabı kimi görünürdü”.
Xalqın müxtəlif təbəqələri o faydalı süfrədən bol həzz və yetərincə nəsiblə ləzzət alıb bəhrə götürdü-
lər.
O əsnada Sulaq Hüseyn Təkəlü ilə Mürtəzaqulu sultan Türkman arasında bir döyüş baş verdi. Bu
ədəbsizlik səbəbindən əcəmin və ərəbin padşahını (yəni ərəblərin və qeyri-ərəblərin padşahını) tər bürüdü. O,
öz gözəl yerişli atına minib o dava iştirakçılarından üç nəfəri oxla vurdu. Ona görə də fitnə atəşi yatdı. Fələ-
yin qulamlıq etdiyi şah yeməyin yeyilməsindən, calal və ikram sahibinin (Allahın) kəlamının (“Quran”ın)
xətmindən sonra dövlətxanaya yollandı.
Ramazanın (22.11-21.12.1576) axırında Xorasandan xəbər gəldi ki, Xorasan əmirülümərası olan
Şahqulu sultan Ustaclunu qətlə yetirmişlər. Onun öldürülməsinin səbəbi odur ki, o, dikbaşlıq və azğınlıq id-
diasına malik idi. Cənnət nişanlı Herat şəhərində olan Hüseyn sultan Əfşar, Xosrov sultan Koroğlu, Əmir
Həsən Xətib və b. qazilər bir yerdə oturub məşvərət etdilər və dedilər:
- Aləmin pənahı olan şaha müxaliflik etmək məhz cəhalət və yaramazlıqdır. Çünki qara bəxtinin bə-
lədçiliyi ilə o həzrətə qarşı müxaliflik və düşmənçilik bayrağı qaldırmış hər kəsin iş-gücünün səhifələri üzəri-
nə ruzigar başıaşağılıq və fəlakət hərfini yazmışdır. Şahqulu sultan haqtanımaz və vəfasız adamdır. O, dinin
pənahı olan şahın ona göstərdiyi qayğıkeşlik hüququnun dəftərini unutqanlıq tağı üzərinə qoymuşdur, müxa-
liflik və üsyan yolu ilə getməkdədir. Fürsəti əldən vermək lazım deyildir. Xatirimizi onun əqidəsinin xəbisli-
yindən və hiyləgərliyinin murdarlığından pak etmək gərəkdir və belə bir qorxmaz şəxsin yoxluğunu açıq-aş-
kar şadmanlıq müjdəsi və iki cahanın
2676
sevincinə nail olmağın sərmayəsi hesab etmək lazımdır.
Ona görə də müsəlləh və mükəmməl olub onun evinin qapısına getdilər. Onun mülazimləri qılınc iş-
lətməyərək, tülkü kimi qaçmağa üz qoydular. Qazilər onun canını bədənindən çıxardılar və onun həmin şə-
hərdə həyəcana gələn fitnə-fəsad tozunu atəş saçan qılıncın suyu ilə yatırdılar. Bu sevincli xəbərin çatdırıl-
ması üçün ildırım və külək kimi [tez gedən] bir qasidi Qəzvinə göndərdilər. Bu xəbər alicənab şahın qulağına
çatdıqda dəyərli Herat şəhərinin hakimliyini Şirvan valisi Araz sultan Rumluya tapşırdı.
Dəfələrlə əhvalının səhifəsindən vəfasızlıq və nifaq əlamətləri zahir və aşkar olmuş Hüseynqulu Xü-
ləfa həmin zaman kor edildi.
Həmçinin eyni zamanda Sultan Heydər mirzə tərəfdarları silkində qərar tutmuş Seyid bəy Kəmunə
dustaqlıq və həbs möhnətinə giriftar oldu.
Yekşənbə günü, zilhiccə [ayının] 6-da (24.02.1577) Bolğar xəlifənin oğlu Nurəli xəlifə həbs edildi.
Aləmin pənahı olan şah onu yasavulluqdan və həqarətdən əmirlik mənsəbinə ucaltmışdı. O, cəhalət səbəbin-
dən güman edirdi ki, fələk onun rüxsəti olmadan dövr edə bilməz və külək onun izni olmadan hava meyda-
nında cərəyan edə bilməz. O, elə hərəkətlərə təşəbbüs göstərdi ki, əlahəzrət hökmdarın xoşuna gəlmədi.
Elə həmin gün tale qələmi Sultan Mahmud mirzənin, Sultan Əhməd mirzənin və Məhəmməd Hüseyn
mirzə ibn [Sultan Hüseyn mirzə ibn] Bəhram mirzənin vücudunun naxışını varlıq lövhəsindən sildi. Bu hadi-
sə ilə eyni zamanda hüsn-rəğbətə və lütfkarlığa layiq görülmüş Bəhram mirzənin oğlu Sultan İbrahim mirzə
dəfələrlə vəfasızlıq və hiyləgərlik törətdiyi üçün öz əməllərinin cəzasına giriftar oldu və qəzavü-qədər əli
onun həyatının sicillini yazdı.
2676
Baroda nəşri: “həyatın”.