52
Akademiyasının Əlyazmalar İnstitutunda 11 mindən çox qədim əlyazma qoru-
nur. Onlar müxtəlif zamanlarda, müxtəlif dillərdə, müxtəlif müəlliflər tərəfin-
dən yazılmışdır. Bu əlyazmaların arasında şeir və nəsr əsərləri, eləcə də müxtə-
lif mövzularda kitablar vardır. O cümlədən tibb və əczaçılığa aid 360dan çox
əlyazma qorunur. UNESCO bu əlyazmalardan üçünü seçib dünya yaddaşı
siyahısına daxil etdi. Bunlar Əbu Əli İbn Sinanın, Əbülqasim Zəhrəvinin və
Rüstəm Cürcaninin əsərlərinin əlyazmalarıdır. Bu üç əlyazma, həqiqətən də,
ümumdünya əhəmiyyəti kəsb edir. Məsələn, İbn Sinanın Azərbaycanda qoru-
nan əsəri onun dünyada mövcud olan ən qədim əlyazmalarından biridir. Zəhrə-
vinin əlyazmasında yüzlərcə cərrahiyyə aləti təsvir edilmişdir. Rüstəm Cürcani-
nin əlyazması isə, ümumiyyətlə, Azərbaycandan başqa heç yerdə yoxdur.
Qədim Azərbaycan təbabəti və əczaçılığının çoxəsrlik irsini araşdırmaq və
müasir tibb elminin istifadəsinə qaytarmaq alimlərimizin vacib vəzifələrin-
dən biridir. Hazırkı konfrans bu istiqamətdə atılmış mühüm addımlardan biri-
dir. İndi öz tariximizə yeni gözlə baxdığımız, elmi və mədəni dəyərlərimizin
qaynaqlarını daha obyektiv meyarlarla araşdırmağa başladığımız bir vaxtda
bugünkü konfrans sanki bizim zəngin keçmişimizə açılan pəncərədir”.
UNESCOnun İnformasiya cəmiyyəti bölməsinin direktoru Əbdüləziz Abid
çıxış edərək demişdir: “Bu konfrans sizin bu sahəyə verdiyiniz əhəmiyyə-
tin bariz nümunəsidir. Mən sizə məlumat vermək istəyirəm ki, Dünya Yaddaşı
Proqramı UNESCOnun dünyanın bütün xalqlarının irsinin qorunması sahəsində
həyata keçirdiyi dünyamiqyaslı bir proqramdır. Bizim işimiz bununla bitmir.
Bu proqramın uğurlu olması üçün işlərimizi davam etdirməliyik. Bu proq-
ram 1992ci ildən gerçəkləşdirilir. Təbii fəlakətlər, müharibələr və münaqişələr
nəticəsində bir çox mühüm tarixi sənədlər məhv olmuşdur. Lakin bu proqramın
həyata keçirilməsi sayəsində qiymətli əlyazmalar rəqəmsal formata keçirilmişdir.
Beynəlxalq məşvərət komitəsi 69 ölkədə öz ofisini açmışdır. Əminəm ki,
Azərbaycanda da komitənin ofisi açılacaqdır. Komitənin əsas məqsədi UNES-
COnun üzvü olan ölkələrə mədəni və tarixi irsin qorunması sahəsində öz töv-
siyələrini verməkdir. Biz bu yaxınlarda Asiya və Sakit okean regionu, habelə
Latın Amerikası və Karib dənizi ölkələrində regional layihələrin reallaşdırıl
ması üçün bir sıra tədbirlər keçirmişik. Onlardan öz tarixi sənədlərini beynəl
xalq siyahıya təqdim etmələri xahiş olunmuşdur. Bu siyahı üç hissədən ibarət-
dir. Sənədlərin siyahıya salınması onların təşviq olunmasına xidmət edir.
Sənədlər məşvərət komitəsinin iclasının qərarı əsasında beynəlxalq siyahıya
salınır. Bu, UNESCOnun mədəni irsin qorunması ilə bağlı digər proqramlarına
bənzəyir. Hazırda beynəlxalq siyahıya 77 ölkədən tibb elminə və əczaçılığa aid
120dən çox mühüm əlyazma daxil edilmişdir.
Azərbaycan Milli Elmlər Akademiyası da bu sahəyə öz töhfəsini vermişdir.
Hazırda Azərbaycanda ən mühüm əlyazmalardan ibarət milli registrin yara-
53
dılmasına başlanmışdır. Biz bunu çox yüksək dəyərləndiririk. Bu siyahıla-
rın tərtib olunması tarixi sənədlərin qorunub saxlanmasına böyük əhəmiyyət
verildiyini göstərir.
Dünya Yaddaşı Proqramına təqdim olunan sənədlər müxtəlif meyarlar baxı
mından öyrənilir və sonra məşvərət komitəsi tərəfindən nəzərdən keçirilir.
Siyahı olduqca mühüm siyahıdır və hər hansı sənədin oraya daxil edilməsi o qədər
də asan prosedura deyildir. Bu proqram bir sıra pilot layihələrlə başlanmışdır
və bunlardan əsas məqsəd sənədlərin saxlanmasının müasir və ənənəvi metod-
larının öyrənilməsi, onların vebsaytlara çıxarılması, dərc olunması yollarının
araşdırılmasıdır. Bir çox sahələrdə proqramlarımız var. Məsələn, 67 il bundan
əvvəl Praqada əlyazmalar rəqəmsal formata salınmışdır. Hazırda orada 30 min
tarixi əlyazma rəqəmsal formada saxlanılır.
Digər layihəni Yəməndə həyata keçirmişik. Bu layihə çərçivəsində müqəd-
dəs Quranın əlyazmasının müasir üsullarla qorunub saxlanmasına yönəldil-
mişdi. İstanbul Universitetində də mühüm layihə həyata keçirmişik. Burada da
əlyazmaların saxlanması üsulları müzakirə edilmişdir.
Qahirədə İslam dininə aid sənədlərin qorunub saxlanması ilə əlaqədar
layihə həyata keçirmişik. Bu sənədlər kompakt disklərə köçürülmüş və çox
yüksək keyfiyyətlə arxivləşdirilmişdir. Bu sənədlərdə islam alimlərinin tibb
sahəsinə töhfələri əksini tapmışdır.
Hindistanın Mədrəs şəhərindəki institutda da bir layihə həyata keçirmişik.
Oradakı sənədlərdə otlarla ənənəvi müalicə üsulları göstərilir. Özbəkistanda
ƏlBiruni institutunda saxlanılan XIVXVII əsrlərə aid əlyazmalarla bağlı
layihə həyata keçirilmişdir”.
Mehriban xanım Əliyeva bildirmişdir ki, konfrans təkcə Bakı şəhə-
rində keçirilmir, iyunun 14də Yevlax şəhərində də davam edəcəkdir. Hesab
edirəm ki, bu çox yaxşı haldır, çünki qonaqlarımız regionlarla, bölgələrlə də
tanış olacaqlar.
2006cı il noyabrın 1də “Gülüstan” sarayında “Gənclər sivilizasiyaların
alyansı naminə” beynəlxalq konfrans başlanmışdır.
Azərbaycanın birinci xanımı, Heydər Əliyev Fondunun prezidenti, UNES-
COnun və İSESCOnun xoşməramlı səfiri, Milli Məclisin deputatı Mehriban
xanım Əliyevanın himayəsi ilə keçirilən konfransda Qətər Dövləti Əmirinin
xanımı Şeyxa Moza bint Nasir əlMisnəd və bir sıra beynəlxalq təşkilatın rəh-
bərləri iştirak etmişlər.
Konfrans “Gənclər sivilizasiyaların alyansı naminə: arzular həyata keçir”
filminin nümayişi ilə başlanmışdır. Filmdə Azərbaycanda mədəniyyətə göstə-
rilən diqqət və qayğıdan bəhs olunur, sivilizasiyalar arasında ittifaqın yaradıl-
ması təşəbbüsünün əsas məqsədləri vurğulanır.