vericiliyə əsaslanaraq xarici diplomatik nümayəndəliyə verilmiş bina və
torpaq sahələrinin azad olunmasını tələb edə bilər. Yerləşmə dövlətinin
qanun və qaydalarına hörmət etməyi öhdəsinə götürmüş nümayəndəlik bu
tələbi yerinə yetirməlidir. Təbii ki, yerləşmə dövləti belə olan halda
diplomatik nümayəndəliyin öz funksiyalarının effektiv yerinə
yetirilməsini təmin etməli, nümayəndəliyin rahatlığının pozulmasının və
onun
nüfuzuna zərər dəyməsinin qarşısını almalı, həmçinin
nümayəndəliyin yeni bina əldə etməsində ona kömək etməlidir. Bütün
bunları yerləşmə dövləti öz üzərinə öhdəlik kimi götürmüşdür.
Məcburiyyət tədbirlərinin tətbiq edilməsi haqqında məsələ isə hər bir
konkret halda konkret vəziyyət hesaba alınmaqla həll edilməlidir.
Diplomatik nümayəndəliklərə verilən torpaq sahəsinə müasir
beynəlxalq hüquqda yerləşmə dövlətinin bir hissəsi və ya ərazisi kimi
baxılır. Bu torpaq sahəsinə diplomatik nümayəndəliyin imtiyaz və
immunitetləri hesaba alınmaqla yerləşmə dövlətinin qanun qaydaları
şamil edilir. Yerli hakimiyyət orqanları xarici diplomatik nümayəndəliyin
rahatlığını pozmamaq və nümayəndəliyin şərəf və nüfuzuna zərər
verməmək şərti ilə bu nümayəndəliyin binalarının altında yeraltı işlər
həyata keçirmək hüququna malikdir. Eyni zamanda diplomatik
nümayəndəlik də yerləşmə dövlətinin qanun və qaydalarını hesaba
almaqla öz ərazisində torpaq işləri həyata keçirə bilər. Bir qayda olaraq,
bu işlərin həyata keçirilməsi haqqında məsələ müxtəlif kommunal
xidmətlərlə razılaşdırıldıqdan sonra diplomatik nümayəndəlik tərəfindən
həyata keçirilə bilər.
Diplomatik nümayəndəliyin toxunulmazlığının və diplomatik
immunitetinin pozulması beynəlxalq hüququn və dövlətin hüquqlarının
çox ciddi pozulması deməkdir. Ona görə də, dövlətlər adətən belə
pozuntulara çox kəskin münasibət göstərirlər. Ərazisində belə pozuntular
baş vermiş dövlətlərin hökümətləri bu cür faktların yolverilməzliyini başa
düşür və dərhal ziyan çəkmiş dövlətin hökümətinə öz təəssüflərini
bildirir. İstintaq aparılacağını və təqsirkar şəxslərin cəzalandırılacağını
elan edir.
Lakin burada bir neçə məqama diqqət yetirmək lazımdır.
75
Birincisi, diplomatik nümayəndəlik daxilində həyata keçirilən istintaq və
digər məcburiyyət tədbirləri yalnız diplomatik nümayəndəlik başçısının
xüsusi icazəsi ilə yol verilə bilər. İkincisi, diplomatik nümayəndəlik öz
daxili qaydalarını özü müəyyən edir. Bu isə o deməkdir ki, yerli
hakimiyyət orqanları Öz yurisdiksiyasını həyata keçirərkən diplomatik
nümayəndəliyin daxili səlahiyyətinə aid olan işlərə qarışmamalıdır.
Çünki bütün bunlar edilməzsə, həmin nümayəndəliyin ölkədən getməsi
və diplomatik münasibətlərin kəsilməsi məsələsi ortaya çıxa bilər.
Yerləşdiyi ərazinin toxunulmazlığının qorunması mövcud olmadan və
diplomatik immunité * t təmin olunmadan heç bir nümayəndəlik normal
fəaliyyət göstərə bilməz. Bunlar diplomatik münasibətlər haqqında 18
aprel
1961-ci
il Vyana Konvensiyasının 22-ci maddəsində
müəyyənləşdirilmişdir. Konvensiya deyilir:
1.
“Diplomatik nümayəndəliyin binaları toxunulmazdır. Yerləşmə
dövlətinin hakimiyyət orqanları nümayəndəlik başçısının razılığı
olmadan bu binalara daxil ola bilməzlər.
2.
Diplomatik nümayəndəliyin binaları hər cür hücumlardan və ya
zərər yetirilməsindən qorumaq, nümayəndəliyin rahatlığının hər cür
pozulması hallarının və ya onun şərəfinin təhqir olunmasının qarşısını
almaq üçün lazımi tədbirlər görmək yerləşmə dövlətinin xüsusi
vəzifəsidir.
Nümayəndəliyin binaları, avadanlıq və bu binalardakı digər
əmlak, həmçinin nümayəndəliyin nəqliyyat vasitələri axtarış, götürmə,
həbs, icra hərəkətlərinə qarşı immunitetdən istifadə edir”.
Nümayəndəlik başçısının icazəsi olmadan nümayəndəlik binasına
daxil olmağın qadağan olunması məcburi xarakter daşıyır və bu qaydadan
heç bir istisna yoxdur. Hətta, diplomatik nümayəndəlikdə yanğın baş
verdikdə və ya diplomatik nümayəndəlik terroristlər tərəfindən ələ
keçirildiyi halda belə bu qaydaya riayət edilməlidir.
Təcrübədə fövqəladə hallar zamanı diplomatik nümayəndəlik
başçılarının yerli hakimiyyət orqanları tərəfindən diplomatik
Kitabın sonundakı əlavobr bölməsində verilmiş həmin Konvensiyaya bax.
76
nümayəndəlik binasına daxil olmağa icazə verdiyi bir çox hallar vardır.
Elə vəziyyətlərə də rast gəlmək olur ki, diplomatik nümayəndəlik başçısı
hər hansı səbəbdən (nümayəndəlik binasında olmamaq, ölüm) fiziki
olaraq nümayəndəlik binasına daxil olmağa razılıq verə bilmir. Bu halda
diplomatik personalın üzvlərindən biri razılıq verir. Diplomatik
personalın üzvlərinin bu cür hərəkəti hüquqi qüvvəyə malik deyildir.
Çünki Vyana Konvensiyasına görə, razılığı yalnız nümayəndəlik başçısı
verə bilər. Diplomatik nümayəndəliyin başçısı deyil, nümayəndəliyin
digər personalının xahişi ilə yerli hakimiyyət orqanlarının diplomatik
nümayəndəlik binasına daxil olması bir çox hallarda narazılıq və
konfliktlərə səbəb ola bilər. Diplomatik nümayəndəlik başçısı
nümayəndəlik binasında olmadıqda və ya yerli hakimiyyət orqanlarının
diplomatik nümayəndəlik binasına daxil olması haqqında məsələni hər
hansı səbəbdən fiziki olaraq həll edə bilmədiyi halda yerləşmə dövləti
diplomatik nümayəndəliyə daxil olmağa razılıq almaq üçün akkreditə
edən dövlətin hökümətinə sorğu göndərməlidir. Bu vəziyyətdə diplomatik
nümayəndəlik başçısı razılıq verməzsə, bu diplomatik nümayəndəlik
binasına daxil olmaq üçün yerli hakimiyyət orqanlarını hər hansı hüquqi
imkandan məhrum edir. Bütün ümumi beynəlxalq hüquqda yalnız
biristisna mövcuddur. Bu da fors-major hallarıdır. Bu fors-major
(dəfedilməz qüvvə) hallan məsuliyyətdən azad edən hallardır, yəni
nəzarətdən yayınan, gözlənilməz və qaçılmaz fövqəladə xarakterli xarici
hadisələrdir: təbii fəlakətlər, epidemiyalar, epizootik xəstəliklər, silahlı
münaqişələr, mülki ixtişaşlar və s. Ümumiyyətlə, məsuliyyətdən
azadetmə subyektin törətdiyi və məsuliyyəti doğurmuş deliktin'
nəticələrini aradan qaldırmaq vəzifəsinin onun üstündən götürülməsidir.
Məsuliyyətdən azad edən hallara ilk növbədə zərərçəkmiş tərəfin
öz təqsiri aid edilə bilər. Məsələn, dövlət onun səfirliyinin barəsində
hazırlanan provakasiya aksiyası barədə məlumat alır.
Delikt • dəymiş zərərə dair müqavilədən kənar öhdəlik.
77
Dostları ilə paylaş: |