58
I BEYNƏLXALQ HƏMZƏ NİGARİ SİMPOZİUMU | Amasiya
the fourteenth century. These are the tombs of “Sheys Babi” and “Ahmedalilar” in
Fizuli, “Demirchiler” in Gubadli, “Yahya Muhammedoglu” in Zangilan, “Gutlu Musa”
in Aghdam, “Malik Ajdar” in Jabrail and “Mir Ali” in Lachin regions.
Azərbaycanın ortaçağ memarlığında XIII yüzilin ortasından XIV yüzilin ortasına
qədər sürən Elxanlılar zamanı parlaq bir gəlişmə olmuşdur. Hülakü xanlarının yay-
laq yerlərindən biri olan Qarabağ bölgəsində bu gəlişmə özünü daha çox xatirə
memarlığında göstərmişdir. Bu çağda ucaldılan türbələrin çoxu din xadimlərinin,
təriqət başçılarının məzarları, üzərində tikilmiş, zaman keçdikcə ziyarətgahlara –
tapınaqlara çevrilmişdir.
Elxanlılar dönəmində Qarabağda inşa edilmiş türbələrdə Səlcuqlu türbə me-
marlıq gələnəkləri davam etdirilmişdir. Ancaq həmin türbələrdə bölgəsəl memar-
lıq üslubunun özəllikləri və yenilikləri də aydın görülməkdədir. Bölgənin ən yayğın
türbə tipi iki qatlı quruluşu olan qülləvarı türbədir. Səkkizbucaqlı (poliqonal) və ya
dairəsəl planları olan bu türbələr gövdənin biçimindən asılı olaraq poliqonal sivri,
konik, ya da piramidal günbəzlə örtülürdü. Onlardan tarix sırasıyla ən əskisi Şeyx
Babi Yaqubun türbəsidir.
Füzuli rayonunun Babı kəndində uçuq minarə, türbə, məscid və qala divarla-
rı qalıqlarından ibarət iri bir memarlıq kompleksi – xanəgah Elxanlılar dönəminin
əsəridir. Yerli camaatın «Şeyx Babalı» adlandırdığı türbə bu xanəgahın mərkəzi tiki-
lişi olmuşdur. Türbənin giriş qapısının alınlığına bərkidilmiş daş kitabənin kufi xətli
yazısında bildirilir ki, «Bu məşhədin kamil zahid (əl-zahid əl-kamil) Şeyx Babi Yaqub
üçün tikilməsinə… 672-ci ildə əmr edilmişdir». Bu məlumata görə türbə XIII yüzilin
çox nüfuzlu din xadimi olmuş Şeyx Babi Yaqubun məzarı üzərində miladi tarixlə
1273-cü ildə ucaldılmışdır.
Elxanlılar çağının böyük tarixçisi – vəzir Fəzlullah Rəşidəddinin yazdığına görə
Hülaku xanları «Şeyx Babiyə böyük sayğı göstərirmişlər» və hətta Təkudər xan
(1282-1284) bir zaman «… Şeyx Babi və onun müridlərini müdafiə etmiş və onlar-
dan yardım diləmişdi». Şeyx Babinin nüfuzunu və gücünü onun böyük karvan yolu
üstündə saldırdığı iri memarlıq kompleksi də təsdiq edir.
Səkkiz üzlü gövdəsi olan Şeyx Babı türbəsi yaxşı yonulmuş ağ əhəng daşın-
dan tikilmişdir. İkiqatlı quruluşu olan türbənin hər iki qatı planda səkkizbucaqlı
biçimdədir. Ayrıca qapısı olan yeraltı qat yelkənlərə dayanan sivri biçimli günbəzlə
örtülüdür. Yerüstü kamera 1,5 metr hündürlüyü olan küzsülük üzərinə qaldırılıb.
Onun bir ox üzərində yerləşən iki açırımından biri – quzeydəki üst qata giriş qapısı-
dır. Güneydəki açırım isə içəridə mehrab kimi tərtib olunmuşdur. Türbənin prizmatik
gövdəsi ona uyğun poliqanal biçimli tək qatlı sivri günbəzlə örtülüdür.
Türbənin gövdəsinin hər üzündə yuxarısı pilləli olan dayaz tağça vardır. Gövdənin
künc qabırğaları və onları yuxarıda birləşdirən eyni qalınlıqlı üfqi zolaq pilləli tağ-
çaları haşiyələyir. Bu pilləli tağlar Şeyx Babi türbəsinin sərt və özümlü kompozi-
siyasının təşkilində önəmli rol oynayır. Gövdənin dış tutumunun quzey üzü içinə
giriş qapısını və tikinti kitabəsini alan baştağ şəklində, güney üzü isə daş yelənli
düzbucaqlı pəncərə şəklində işlənmişdir. Qapı və pəncərə gözləri, eləcə də doğu
və batı üzlərdəki tağçaların yuxarısında qoyulmuş kiçik pəncərə yarıqları türbənin
yerüstü kamerasını yaxşı işıqlandırmaqla yanaşı ona ifadəli fəzalıq da gətirir. Şeyx
Babı türbəsinin bir az ağır və mütənasib həcmi, bitkin ayrıntıları bu dəyərli abidənin
ustad bir memarın əsəri olduğunu göstərməkdədir.
Füzuli rayonunun Əhmədalılar kəndində qalan türbə təkcə üslubca deyil, tarixcə
də Şeyx Babı türbəsinə ən yaxın abidədir. Bunu hər iki türbənin analoji həc-məkan
59
I BEYNƏLXALQ HƏMZƏ NİGARİ SİMPOZİUMU | Amasiya
həlli, eləcə də bir xalq rəvayəti təsdiq edir. Həmin rəvayətə görə Əhmədalılar
kəndindəki türbəni Şeyx Babı türbəsinin memarının şagirdi onunla eyni vaxtda
ucaltmışdır. Əhmədalılar türbəsinin memarının və banisinin kimliyini, eləcə də tikin-
ti tarixini dəqiq bildirən bəlgə, kitabə qalmamışdır.
Türbə həcm-məkan həlli baxımından Şeyx Babı türbəsini, demək olar ki, təkrar
edir. Ancaq Əhmədalılar kəndindəki türbənin üst kamerasının günbəzi ikiqat-
lıdır, güneyə və quzeyə yönələn iki qapısı var və onlar müstəvi baştağ şəklində
işlənmişdir. Baştağın yelənləri elmi ədəbiyyatda «Səlcuq zənciri» adlanan həndəsi
naxış zolaqları ilə bəzədilmiş, qapı gözlərinin yanlarında dairəvi sütuncuqlar qoyul-
muşdur. Baştağ kompozisiyasının üstü isə bir ölçülü kiçik daş lövhələrdən yığılmış
və bəzəkli kərpic hörgüsünü yamsılayan üzlüklə doldurulmuşdur.
Türbənin dış həcmi səkkizüzlü prizmatik gövdə və onu qapayan səkkiztinli
günbəzdən qurulmuşdur. Günbəzin təpəsinə fiqurlu daş detal bərkidilmişdir.
Gövdənin hər bir üzü düzbucaqlı dayaz tağça şəklində həll edilmişdir. Onun
içərisində isə ikinci bir dayaz tağça yerləşir. İçəridəki tağça pilləli olub abrisi düz
xətlərdən yaradılmışdır. Bu tağçaların vertikal ritmi türbənin ağır nisbətli prizmatik
həcmini xeyli yüngülləşdirir. Üstündə inşaat kitabəsi qalmasa da, Füzuli rayonunun
başqa bir dəyərli abidəsi olan Şeyx Babı türbəsi ilə kompozisiya eyniliyi Əhmədalılar
türbəsinin XIII yüzilin sonlarında tikildiyinə şübhə oyatmır. Ola bilsin ki, bu iki birtipli
memarlıq əsərinin müəllifi də bir sənətkar olmuşdur.
Həkəri çayının Araz çayına töküldüyü vadidə qalan türbələr qrupu həcm-məkan
həllinə görə Füzuli rayonundakı türbələrdən seçilir. Memarlıq özəlliklərinə və
ölçülərinə əsaslanaraq araşdırıcılar bu türbələrin böyük nüfuzu və imkanları olma-
yan yerli feodalların xatirəsinə inşa edildiyi qənaətinə gəlmişlər. Yeraltı və yerüstü
iki qatlı quruluşu olan bu gülləvarı türbələrin hamısı daşdan ucaldılmışdır. Onlardan
ikisi Qubadlı rayonunun Dəmirçilər kəndi ərazisindədir.
Dəmirçilər kəndindəki birinci türbə kiçik dağ çayı Ağaçayın sağ sahilində
yerləşir. Meşəyə bitişik meyvə bağında ucalan bu türbənin bir tərəfi 1,9 metr olan
səkkizbucaqlı planı var. Türbənin yeraltı hissəsini öyrənmək, uçqun səbəbindən
mümkün olmamışdır. Yerüstü həcmin interyeri təmiz yonulmuş daş lövhələrlə
üzlənmiş, güney divarında kiçik və dayaz sivri tağça şəklində mehrab quraşdırılmış-
dır. İnteryerin tək bəzək detalı batı üzündə günbəzin lap altına bərkidilmiş və üzərinə
günəş təsviri çəkilmiş daş lövhədir. Belə bir təsvir gövdənin dışarısında – güney-batı
üzündə də vardır. Üst kameraya giriş qapısı yerdən 1,2 metr yüksəklikdədir. İçəridə
səkkizüzlüdən günbəzin dairəvi əsasına keçid künclərə bütöv daşdan yonulmuş
tromplar qoyulmaqla həll edilmişdir. Sferik günbəz bu trompların üstündəki karnizə
söykənir. Türbənin iç hündürlüyü 4,5 metrdir.
Çoxüzlü türbənin səkkiz üzünün hamısı Elxanlılar dönəminin bütün Arazboyu
türbələri üçün səciyyəvi olan çiyinli (pilləli) dayaz tağça şəklində işlənmişdir. An-
caq Dəmirçilər kəndindəki türbədə çiyinlər Füzuli türbələrindən fərqli olaraq uf-
qidir. Həm də bu türbədə tağçaların çiyinüstü bölümləri üçqanadlı sivri tağçalarla
tamamlanır. Türbənin doğu və batı üzlərindəki tağçaların ortasında dar və kiçik
pəncərə gözü qoyulmuşdur. Gövdənin quzey üzündə isə üstü iri yastı bir daşla qa-
panmış düzbucaqlı qapı gözü relyefli yelənlə haşiyələnmişdir. Enli yelənlər türbənin
girişinə sivri tağ görünüşü vermişdir.
Türbənin yüksəkliyi 5 metrə yaxın olan prizmatik gövdəsi səkkiz üzlü piramidal
günbəzlə örtülmüşdür. Bu dış günbəzlə iç sferik günbəz arası məkanda boş küplər
yerləşdirilmişdir. Səkkizüzlü gövdə iri daşlardan hörülmüş iki pilləli kürsülük üzərinə
qaldırılmışdır. Türbə bütünlüklə tünd qonur rəngli daşdan hörülmüşdrü. Onun gülləvarı