İ N F O R M A T İ K A
____________________________________________________________ 387
NNTP protokolunun tətbiq edildiyi sistemlərdəndir.
Məlum olduğu kimi hazırda hər bir dəqiqə ərzində dünyada minlərlə
konfranslar, görüşlər keçirilir, diskussiyalar edilir, müəyyən problemlər ətrafında
fikir mübadiləsi aparılır, onlar barəsində müəyyən məqalələr çap edilir və s. Məhz
İnternetin xəbər xidməti vasitəsilə belə fəaliyyətlər bir yerə yığılaraq
sistemləşdirilir və müəyyən mövzuya marağı olan istifadəçilərə bu yığıncaqlarda
interaktiv iştirak etmək imkanı yaradılır.
UseNet gündə 24 saat, ildə 365 gün fəaliyyət göstərən bir sistemdir. O gün
ərzində təxminən 5 minə yaxın (bəzi hallarda daha çox) mövzunu əhatə edən
görüşlərin keçirilməsinə imkan verir. UseNet sistemi vasitəsilə müəyyən mövzunu
seçmək, gedən “söhbətləri” izləmək və hətta həmin mövzuya aid məqalə də
göndərmək olar. Bəzi qrupları (adətən müəyyən elmi məqalələri) “idarəedən”lər
vardır və onlar daimi olaraq müəyyən mövzu ətrafında gedən söhbətləri və
məqalələri diqqət mərkəzində saxlayırlar. Əgər göndərilən məqaləni həmin
görünüş mövzusunda uyğun hesab etmirlərsə, onu UseNet sistemində dərc
etmirlər və ya müəyyən vaxt məhdudiyyəti qoyurlar.
Gopher
FTP protokolunun kompüterlərarası fayl mübadiləsinin öhdəsindən
yaxşı gəlməsinə baxmayaraq, bu sistemdə fayllarla işləmək üçün digər zəruri
vasitələr yoxdur. Buna görə fayl mübadiləsinin daha mükəmməl sistemi olan
Gopher işlənib hazırlanmış və İnternetin xidmətləri sırasına daxil edilmişdir.
Gopher sistemi fayla təkcə onun ünvanına, domen adına görə deyil, həm də
onun tərkibinə görə, yəni faylın əhatə etdiyi mövzuya görə də axtarılır. Gopher
ekranında menyu sistemi vardır. Baş menyunun hər bir elementi Gopher-in
konkret funksiyasını xarakterizə edir. Gopher sisteminin quruluşu istifadəçiyə
imkan verir ki, o FTP və TelNet (uzaqda yerləşən terminal protokolu) kimi
sistemlərlə inteqrasiya olunmuş formada işləsin. Belə ki, istifadəçi baş menyunun
elementlərindən birini seçməklə sistem Gopher-serverdən kənara çıxaraq fayl
axtarışını FTP və TelNet serverlərdə davam edə bilər.
Hazırda mövcüd olan Gopher-serverlərin siyahısı bir neçə mindən artıqdır.
Bütün Gopher kompüterlər (serverlər) - indekslər vasitəsilə Gopherspase
(Gopher mühit) adlanan vahid axtarış sistemi formasında birləşdirilmişdir. Əgər
FTP sistemi şəbəkə vasitəsilə müəyyən proqramların axtarışı üçün nəzərdə
tutulubsa, Gopher sistemi ünvanların, kitab kataloqlarının, sorğu materiallarının,
bir sözlə mətn informasiyasının axtarışı üçün işlənib hazırlanmışdır.
TelNet
İnternetin ilk protokollarından biridir. Bu protokol uzaq məsafədə
yerləşən və İnternet şəbəkəsinə qoşulan kompüterin resurslarından istifadə
etməyə imkan verir. TelNet sistemi vasitəsilə şəbəkəyə qoşulmuş istənilən host
kompüterə müraciət etmək, onun sisteminə müəyyən əmrlər vermək, həmin
kompüterlərdə mövcud olan istənilən proqramı yükləmək və s. əməliyyatları
yerinə yetirmək mümkündür. Bu zaman istifadəçinin kompüteri bilavasitə host
kompüterə (uzaqda yerləşən terminala) “çevrilir” və istifadəçi özünü həmin
kompüterin ekranı arxasında oturmuş hiss edir.
İ N F O R M A T İ K A
____________________________________________________________
388
İNTERNETDƏ ÜNVANLAŞDIRMA (TCP/IP PROTOKOLU)
TCP/IP-nin (Transmission Control Protocol/İnternet Protocol) iş prinsipi
İnternetə qoşulmuş istifadəçinin məlumatını, sənədlərini və fayllarını kiçik
informasiya paketləri vasitəsilə uzaq məsafədə yerləşən nöqtələrə göndərməkdir.
Kiçik paketlərə bölünmüş informasiya İnternet xətlərində bir-birindən asılı
olmadan göndərilir. Bundan başqa paketlərdə verilənlər nişanlanırlar ki, bunun
köməkliyi ilə qəbul olunma ardıcıllığı pozulsa belə, nəticədə fərdi kompüter
nişanlara uyğun informasiyanı qəbul edir. Əgər göndərilən informasiya müəyyən
olunmayan səbəbdən xətdə itərsə, kompüter həmin informasiyanı nişanın
köməkliyi ilə təkrar sorğu edir və göndərilən informasiyaya uyğun olan məlumatı
və ya faylı bərpa edir.
TCP/IP 1970-ci illərdə kompüterlərin və müxtəlif tip şəbəkələrin
əlaqələndirilməsi məsələsinin öyrənilməsi nöqteyi-nəzərindən maliyyələşdirilərək
yaradılmışdır.
TCP/IP heç bir firma və ya şirkət tərəfindən konkret olaraq
maliyyələşdirilmir. Bu səbəbdən də istənilən şəxs və ya firma İnternetə qoşularaq
milyonlarla istifadəçi ilə əlaqə yaradır, informasiyanın göndərilməsində və ya
qəbul olunmasında bilavasitə yaxından iştirak edir.
Kompüter şəbəkələrində standartlaşmanın əsasını şəbəkə qarşılıqlı
vasitələrinin yaradılmasında coxsəviyyəli yanaşma təşkil edir. Beləliklə, sistemin
qovşaqlarının qarşılıqlı əlaqəsi üçün müxtəlif səviyyələrdə protokollar istifadə
edilir.
Protokol
müxtəlif qovşaqlarda eyni səviyyədə şəbəkə komponentləri ilə
mübadilə edən xəbərlərin ardıcıllığını və formatını təyin edən qaydalardır. Sadə
dildə desək, protokol şəbəkədə kompüterlərin bir-biri ilə ünsiyyət dilidir.
Şəbəkələrin qovşaqlarında və bütün səviyyələrində onların qarşılıqlı əlaqəsini
iyeararxik təşkil edən protokol yığını
protokollar
steki
adlanır. İnternetdə əsas
protokol TCP/IP protokoludur. Bu protokollar steki aşağı səviyyədə fiziki, kanal
səviyyələrinin yuxarı səviyyəsində isə tətbiqi səviyyənin protokollarını (FTP,
Telnet, poçt protokolu SMTP, WWW hipermətn servis xidmətini və s.) təşkil edir.
İnternet vasitəsilə informasiyanı ötürmək, müxtəlif insanlarla əlaqə
yaratmaq və s. bu kimi işləri həyata keçirməkdən ötrü fərdi kompüterlərdən
istifadə etmək lazım gəlir. Məlumdur ki, istifadə edilən kompüterlər müxtəlif
firmalar tərəfindən (məsələn, UNIX, Amiga, IBM və s.) istehsal olunur. Bu
səbəbdən də onların birgə işləməsi üçün kompüterlər mütləq bir-biri ilə eyni dildə
danışmalıdırlar. Yaranan çətinliyi TCP/IP protokolu aradan qaldırır və kompüterlər
arasında körpü rolunu ifa edir.
TCP/IP protokolu tərkibinə və tətbiqinə görə aşağıdakı qruplara bölünən
protokollardan ibarətdir:
İki kompüter arasında verilənlərin ötürülməsini idarə edən nəqliyyat
protokolundan;
Məlumatların ünvanlarını işlədən və lazım olan ünvana ən qısa yolu təyin