İ N F O R M A T İ K A
____________________________________________________________ 381
edilmişdir:
WWW (World Wide Web – Ümumdünya hörümçək toru);
Elektron poçtu (E-mail) - xidmət növü;
FTP (File Transfer Protocol) – faylların çox asanlıqla ötürülməsinə imkan
verən protokol;
NNTP (Network News Transfer Protocol) – şəbəkə xəbər ötürülmə
protokolu. Bu “
telekonfrans
(UseNet)” kimi də göstərilir;
Gopher – fayl mübadiləsinin daha mükəmməl sistemi;
TelNet – uzaqda yerləşən terminal protokolu.
WWW
ümumdünya hörümçək toru olub, bütün Web serverlərini özündə
birləşdirir. Veb keçidlərdə saxlanılan sənədlər (Veb–səhifələr) İnternet xidmətinin
ən çox yayılmış informasiya növü sayılır.
İnternet dedikdə ilk növbədə WWW nəzərdə tutulur. Əslində Veb İnternet
xidmətlərindən biridir. Veb özündə mətn, görüntü, səs, videoklip, animasiya kimi
multimedia elementlərini və hətta birbaşa efirdə xəbərlər və konsertlərin yayımını
birləşdirir. WWW monitorun seçilmiş sahəsində mausun düyməsini sıxmaqla bir
sənəddən və ya kompüterdən digərinə keçməyə imkan verir. WWW-nin proqram
təminatından istifadə edərək kompüterlərin manitorunda mətnlər, qrafiki təsvirlər,
video-audio informasiya görüntüləri alınır. Veb İnternetin geniş resurslarına, şəkil,
musiqi kliplərinə və filmlərə müraciəti təmin edir. Veb digər sistemlərdən fərqli
olaraq iki xüsusiyyətə malikdir. Veb multimedia hiper-müraciətinin interaktiv
vasitəsidir. Hipermüraciət İnternetin müxtəlif resursları arasındakı müraciətdir.
Hipermüraciət sənədi adicə mətn sənədidir. Onlar digər mətn sənədlərindən
rənglərinə və altlarından xətt çəkilmələrinə görə seçilirlər.
Veb - qlobal multimedia kommunikasiya sistemi olaraq, informasiyanın
ötürülməsinin yeni üsuludur. Hipermətn - hipermüraciətləri istifadə edən elektron
sənəddir. Veb səhifələrində informasiya hipermətnlərlə yaradılır. Hipermətn
müəyyən sayda mətn sənədlərinin istinad edilməklə birləşdirilməsi
texnologiyasıdır. Hipermətn özlüyündə mətn sənədidir. Onun tərkibi digər
sənədlərdə saxlanılan materiallara müraciət etməklə toplanmış mətnlər
toplusundan ibarətdir.
Xüsusi hazırlanmış brauzer proqramları (Veb mühitində və İnternetdə
axtarışa və baxışa imkan yaradan, həmçinin istifadəçinin kompüterində işləyən
xüsusi proqramlar) var. Bu proqramlara
brauzerlər
deyilir. Müxtəlif şirkətlər
tərəfindən yaradılmış bir çox brauzer proqramları mövcuddur. Lakin daha çox
istifadə olunan Microsoft şirkətinin Internet Explorer və yaxud Netcape şirkətinin
Netcape Communicator proqramlarıdır.
Brauzerlərin köməyi ilə istifadəçi Veb səhifələrinin birindən digərinə təkcə
Veb keçidlərinin əhatəsində deyil, başqa yerlərdə də keçməklə Veb səhifələrində
hipermüraciətin daxilindəkilərə baxış keçirə bilər. Buradan aydın olur ki, Veb
səhifələri bir-biri ilə İnternet daxilində ixtiyari şəkildə əlaqəlidirlər. Odur ki,
informasiyanın bu şəkildə təqdimi WWW, hipermətndə informasiyanı təqdim
etmək üçün istifadə edilən dil isə HTML (Hyper Text Markup Language) adlanır.
İ N F O R M A T İ K A
____________________________________________________________
382
Veb səhifələrində hiperistinad mətnlərindən başqa digər formalarda da
(qrafik, səs, video və multiplikasiya) informasiya təqdim olunur. Bu
hipermediya
adlanır. Hipermediya qlobal İnternet şəbəkəsində məlumatın işlənməsini və
təqdimini həyata keçirən texnologiya hesab edilir. Bu məqsədlə HTML dilinin
imkanlarını artırmaq lazımdır.
Hipersənədlərin ötürülməsi üçün HTTP (HyperText Trasnfer Protocol –
Hipermətn Ötürülmə Protokolu) adlanan protokol işlənib hazırlanmışdır.
Veb-serverə müraciət edərək istənilən səhifəni tapmaq və onu ekrana
çıxarmaq mümkündür. Lazım olan informasiyanı İnternetdən almaq üçün ən sadə
üsul axtarılan resursun ünvanını göstərməkdir. İnformasiyanı İnternetdə
saxlamaq üçün URL (Uniform Recource Locator - Universal ünvanlar)ından
istifadə edilir. URL ünvanı iki hissədən ibarətdir: sol hissə istifadə olunan
protokolu göstərir, sağ hissə isə şəbəkənin (uyğun serverin adı) hansı yerindən
resursların verildiyini bildirir. Bu hissələr bir-birindən iki nöqtə ilə ayrılır:
http://serverin adı/yol/fayl
Ünvanların sol tərəfindəki http:// yazılışı WWW-də http://WWW müraciəti
göstərir. Bu Hyper Text Transfer Protocol - hipermətn ötürmə protokolu kimi
oxunur.
İnternetdə axtarış
. Veb–sənəd tərkibində mətn, digər sənədlərə,
qrafiklərə, audio və video təsvirlərə hiperistinad olan sənədi özündə əks etdirir.
Hiperistinad üzərində mausun düyməsini sıxdıqda, ünvanı göstərilən sənədə və ya
audio/video təsvirlərə keçid yerinə yetirilir.
Axtarış sistemləri
vasitəsi ilə İnternetdə istifadəçiyə lazım olan
informasiyanı əldə etmək olar. İnternetdə işləməyin əsasını istifadəçinin
kompüterini İnternet serverlərinə qoşmaq, məlumatı axtarmaq və tapılan
məlumatı kompüterdə oxumaq təşkil edir. İnternetdə işi asanlaşdırmaq üçün
xüsusi axtarış serverləri yaradılır.
İnternet serverlərdə, saytlarda yerləşən məlumatlar haqqında verilənlər
bazası toplanır. Bu proqramlar axtarış sistemləri (Yandex, Rambler, Google,
AltaVista, Toema, WiseNut, Euroseek, Yahoo və s.) adlanır. İstifadəçi İnternetin
bir sıra axtarış proqramlarından (axtarış serveri, axtarış sistemləri) istifadə edə
bilər. Belə sistemlər müntəzəm olaraq işləyirlər. Xüsusi proqramların köməyi ilə
Veb serverlər şəbəkədə məzmunla bağlı məlumatlar toplayır.
Aşağıda populyar axtarış serverlərin bəzilərinin ünvanları verilir:
● http://www.rambler.ru
● http://www.yahoo.com
● http://www.excite.com
●
http://www.google.com
İstifadəçi İnternetdə hər hansı bir informasiyanı axtarırsa, axtarış
sistemlərinə açar sözləri daxil etməlidir. Axtarış bir sözə, bir neçə sözə və ya
ifadəyə uyğun icra olunur.