180
- cu ildə 120 nəfər (427, s.868) azərbaycanlı yaşamışdır. 1988-ci ilin noyabr ayında azərbaycanlılar
Ermənistan dövləti tərəfindən qovulmuşdur. İndi ermənilər yaşayır.
Toponim qədim türk dilində «kənar, çöl, düzənlik» mənasında işlənən kır (kir -İ.B) sözü ilə
(359, II(1), s.733) tağ (>dağ) sözünün (339, s.537) birləşməsindən əmələ gəlmişdir. Toponim
əvvəlindəki «yuxarı» sözü fərqləndirici əlamət bildirir. Orotoponimdir. Quruluşca mürəkkəb
toponimdir.
Yuxarı Körpülü - Gəncə quberniyasının Qazax qəzasında, indi Barana (Noemberyan)
rayonunda kənd. Rayon mərkəzindən 6 km şimal-qərbdə, Quruçay vadisində yerləşir.
Kənddə 1831-ci ildə 43 nəfər, 1886-cı ildə 361 nəfər, 1897-ci ildə 402 nəfər, 1908-ci ildə 440
nəfər, 1914 - cü ildə 427 nəfər, 1916-cı ildə 792 nəfər azərbaycanlı yaşamışdır (415, s.16-17; 100-
101). 1918-ci ildə kəndin sakinləri ermənilər tərəfindən qırğınlarla qovulmuşdur. İndiki Ermənistanda
sovet hakimiyyəti qurulduqdan sonra azərbaycanlılar öz kəndlərinə qayıda bilmişdir. 1922-ci ildə
burada 523 nəfər, 1926-cı ildə 530 nəfər, 1931-ci ildə 630 nəfər (415, s.16-17, 100-101), 1987-ci ildə
2000 nəfər (85, s.329) azərbaycanlılar yaşamışdır. 1988-ci ildə azərbaycanlılar Ermənistan döyləti
tərəfindən yenidən öz doğma kəndlərindən qovulmuşlar. İndi ermənilər yaşayır.
Kənd XII əsr tarixi abidəsi olan Sınıq körpünün (Qırmızı körpü) yanında salındığı üçün kənd
Körpülü adlandırılmışdır. «Yuxarı» fərqləndirici əlamət bildirir. Relyef əsasında yaranan mürəkkəb
quruluşlu toponimdir.
Yuxarı Gəzbin - İrəvan quberniyasının Eçmiədzin qəzasında, indiki Talin rayonu ərazisində
kənd. 1918-ci ilin yanvarında 100 nəfər azərbaycanlı yaşamışdır (309, s.220). Kəndin köklü sakinləri
azərbaycanlılar 1918-ci ilin fevralında ermənilərin təcavüzünə məruz qalaraq deportasiya olunmuşdur
(309, s.220). Kənd 1920-ci ildə ləğv edilmişdir.
Toponim Azərbaycan dilində «aşırım», «dağın təpəsindəki çökəklik», «yüksək və orta dağ beli
tirəsində olan enli yarıq» mənasında işlənən gəz sözü ilə (235, s.126; 273, s.56; 339, s.167)
«köçərilərin mal-qara ilə köçüb, kəndin kənarda məskan saldıqları yer, yurd, köç» mənasında işlənən
binə sözünün (9, s.273; binə sözündəki «ə» saiti düşmüşdür) birləşməsindən əmələ gəlmişdir.
Toponimin əvvəlindəki «yuxarı» fərqləndirici əlamət bildirir. Orotoponimdir. Quruluşca mürəkkəb
toponimdir.
Yuxarı Gödəkli - Yelizavetpol (Gəncə) quberniyasının Zəngəzur qəzasında, indi Qafan
rayonunda kənd. Rayon mərkəzindən 14 km şərqdə yerləşir. Qafqazın 5 verstlik xəritəsində qeyd
edilmişdir (348, s.127).
Kənddə 1897-ci ildə 201 nəfər, 1914 - cü ildə 79 nəfər azərbaycanlı yaşamışdır (415, s.56-57,
134-135). 1918-ci ildə azərbaycanlılar deportasiya olunmuşdur. İndiki Ermənistanda sovet hakimiyyəti
qurulandan sonra azərbaycanlılar öz evlərinə dönə bilmişlər. Burada 1922-ci ildə 132 nəfər, 1926-cı
ildə 118 nəfər, 1931-ci ildə 163 nəfər (415, s.56-57, 134-135), 1939 - cu ildə 221 nəfər, (1959 - cu ildə
180 nəfər, 1970-ci ildə 275 nəfər, 1979 - cu ildə 381 nəfər azərbaycanlı yaşamışdır (427, s.886). 1988-
ci ildə azərbaycanlılar Ermənistan dövləti tərəfindən tamamilə deportasiya olunmuşdur. İndi burada
ermənilər yaşayır.
Toponim türk mənşəli qazaxlar tayfasından olan gödəkli etnonimindən (386, s.535) əmələ
gəlmişdir. Etnotoponimdir. «Yuxarı» fərqləndirici sözü ilə işlənərək mürəkkəb quruluşlu toponim
yaratmışdır.
Erməni dilinə kalka edilərək Verin Gyodaklu formasında işlədirilir.
Yuxarı Güllüdüzü - İrəvan quberniyasının Şərur-Dərələyəz qəzasında, indi Keşişkənd
(Yeğeqnadzor) rayonunda kənd. Erdəpin çayının sağ sahilində yerləşirdi. Kənddə 1897-ci ildə 263
nəfər, 1926-cı ildə 108 nəfər yalnız azərbaycanlı yaşamışdır (415, s.92-93). 1959 - cu ildə Aşağı
Güllüdüz kəndi ilə birləşdirilmişdir.
Toponim güllü (çiçəkli) mənasında və III şəxsinin təkinin mənsubiyyət şəkilçisi (-ü) qəbul
etmiş düz sözündən əmələ gəlmişdir. «Güllü, çiçəkli, düz yerdə olan kənd» mənasını bildirir.
Toponimin əvvəlindəki «yuxarı» fərqləndirici əlamət bildirir. Fitotoponimdir. Quruluşca mürəkkəb
toponimdir.
Yuxarı Necili - İrəvan quberniyasının İrəvan qəzasında, indi Zəgibasar (Masis) rayonunda
kənd. Rayon mərkəzindən 1,5 km şimalda yerləşir. 1969 - cu ildə Zəngibasar (Masis) rayonu təşkil
edilənədək Qəmərli (Artaşat) rayonunun tərkibində olmuşdur. Qafqazın 5 verstlik xəritəsində (348,
s.186) qeyd edilmişdir.
181
Kənddə 1831-ci ildə 155 nəfər, 1873 - cü ildə 540 nəfər, 1886-cı ildə 654 nəfər, 1897-ci ildə
791 nəfər, 1908-ci ildə 933 nəfər, 1914 - cü ildə 945 nəfər, 1916-cı ildə 732 nəfər yalnız azərbaycanlı
yaşamışdır (415, s.48-49, 128-129). 1918-ci ilin sonu 1919 - cu ilin əvvəllərində kəndin sakinləri
erməni təcavüzünə məruz qalraq deportasiya olunmuşdur (309, s.220). Yalnız indiki Ermənistanda
Sovet hökuməti qurulandan sonra sağ qalanlar ata-baba yurdlarına dönə bilmişdir. Burada 1922-ci ildə
319 nəfər, 1926-cı ildə 365 nəfər, 1931-ci ildə 627 nəfər azərbaycanlı yaşamışdır (415, s.48-49, 128-
129). 1988-ci ilin noyabr-dekabr aylarında azərbaycanlılar Ermənistan dövləti tərəfindən tarixi-etnik
torpaqlarından deportasiya olunmuşdur. Toponim fərqləndirici əlamət bildirən «yuxarı» sözü ilə nəcli
türk tayfasının adı (143, s.30) əsasında əmələ gəlmişdir. Azərbaycan dilində ə~e səs əvəzlənməsinin
qanunauyğun fonetik hadisə olduğunu nəzərə alıb qeyd edə bilərik ki, necili nəçli etnoniminin fonetik
variantıdır. Etnotoponimdir. Quruluşca mürəkkəb toponimdir.
Erm. SSR AS RH-nin 25.l.1978-ci il tarixli fərmanı ilə adı dəyişdirilib Nizami (Azərbaycan
şairi N.Gəncəvinin adı) qoyulmuşdur.
Yuxarı Novruzlu - İrəvan quberniyasının İrəvan qəzasında, indi Qəmərli (Artaşat) rayonunda
kənd. «İrəvan əyalətinin icmal dəftəri»ndə Novruzlu adında (143, s.49) qeyd edildmişdir. Kənddə
1828-ci ilə qədər yalnız azərbaycanlılar yaşamışdır.
1828-30 - cu illərdə İranın Xoy və Salmas vilayətlərindən ermənilər köçürülərək kənddə
yerləşdirilmişdir (386, s.551- 554). Kənddə ermənilərlə yanaşı 1831-ci ildə 37 nəfər, 1873-cü ildə 115
nəfər, 1886-cı ildə 158 nəfər, 1897-ci ildə 180 nəfər (415, s.48-49, 128-129), 1918-ci ilin yanvarında
231 nəfər (309, s.216) azərbyacanlı yaşamışdır. 1918-ci ilin fevralında azərbaycanlılar soyqırımına
məruz qalaraq deportasiya olunmuş (309, s.216) və kənddə yalnız ermənilər qalmışdır. Indi ermənilər
yaşayır.
Toponim mərzili tayfasından olan novruzlu nəsil adı (286, s.74) əsasında əmələ gəlmişdir.
Toponimdəki «yuxarı» fərqləndirici əlamət bildirir. Patronomik toponimdir. Quruluşca mürəkkəb
toponimdir.
Yuxarı Pirtikan İrəvan quberniyasının Eçmiədzin qəzasında, indiki Talin rayonunda kənd.
Rayon mərkəzindən 15 km məsafədə yerləşir. Qafqazın 5 verstlik xəritəsində (348, s.202) qeyd
edilmişdir.
Toponim Azərbaycan toponimiyasında fərqləndirici əlamət bildirən «yuxarı» sözü ilə «dini
məbəd» mənasında işlənən pir sözünün qıpçaqların tikan etnoniminə (286, s.66) yanaşması əsasında
əmələ gəlmişdir. Etnotoponimdir. Quruluşca mürəkkəb toponimdir. Erm. SSR AS RH-nin 2.III.1940-
cı il fərmanı ilə kəndin adı dəyişdirilib Tsaxkasar qoyulmuşdur.
Yuxarı Talin İrəvan quberniyasının Eçmiədzin qəzasında kənd. İndi Talin rayonunun mərkəzi.
Qafqazın 5 verstlik xəritəsində (348, s.236) qeyd edilmişdir.
Toponim fərqləndirici əlamət bildirən yuxarı sözü ilə «söyüd ağacı», «söyüd kolu» mənasında
işlənən tal (341, s.180-182; 337, s.235) və qədim türk dilində «daxma, mağara, kaha» mənasında
işlənən in sözünün (299, s.209) birəşməsindən əmələ gəlmişdir. Relyef əsasında yaranan mürəkkəb
quruluşlu toponimdir. Kəndin adı erməni dilində Verin Talin (verin-yuxarı deməkdir) formasında qeyd
edilir.
Yuxarı Türkmənli İrəvan quberniyasının Eçmiədzin qəzasında, indi Üçkilsə (Eçmiədzin)
rayonunda kənd. Rayon mərkəzindən 8 km cənubda, Böyük Qarasu çayının yanında yerləşir. Qafqazın
5 verstlik xəritəsində (348, s.248) qeyd edilmişdir.
Kənddə 1831-ci ildə 64 nəfər, 1873 - cü ildə 262 nəfər, 1886-cı ildə 360 nəfər, 1897-ci ildə 438
nəfər, 1904 - cü ildə 510 nəfər, 1914 - cü ildə 540 nəfər, 1916-cı ildə 460 nəfər, 1919 - cu ildə 460
nəfər azərbaycanlı yaşamışdır (415, s.82-83, 152-153). Kənd 1919 - cu ilin yazında erməni təcavüzünə
məruz qalaraq sakinləri qırğınlarla tarixi-etnik torpaqlarından qovulmuş və kənddə 1915-1918-ci
illərdə Türkiyənin Sasun vilayətinin Moqdan əyalətindən köçürülən ermənilər yerləşdirilmişdir (427,
s.304). İndiki Ermənistanda Sovet hökuməti qurulandan sonra burada ermənilərlə yanaşı 1922-ci ildə 1
nəfər, 1926-cı ildə 11 nəfər, 1931-ci ildə 8 nəfər azərbaycanlı yaşamışdır (415, s.82-83, 152-153).
Onlar da 1930 - cu illərin ortalarında sıxışdırılaraq kənddən çıxarılmışdır. İndi ermənilər yaşayır.
Toponim fərqləndirici əlamət bildirən yuxarı sözü ilə qızılbaşların türkmən etnoniminə (175,
s.18) -li şəkilçisinin qoşulmasından əmələ gəlmiş türkmənli etnonimi əsasında formalaşmışdır. Erm.
SSR AS RH-nin 3.19.1935-ci il fərmanı ilə adı dəyişdirilib Apaqa qoyulmuşdur.
Dostları ilə paylaş: |