www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
min cür təzyiqlərə məruz qalan Zərdabi "Əkinçi"ni cəmi
iki il yaşada bildi. Qəzetin 56 nömrəsi işıq üzü gördü.
Lakin elə o vaxtdan, ondan sonrakı əsrin əvvəlində
Azərbaycanın
dünya
miqyasında
tanınmasında
"Əkinçi"nin müstəsna rolu oldu. Çünki qəzetin redaktoru
dünya elmlərindən xəbərdar olan ensiklopedik bilik sahibi
idi və buna görə də qəzetdə həyatın bütün sahələri,
bütövlükdə Azərbaycan dünyası öz əksini tapırdı.
Beləliklə, "Əkinçi" sərhədlər aşır, ölkələr dolaşır, əllərdə
gəzirdi.
Aradan 123 il keçməsinə baxmayaraq, milli
mətbuatımızın ilk qaranquşu olan "Əkinçi" bu gün də
mətbuatımıza örnək rolunu oynayır, belə ki onun hər
nömrəsi ali məktəblərdə təhlil olunur, təqdir edilir,
əhəmiyyəti barədə danışılır. "Əkinçi"nin cəsarəti,
məharəti, qabiliyyəti ayrıca qeyd olunur. Milli mətbuat
tariximizdə o vaxtdan – 22 iyun 1875-ci ildən qeyd
olunur. Ümumiyyətlə, hər bir xalqın mətbuatı o xalqın
həyatının aynası, güzgüsü sayılır, yəni bir xalqın mətbuatı
ilə yaxından tanış olmaq kifayətdir ki, həmin xalq
haqqında dəqiq fikir yürüdəsən. Deməli, bir xalqı təmsil
edən hər hansı qəzet, yaxud ümumilikdə, mətbuat o xalqın
canlı salnaməsidir. Bu cəhətdən "Əkinçi"nin mətbuatımız
tarixindəki rolu misilsizdir, əvəzsizdir.
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
"Əkinçi"dən üzübəri Azərbaycan mətbuat tarixini
izlədikcə, mətbuatı təmsil edən neçə-neçə qəzet və
jurnalla tanışlıqdan sonra şahidi olursan ki, hər bir qəzet
(indiki qəzet bolluğunda olduğu kimi) müəyyən bir
mövqedən çıxış edib. Barmaqla sayılası qəzet və jurnal
olub ki, heç bir partiyanın mənafeyini müdafiə etməyib.
Öz sərbəst sözünü deyib, müstəqil olub. Elə "Əkinçi"
kimi, "Molla Nəsrəddin" jurnalı kimi (Allah onun
redaktoru, 25 il olmazın əzab-əziyyətlərə qatlaşaraq,
jurnalı yaşadan, onun əqidə istiqamətinə sadiq qalan
Mirzə Cəlilə qəni-qəni rəhmət eləsin!). ―Azərbaycan",
"Açıq söz", "Hürriyət" və s. qəzetlər də onun kimi.
70 il ərzində kommunist rejiminin Domokl qılıncı
başımız üstündə fırlanıb. Bütün qəzet və jurnallar bu
içiboş, yalançı rejimi, kommunist ideologiyasını təbliğ və
təşviq etməklə məşğul olub. Allaha min şükürlər olsun ki,
bu ideologiyanın mənfur siması özünü axır ki büruzə
verdi. Və quru hay-küyçülük, çürük bünövrə üzərində
qurulmuş "Şura hökuməti" süquta uğradı: uçdu, dağıldı,
məhv oldu. Sovetlər birliyinə daxil olan respublikalar
parçalandı, müstəqil, suveren dövlətə çevrildi. Hər
respublika özünə müstəqil prezident seçdi, demokratik
quruluş bərpa olundu. Monopartiyalıqa son qoyuldu.
Çoxpartiyalı prinsip özünə yol açdı. Hər bir partiya da öz
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
qəzetini yaratdı. Bəzən bir partiyanın bir neçə qəzeti
fəaliyyət göstərir.
Bəllidir ki, hazırda respublikamızda 60-dan çox
müxtəlif partiya var. Onlardan 40-a yaxını qeydiyyatdan
keçib. Bəs bu gün Azərbaycanda neçə adda qəzet (bəli,
təkcə qəzet nəzərdə tutulur) mövcuddur və onların
birdəfəlik tirajı nə qədərdir? Hazırda 8 milyonluq
Azərbaycanımızda 500-dən artıq müxtəlif biçimdə qəzet
nəşr olunur. Maşallah olsun, elə bir ucdan da yeniləri
əllərdə gəzir. Onlardan 170-i dövrü olaraq, fasilə
vermədən çıxır. Bugünkü qəzet çoxluğu, sıxlığında elə
qəzetlərə də təsadüf edirik ki, onlar təsadüfdən-təsadüfə
işıq üzü görür. Məsələn, il ərzində cəmi iki nömrə çıxa
bilir. Bu, nə üçün belədir, buna yalnız həmin qəzetlərin
sahibləri dəqiq cavab verə bilər.
Əlbəttə, burada maliyyə çətinliklərini danmaq olmaz.
Bəs Azərbaycanda heç, gündəlik qəzet çap olunmur?
Niyə? Olunur, 8 belə qəzet fəaliyyət göstərir ki, onları
oxucular hər gün kiosklardan alıb oxuya bilir. Düzdür,
həmin qəzetlərin gündəlik tirajı çox da nəzəri cəlb etmir,
yəni 10 mindən yuxarı qalxmır. Deməli, bu 8 qəzetin
birlikdə ümumi gündəlik tirajı 80 min nüsxə təşkil edir.
Halbuki sovetlərin at oynatdığı vaxtlarda təkcə
Azərbaycan KP-nin orqanı olan "Kommunist" qəzetinin
www.kitabxana.net
– Milli Virtual-Elektron Kitabxana
2017
İdris Hacızadə
―Dünyamızın bəzəyidir insanlar‖
tirajı 600 mindən çox idi. Onun da əksəriyyəti məhz abunə
yolu ilə, zorla təşkil edilirdi.
Bu gün isə rekord sayda - 30 min tirajla nəşr olunan
qəzetləri barmaqla saymaq olar. Bu isə o deməkdir ki,
qəzetlərin sayı artdıqca, onların ümumi tirajı azalır.
Deməli, qəzetlərin ümumi miqdarı onların ümumi tirajının
cəmi ilə tərs mütənasibdir. Bu minvalla dediklərimizi
rəqəmlə belə ifada etmək olar: Bu gün Azərbaycanda nəşr
olunan qəzetlərin sayı əvvəlki rejim dövründə çıxan
qəzetlərlə müqayisədə 8,5 dəfə artsa da, onların aylıq
tirajlarının sayı da bir o qədər dəfə azalıb. Deməli, boş
hay-küy salıb, qəzet bolluğundan şikayətlənməyə, bu
bolluğu yerli-yersiz hallandırmağa hacət yoxdur. Çünki
respublikada qəzetlərin sayı nə qədər çox olarsa,
Azərbaycanımız
haqqında,
sərhədlərimizdənkənar
dövlətlərin ölkəmiz barədə məlumatı daha çox olar.
Azərbaycan jurnalisti öz respublikasını bu və digər
cəhətdən xaricilərə daha sıx tanıdar. Bunun nəyi pisdir?
Bir də axı Azərbaycan demokratik yolla inkişaf edir,
ölkəmiz demokratik qanunlar əsasında fəaliyyət göstərir.
Qoy onda hər bir qəzet və jurnal bütün həqiqətlərimizi
olduğu kimi yaxın-uzaq ölkələrə çatdırsın. Bir də təkrar
edirəm: bunun nəyi pisdir? Pis orasıdır ki, Azərbaycanda
baş verən reallığa əllaməçilik donu geydirib, onu başqa
qifayədə dünyaya çatdırmaq üçün cidd-cəhd göstərəsən.
Dostları ilə paylaş: |