Ijtimoiy- gumanitar fanlar kafedrasi

1.KIRISH..........................................................................................................
2.FAN DASTURI……………………………………………………………..…
3.FAN SILLABUSI…………………………………………………………….
4. ASOSIY NAZARIY QISM ………………………………………..….…….
4.1. MA‘RUZA MATNI ……………………………….………...………….…
4.2 AMALIY MASHG‘ULOTLAR TOPSHIRIQLARI VA ISHLANMASI YOKI SEMINAR, LABORATORIYA TOPSHIRIQLARI........................................................................................
4.3. MUSTAQIL TAʼLIM TOPSHIRIQLARI.............................................
4.4.FANNI O‘ZLASHTIRISH KO‘RSATKICHINI ANIQLASHGA QARATILGAN SAVOLLAR TO'PLAMI………………………………….
5. FAN GLOSSARIYSI……………………………………………………….
6. FOYDALANILGAN ADABIYOTLAR…………………………………..

IZOH: FAN DASTURI MAVZULARINI QAMRAB OLGAN HOLDA, NAZARIY TA'LIMGA OID SAVOLLAR, AMALIY, SEMINAR, LABORATORIYA MASHG'ULOTLARGA OID MISOL, MASALALAR

KIRISH


O’zbekiston jahon axborot makoniga shiddat bilan integratsiyalashmoqda. Mamlakat fuqarolari bugungi kunda jahon hamjamiyati tomonidan to’plangan ma’lumot va axborotlarni cheksiz ravishda olish imkoniyatiga ega. Biz oladigan va foydalanadigan axborotning sifati bizning hayotiy tanlovimizga, ijtimoiy siyosiy faoliyatimizga katta ta’sir ko’rsatadi. Bugun axborot muhitidagi islohotlar, matbuot bilan hamkorlik “munosabatlarining ustuvor jihatlarini to’g’ri belgilash”ga va ommaviy axborot vositalari (OAV) “faoliyati ustidan nazorat qilishning iqtisodiy mexanizmlari, axborot manbalarining yopiqligini, shuningdek, tahririyatlarga hokimiyat organlari va ma’muriy tuzilmalar tomonidan bo’layotgan ma’lum darajadagi bosimlarni bartaraf qilish”ga qaratilgan. Shu o’rinda parlament tomonidan “ijro hokimiyati organlari faoliyatining, yurtimizda amalga oshirilayotgan islohotlarning, davlatning ichki hamda tashqi siyosatining ochiqligi va oshkoraligi”1ni ta’minlaydigan bir qator qonunlarni qabul qilish ishlari amalga oshirilmoqda. Jumladan, 2014 yil 5 may kuni respublikamizda “Davlat hokimiyati va boshqaruvi organlari faoliyatining ochiqligi to’g’risida”gi qonun qabul qilindi. Mazkur qonun milliy axborot makonining yanada shaffof bo’lishiga, uning kengayishiga hamda global axborot makonida O’zbekiston imijining, milliy kontent mazmuni, shakli va usullarining boyishiga xizmat qilishi shubhasiz. So’nggi yigirma yil davomidagi texnika va texnologiyalar taraqqiyoti OAV, axborot manbalari va axborot yetkazib beruvchilari (kutubxonalar, arxivlar, Internet va b.) faoliyatining beqiyos kengayishiga olib kelib, fuqarolarga uning ulkan hajmidan foydalanish va almashinish imkonini yaratdi. Pirovard natijada, fuqarolar ushbu axborotning ishonchli ekanligini baholash, o’z fikrini erkin aytish borasidagi huquqlarini to’laqonli amalga oshirish imkoniyatiga ega bo’lmoqda. Shuning uchun ham kun tartibiga fuqarolarning media va axborot savodxonligi(MAS)ni ta’minlashdek dolzarb masala ko’ndalang qo’yilmoqda. Inson huquqlari Umumjahon deklaratsiyasining 19-moddasida ko’rsatilishicha, “Har bir inson e’tiqod erkinligi va uni erkin ifoda etish huquqiga ega; ushbu huquq o’z e’tiqodiga to’siqsiz tarzda sodiq bo’lish hamda axborot va g’oyalarni har qanday vositalar bilan har qanday davlat chegaralaridan qat’iy nazar izlash, olish va tarqatish erkinligini o’zida mujassam etadi”. Mazkur huquqning amalga oshishi mediata’lim bo’yicha 1982-yilda qabul qilingan Gryunvald deklaratsiyasi bilan ham belgilanadi. Unda siyosiy va ta’lim tizimlari fuqarolarda kommunikatsiya fenomeni tushunchasini rivojlantirishda va ularning OAV va (an’anaviy va yangi) kommunikatsiyalarda ishtirok etishini rag’batlantirish ko’rsatib o’tilgan. Mazkur holat 2005-yilda qabul qilingan Aleksandriya deklaratsiyasida o’z rivojini topib, unda media va axborot savodxonligi insonning butun hayoti davomida oladigan ta’lim asosi sifatida belgilab berilgan. Deklaratsiya axborotni samarali ravishda izlash, baholash, undan foydalanish va barcha sohalarda shaxsiy, ijtimoiy, kasbiy va ta’lim maqsadlariga erishish uchun uni yaratish imkoniyatlarini taqdim etishda MASning ahamiyatini ifoda etadi. MAS raqamli axborot va raqamli texnologiyalar dunyosida barcha xalqlarning ijtimoiy faolligini oshirishga undovchi insonning asosiy huquqlaridan biridir. Media va boshqa axborot xizmatlari (kutubxonalar, arxivlar va Internet) butun dunyoda mavjud axborotning to’laligidan kelib chiqqan holda insonlarga qaror qabul qilishga ko’mak beradi. Bundan tashqari, ular jamiyat o’zi haqidagi haqiqatni bilishi, aholi bilan bo’ladigan muloqotni qo’llab-qo’vvatlovchi va shu orqali u bilan birlashgan holda maqsad sari borishi mumkin bo’lgan vositadir. MAS insonning raqamlashtirilgan axborot va raqamli texnologiyalar olamidagi, barcha xalqlarning ijtimoiy faolligini oshirishga ko’mak beruvchi olamdagi bazaviy huquqi hamdir. Media va boshqa axborot xizmatlari (kutubxonalar, arxivlar va Internet) barcha mintaqalarda axborot to’laqonligini nazarda tutgan holda insonlar qaror qabul qilishida muhim vosita sifatida tan olingan. Bundan tashqari, ular hokimiyat o’z faoliyati xususidagi haqiqatni bilishida, aholi bilan muloqotni qo’llab-quvvatlashida va bu orqali belgilangan maqsadlar tomon borishida kuchli vosita rolini o’ynaydi. Ommaviy kommunikatsiya va axborot kanallari insonning hayoti davomida bilim olishga katta ta’sir ko’rsatadi, shuning uchun ham nafaqat bo’lajak jurnalistlar, balki barcha fuqarolar ham media va boshqa axborot xizmatlari (kutubxonalar, arxivlar, Internet va boshq.) qay tarzda ishlashi va ularni qay tarzda to’g’ri baholash lozimligini bilishi zarur. Media va axborot savodxonligining vazifasi esa aynan ushbu bilimlarni foydalanuvchilarga yetkazib berishdan iboratdir. Media va axborot savodxonligi o’zida quyidagi asosiy tushunchalarni qamrab oladi:
(a) demokratiya an’analarida rivojlanayotgan jamiyatda media, kutubxona, arxiv va boshqa axborot xizmatlarining funksiyalari;
(b) OAV va axborot xizmatlari mazkur funksiyalarni samarali ravishda amalga oshirishi uchun shart-sharoitlar; shuningdek,
(v) taqdim etilayotgan kontent va xizmatlar vositasida mazkur funksiyalarni bajarilish sifatini baholash usullari.
Mazkur tushunchalar, o’z navbatida, foydalanuvchilarga kommunikatsiya va axborot kanallari bilan ongli ravishda o’zaro munosabat o’rnatishga imkon yaratadi. Media va axborot savodxonligi orqali olinadigan bilim fuqarolarda tanqidiy tafakkurni rivojlantirishi lozim bo’lib, ularga media va boshqa axborot yetkazib beruvchilardan yuqori sifatli xizmat ko’rsatilishini talab qilish uchun zamin yaratadi. Boshqa mediaga nisbatan OAV mazkur tizimda kattagina joyni egallaydi. Ular serqirra axborot oqimlari tizimini o’zida namoyon etadi. Alohida institut sifatida OAV o’ziga xos funksiyalarni amalga oshiradi. Global axborot jamiyati shakllanayotgan davrda media va axborot savodxonligi milliy taraqqiyot, har bir fuqaroning mamlakat kelajagi uchun ijtimoiy faolligi va mas’uliyati oshishini, aholining demokratlashtirish jarayonlarida faol ishtirokini ta’minlovchi muhim omildir. Mazkur o’quv qo’llanma mamlakatimiz va xorij tadqiqotchilarining sa’yharakatlari natijasi bo’lib, radio, televideniye, Internet, gazeta, kitoblar, elektron arxivlar va kutubxonalar umumiy bir platformadagi konvergensiyasining zamonaviy tendensiyalariga tayangan tarzda tayyorlandi. U media va axborot savodxonligiga ega bo’lgan mass-media sohasidagi mutaxassislar malakasini oshirishga yordam beradi, degan umiddamiz. O`quv metodik majmua ta’lim olish jarayonining asosiy sub’ektlari bo’lgan pedagog va talabalar ehtiyojini hisobga olgan holda tuzilgan. Chunki aynan ustoz-o’qituvchilar millionlab yoshlarning iqtidorini, shu jumladan, axborot sohasini ham yuzaga chiqarishda asosiy shaxs hisoblanadi.