Ijtimoiy tarmoq nima? Ijtimoiy tarmoq: Undan siz qanday foydalanasiz? Eng mashhur ijtimoiy platformalar

Seminarda tinglovchilarga bu borada kelgusida xizmat faoliyatlarini samarali tashkil etishda taklif va tavsiyalar berildi. Tinglovchilar oʻzlarini qiziqtirgan barcha savollarga batafsil javob oldilar.

2.Ijtimoiy tarmoq: Undan siz qanday foydalanasiz?

Bugungi zamon shiddati hayotimizni internet yoki ijtimoiy tarmoqlarsiz aslo tasavvur etib bo'lmasligini namoyon etayotir. Aksariyat odamlarning faoliyati internet, ijtimoiy tarmoqlar va telegram kanallari orqali dunyoda sodir bo'layotgan kundalik yangiliklardan xabardor bo'lish, ularni bir-biriga uzatish bilan bog'liq.
Mamlakatimiz va dunyo miqyosida sodir bo'layotgan o'zgarishlar, voqea-hodisalar, yangiliklar to'g'risidagi ma'lumotlar barcha ijtimoiy tarmoqlarda aks etib boryapti. Bu yangiliklardan xabardor bo'lishda esa internet tizimi, mobil` telefonlar va kompyu`ter texnologiyalaridan foydalanish ancha qulay hisoblanadi. Bundan tashqari, o'zaro ma'lumot almashish yoki biror voqea-hodisaga munosabat bildirish, o'z fikrini bayon etish yoki o'zaro muloqot qilishda ijtimoiy tarmoqlar juda qulay vositadir.
Bularning bari ijtimoiy tarmoqlardan foydalanuvchilar uchun o'z fikrlari, qarashlari va tuyg'ularini bayon qilishda tengsiz imkoniyat ekanligini ko'rsatmoqda. Shuning uchun ham ijtimoiy tarmoqlar har qanday yoshdagi odamni bemisl darajada o'ziga «maftun» qilib turadi.
Aksariyat yoshlar o'zlarining qimmatli vaqtlarini behuda sarflab, ijtimoiy tarmoqlardan kun bo'yi foydalanishadi. Shu tariqa, ular deyarli barcha axborotga ega bo'lishadi va o'z dunyoqarashidan kelib chiqib, u yoki bu masalaga munosabat bildirishadi. Biroq bildirilgan munosabatlarning barchasini saviyali, ya'ni ma'naviyatli kishilarning fikri, deb bo'lmaydi, albatta. Ayniqsa, bugungi kunda etarli bilim va ko'nikmalarga ega bo'lmagan kimsalar ham to'g'ri yo noto'g'riligini o'ylab o'tirmasdan, ijtimoiy tarmoqlarda tarqatilgan har qanday ma'lumot yuzasidan yoxud ba'zi masalalarga bilim va salohiyati etadimi, yo'qmi, bundan qat'i nazar, o'z fikrini bildirishadi. Yoki o'zlarining yozgan «asarlari» yo »maqola», «xabar», «she'r»larini ijtimoiy tarmoqlarga joylashtirib, bir-birlarini ko'klarga ko'tarib maqtashadi.
Qizig'i shundaki, ba'zi odamlar aslida shu ishni qilish kerakmi, yo'qmi, degan ishtibohga ham bormaydi. Ijtimoiy tarmoqlarda havola etiladigan ma'lumotlarni «bezab turgan» g'aliz jumlalar hamda imloviy xatolar o'sha tarmoq foydalanuvchisining saviyasi qay darajada ekanligini ko'rsatib turadi. Bu esa ijtimoiy tarmoq foydalanuvchilarida ham afsuslanish, achinish holatlarini keltirib chiqaradi. Ba'zida esa ijtimoiy tarmoqlar orqali havola etilayotgan asossiz va saviyasiz ma'lumotlarning sanab adog'iga ham etib bo'lmaydi.
Ayniqsa, tarmoqlarda shunday guruhlar ham paydo bo'lganki, foydalanuvchilar bir-birini maqtab ko'kka ko'tarishlari, shuningdek, kimlarningdir nomini loyga chaplashlari oddiy holga aylanib bormoqda. G'iybat ular uchun oddiy holga aylangan. Ba'zi kimsalar esa ijtimoiy tarmoqdan o'zlariga yoqmagan odamlarning obro'sini to'kish, erga urish, buning uchun bor imkoniyatidan foydalanishga harakat qilishadi. Ijtimoiy tarmoqlarni nazoratga olish imkoniyati yo'qligi bois, unda har qanday ishni qilish mumkin, deb o'ylashadi. erkin fikr aytish imkoniyatidan shunday yo'llar bilan foydalanish mumkin deganlar, saviyalari qay darajada ekanliklarini katta auditoriyaga shunday yo'llar bilan oshkor qilishadi. Shu sabab ko'pchilik bu tarmoqlarni yoqtirishmaydi. Lekin shunga qaramay, statistik ma'lumotlarga nazar solsak, dunyo yoshlarining 96 foizi ijtimoiy tarmoqlar vositasida o'zaro muloqotga kirishishmoqda.
Xo'sh, ijtimoiy tarmoq nima o'zi, uning qanday turlarini bilamiz?
Olib borilgan axborot-tahliliy natijalar va statistik ma'lumotlarga ko'ra, Facebook hozirgi vaqtda dunyoda eng mashhur ijtimoiy tarmoq sifatida etakchi o'rinda bormoqda. Bugungi kunga kelib, Facebook tarmog'ida ro'yxatdan o'tganlar soni bir necha milliard kishidan ortganligi ma'lum qilingan. Undan keyingi o'rinlarni esa Twitter, Instagram, LinkedIn, Google+, Pinterest, Snapchat, YouTube, Reddit, WhatsApp, Flickr, Weibo egallab kelmoqda.
Bugungi kunda ijtimoiy tarmoqlarda mamlakatimizda amalga oshirilayotgan islohotlar, davlatimiz qo'lga kiritayotgan olamshumul yutuqlarni jahon media makonida keng targ'ib qilish hamda inson ma'naviyatini har tomonlama yuksaltirishga xizmat qiladigan juda ko'plab ma'lumotlar yoritib borilmoqda. Shu bilan birga, milliy mentalitetimizga raxna soluvchi turli ig'volar, g'iybatlar, milliy madaniyatlarning kushandasi bo'lgan – «ommaviy madaniyat» niqobidagi tahdid va boshqa illatlar xavf solishi hamon davom etmoqda.
Kishining ta'bini xira qiladigan jihati, ijtimoiy tarmoqlar orqali «ommaviy madaniyat» niqobi ostida yurtimizga buzuq g'oyalar, axloqsizlik, g'ayriinsoniy odatlar kirib kelmoqda. Millatning tarixi, o'tmishdagi qadriyatlarini rad etuvchi, «ommaviy madaniyat»ni targ'ib etishga undovchi mafkuraviy kurashlarning barchasi aynan ijtimoiy tarmoqlar orqali olib borilmoqda. Zero, ijtimoiy tarmoqlar tubanlik girdobiga giriftor etuvchi mafkurachilarining asosiy dastaklaridan biri ekanligi hech kimga sir emas. Binobarin, bu holat har birimizdan tahdidlarga nisbatan muntazam ogohlikni talab etmoqda.
Inson ongi, qalbi va ruhiyatiga tazyiq o'tkazishga harakat qilayotgan g'arazli kuchlar axborot xurujlarini amalga oshirishda eng ta'sirchan vositalar sifatida internet tizimi va ijtimoiy tarmoqlardan samarali foydalanishmoqda. Ayni paytda internet va ijtimoiy tarmoqlar orqali tarqatilayotgan milliy ma'naviyatimizga yot g'oyalar va axborot xurujlarining yoshlar tomonidan qabul qilinayotganligi va uning oqibatlari kishini tashvishga solmoqda.
Qayd etish joizki, «ommaviy madaniyat» namoyon bo'lish xususiyatlariga ko'ra, til, din, e'tiqod, irq, makon, xalq va millat tanlamaydi. U jamiyatning madaniy va estetik qadriyatlariga raxna solish orqali ijtimoiy munosabatlarda insonparvarlik tamoyillarini buzadi. Zero, ijtimoiy tarmoqlardan foydalanishda, albatta, barchamiz media xavfsizlik haqida, G'arb davlatlari olib borayotgan mafkuraviy kurash turlari haqida ma'lumotga ega bo'lishimiz va buni yoshlarga o'rgatishimiz lozim.
Ijtimoiy tarmoqlar orqali inson ongi va dunyoqarashini o'zgartirish maqsadida g'oyaviy, mafkuraviy ta'sir o'tkazish, dizinformatsion axborot tarqatish kabi holatlar, ayniqsa, hushyorlikni talab etmoqda. Axborot xurujida inson ongi, millat ruhiyati nishonga olinadi. Aslini olganda, axborot xurujlarini amalga oshirishda, avvalo, inson ongi va qalbini zabt etish orqali mafkuraviy ta'sir o'tkazish g'oyasi yotadi. Mazkur holat davlatlarning barqarorligiga raxna solib, millatning tarixan shakllangan qadriyatlari, uning o'ziga xosligi, millat va xalq sifatida yashab qolishini xavf ostiga qo'yadi. Ijtimoiy tarmoqlar orqali g'oyaviy-mafkuraviy tahdid sifatida namoyon bo'layotgan yovuz va buzg'unchi g'oyalar ta'sirini o'z vaqtida anglash, ulardan doimo ogoh bo'lish bugungi kunning dolzarb vazifasi ekanini har bir yurtdoshimiz, birinchi navbatda, yosh avlod vakillari chuqur anglab etishlari lozim bo'ladi.

3.Eng mashhur ijtimoiy platformalar

Statista tahliliy agentligi tomonidan ishlab chiqilgan diagramma dunyodagi eng mashhur ijtimoiy tarmoqlardagi faol foydalanuvchilar soni (millionlab) haqida aniq tasavvur beradi. Facebook ro'yxatida birinchi o'rinni egallaydi. Bu hech kimni ajablantirmaydi. Facebook 2 milliarddan ortiq faol foydalanuvchiga ega bo'lgan katta bozor ulushiga ega. 2017-yil yanvar oyida gigantning eng yaqin raqobatchisi WhatsApp edi, u ham Facebookga tegishli. Keyin u ikkinchi o'rinni egalladi. Bugungi kunda YouTube 1,5 milliard faol foydalanuvchi bilan ikkinchi qatorda. Uchinchi va to‘rtinchi o‘rinlarni Facebook Messenger va WhatsApp egallagan.
Ulardan keyin auditoriyasining aksariyati Osiyo-Tinch okeani mintaqasida joylashgan platformalar joylashgan. Bular QQ, WeChat va Qzone (600 milliondan ortiq faol foydalanuvchiga ega). Bu Osiyo-Tinch okeani mintaqasida bir qator mashhur ijtimoiy tarmoqlar mavjudligini ko'rsatadi. Ulardan keyin biz asosan G'arbda mashhur bo'lgan saytlar klasterini ko'ramiz - Tumblr, Instagram va Twitter.

Eng faol auditoriyaga ega ijtimoiy tarmoqlar

Muayyan ijtimoiy tarmoqda SMM-ga qancha vaqt ajratishimiz kerakligiga ta'sir qiluvchi muhim omil - bu tomoshabinlarni jalb qilish darajasi. comScore tahlilchisi AQSH isteʼmolchilari oʻrtasida oʻtkazgan soʻrovnomasida toʻplagan maʼlumotlarga koʻra, bu yerda yana Facebook ustunlik qilmoqda va vaqt boʻyicha ham eng yuqori faollikka ega. Facebook muvaffaqiyati hayratlanarli. Ijtimoiy tarmoqning o‘zi birinchi o‘rinni egallashidan tashqari, korporatsiyaga tegishli boshqa platformalar ham ikkinchi va uchinchi o‘rinlarni egalladi. Facebook messenjerining kirib borish darajasi 47% ni tashkil etadi, Instagram esa uning ortida turibdi.

Quyidagi diagrammada ko'rsatilgan Pew Internet-ning yangi ma'lumotlaridan biz Facebook kuniga faol auditoriya soni bo'yicha ham yetakchi ekanligini ko'rishimiz mumkin. Foydalanuvchilarning 76 foizi har kuni ijtimoiy tarmoqqa kirishadi, Instagramda bu ko‘rsatkich 51 foizni tashkil qiladi. Twitter foydalanuvchilarining atigi 42 foizi uni har kuni tekshiradi, bu Facebook foydalanuvchilarining deyarli yarmi. Turli xil ijtimoiy tarmoqlarda ishtirok etish stavkalari

TrackMaven analitik marketing firmasi 130 ta sohadagi turli kompaniyalarning 51 million postlarini tahlil qilib, qaysi ijtimoiy tarmoqlar eng yuqori faollik darajasiga ega ekanligini aniqlashdi. Natijalar shuni ko'rsatdiki, Instagram 1000 obunachiga to'g'ri keladigan faollik bo'yicha mutlaq yetakchi hisoblanadi. Bu boshqa ijtimoiy tarmoqlarga qaraganda shunchalik yuqoriki, men Facebook, LinkedIn va Twitter o'rtasidagi farqni ko'rsatish uchun alohida diagramma tuzishga majbur bo'ldim.


Ikkinchi grafikda ko‘rib turganingizdek, Facebook Twitter va LinkedIn’dan ancha oldinda. Buning sababi, asosan, Twitter-da ko'proq postlar nashr etilayotganligi, chunki bu erda kontentni tomoshabinlarning faqat kichik bir qismiga ko'rsatish uchun algoritm yo'q. Shu sababli, brendlar axborot shovqinidan o'tish uchun o'z tasmalarini postlar bilan bombardimon qilishlari kerak. Bu, o'z navbatida, nashrlarga javob berish darajasini pasaytiradi. Quyida uchta ijtimoiy tarmoqdagi akkaunt uchun o'rtacha kunlik postlar soni keltirilgan.

Dunyo bo'ylab ijtimoiy tarmoqlardan foydalanishning umumiy statistikasi

WeAreSocial har yili butun dunyo bo'ylab ijtimoiy tarmoqlardagi foydali ma'lumotlarni birlashtirgan Global Digital Report - keng qamrovli statistik hisobotini yangilaydi. Undan dunyoning turli burchaklarida ijtimoiy platformalar qanchalik turlicha qo‘llanilishini bilib olishingiz mumkin. Ajablanarlisi shundaki, G'arb davlatlari ijtimoiy tarmoqlarga kirish bo'yicha jiddiy ortda qolmoqda.


Bugungi kunda axborot-kommunikatsion texnologiyalari asosidagi zamonaviy vositalar hayotimizning muhim qismini egallab ulgurgan. Xususan, ijtimoiy tarmoqlar globallashuv jarayonlarini jadallashtirish bilan bir qatorda, insoniyat o'rtasida aloqa almashishning eng muhim va ajralmas vositasi bo'lib ulgurgan. Ayni damda butun insoniyatning 63 % qismi internetdan foydalanishi qayd etilgan. Qariyb 1 yillik davr ichida internet foydalanuvchilari soni 200 millionga ortgan. Internet foydalanuvchilarning asosiy qismi (92,4 %) mobil` qurilmalar vositasida internetdan foydalanishadi. 4,65 milliard foydalanuvchi ijtimoiy tarmoqlardan faol foydalanishadi. Ushbu raqamlar onlayn olamning naqadar muhimligini yana bir marta ifodalaydi.
Dunyo bo'yicha 3 milliard kishidan ortiq messenjerlardan foydalanuvchilar mavjud. eng ko'p foydalanuvchiga ega bo'lgan platformalar Facebook va WhatsApp bo'lib, 2,5 milliarddan ortiq foydalanuvchi ulardan foydalanishadi. Bundan tashqari bir qancha rivojlangan mamlakatlarda milliy messenjerlardan ham foydalaniladi. Jumladan, Yaponiyada Line, Janubiy Koreyada KakaoTalk va Xitoyda WeChat.
Statista.com sayti eng ommabop messenjerlar ro'yxatini e'lon qildi:

•