TA‘LIM
VA INNOVATSION TADQIQOTLAR
ILMIY VA ILMIY TEXNIK ONLAYN KONFERENS
IYA
https://t.me/scienceboxofficial http://conf.sciencebox.uz/
72
Annotatsiya:
Mazkur maqolada O‗zbekistonda tarix ta‘limi va tarixiy bilimlarni o‗qitish bilan bog‘liq
jihatlarning sovet hokimiyati hukmronligi yillarida hal etilishi masalalari XX asrning birinchi yarmida
olib borilgan ta‘lim tizimi misolida ko‗rib chiqilgan. Masalaning asosiy jihatlari va yechimlari sovet
davri ta‘lim tizimi, tarix fani va hukmron partiya siyosatining tarix ta‘limiga ta‘siri, tarix faniga
mafkuraviy jihatdan munosabatda bo‗lish kabi jihatlar arxiv hujjatlari va
ilmiy adabiyotlar asosida
yoritib berilgan.
Kalit so‘zlar:
tarix fani, mafkura, ijtimoiy-gumanitar fanlar, sovet davri,
tarixiy tadqiqotlar, tarixchi
kadrlar, tarixiy bilimlar.
Kirish
Tarixdan ma‘lumki, jamiyatdagi kishilar ongi va tafakkuri shakllanishi va rivojida tarix fani asosiy hal
qiluvchi rol o‗ynaydi. Bugun mamlakatimizda ta‘lim tizimi taraqqiyoti o‗zining yangi bosqichiga
qadam qo‗ydi. Bu jarayon ta‘lim bosqichlarida uzviylikni ta‘minlash, ta‘limning
turli bosqichlari
uchun yaratilayotgan o‗quv-materiallarida ham aks etadi. Mustaqillik yillarida milliy ta‘lim tizimini
modernizatsiya qilish, zamonaviy fanlarni o‗qitish tizimini takomillashtirish mamlakat taraqqiyotining
asosiy harakatlantiruvchi kuchi bo‗lgan salohiyatli kadrlar yetishib chiqishi uchun ham xizmat qiladi.
20.04.2017 yilda O‗zbekiston Respublikasi Prezidentining ―Oliy ta‘lim tizimini yanada rivojlantirish
chora-tadbirlari to‗g‗risida‖ PQ-2909-sonli Qarori hamda 2019 yilning 8
oktyabrida qabul qilingan
O‗zbekiston Respublikasi Prezidentining ―O‗zbekiston respublikasi oliy ta‘lim tizimini 2030 yilgacha
rivojlantirish konsepsiyasini tasdiqlash to‗g‗risida‖ PF-5847-son farmoni oliy ta‘lim tizimini
rivojlantirishda tashlangan katta qadam bo‗ldi
1
.
Ma‘lumki, ta‘lim eng muhim ijtimoiy institut sifatida shaxsning jamiyat rivojidagi o‗rni va rolini
belgilaydi. Jamiyat taraqqiyotida zamonaviy fanlar bilan birga tarixiy bilimlarni o‗qitish masalasi ham
muhim ahamiyatga ega.
Bu shundan dalolat beradiki, asosiy ijtimoiy-siyosiy va iqtisodiy vazifalarni
hal etish bilan birga tarixiy taraqqiyot bosqichida O‗zbekiston hududida tarixiy bilimlarni o‗qitish va
o‗rganish masalalarining hal etilishi, uning yo‗lga qo‗yilishi va uning
mazmun-mohiyati tarix fani
misolida muhim jihatlarga ega. Oliy ta‘lim tiziming XX asr 20-30-yillaridagi ahvoli va uni isloh qilish
bo‗yicha amalga oshirilgan chora-tadbirlar haqidagi tarixiy ma‘lumotlarni qilish, nafaqat bugungi kun
oliy ta‘lim tizimida hal qilinayotgan ko‗plab muammolarning sabablarini aniqlashga, balki tarixiy
saboqlarni hisobga olgan holda zamonaviy ta‗lim siyosatini olib borishga imkon beradi.