|
In correction exercises spoken speech ofwww.novateurpublication.com159-Book Manuscript-1506-1-10-20221117www.novateurpublication.com
13
Qulog‘i og‘irlik natijasida bola nutqida bir qator kamchiliklar kuzatiladi:
lug‘atining kambag‘al bo‘lishi, grammatik komponent rivojlanmagan — gap
ichida so‘zlarni tashlab ketish, so‘zlarni noto‘g‘ri ishlatish, ularni o‘zaro bog‘lay
olmaslik, kelishik, so‘z yasovchi, so‘z o‘zgartiruvchi qo‘shimchalarni ishlata
olmaslik; tovushlarni noto‘g‘ri talaffuz qilish — o‘xshash, jarangli-jarangsiz
undoshlarni bir-biri bilan adashtirish, tushirib ketish va boshqalar shular
jumlasidandir. Bola nutqidagi kamchiliklarning kelib chiqish sabablarini
bilmaslik orqasida ayrim tarbiyachi va o‘qituvchilar bolani dangasa,
mas’uliyatsiz, bezori deb, unga noto‘g‘ri munosabatda bo‘lishadi, natijada bola
injiq, yig‘loqi, serjaxl, gap o‘tmas bo‘lib qoladi, ya’ni unda ikkilamchi ruhiy
o‘zgarishlar paydo bo‘ladi.
Maxsus muassasalarda o‘z fikrini og‘zaki ifodalay olmasligini his etgan
o‘quvchi yozma shaklda bayon etishni bilishi kerak deb aytilgan fikrni
eshitganmiz. Ammo, agar bolada artikulyatsion apparat a`zolarida kamchilik
bo’lmasa, bolaning bu sohalarida organik yoki funksional kamchiliklar
bo’lmasa, nima uchun u yozma nutqdan yoki faqat imo-ishora nutqidan
foydalanishi kerak?! Bu baxs-munozarali mavzu, shu boisdan, bizning fikrimiz
bolajonlarimizni aynan kichik maktab yoshidan boshlab nutqiy va nonutqiy
tovushlar bilan tanishtirish, ularga ovozni tanitish, ovoz orqali uni barcha tinglay
olishini tushuntirish maqsadga muvofiq deb o`ylaymiz. Albatta, bu ish oson
kechmaydi. Ammo , biz surdopedagoglar bolaning hayotda o’z o’rnini topib
ketishiga zamin yaratib bergan bo’lamiz.
Maxsus ta’lim Yevropa va Amerika qit’alarining tobora katta hududlarini
qamrab ola boshlagan bo‘lsa, nodavlat tashkilotlarining shakllanishi esa karlarni
o‘qitish va tarbiyalash tizimining kelajakdagi rivojiga turtki beradi. XIX asrning
oxiri va XX asrning boshlarida Yevropa va Amerika surdopedagoglari «sof
og‘zaki metod» tizimida mavjud yuzakilikni bartaraf etish hamda uni
takomillashtirishga harakat qildilar. Chunki bu tizim karlarni og‘zaki nutqqa
o‘rgatishni asosiy maqsad qilib olgan holda, bolalarning umumta’lim fanlarini
o‘zlashtira olishlari imkonini bermas edi. Nemis surdopedagogi I.Geynike
|
|
|