3
Oila sog’lom ekan – jamiyat
mustahkam, jamiyat mustahkam
ekan – mamlakat barqarordir.
I.A.Karimov
KIRISH
Mamlakatimizni obod, xalqimizni farovon qilish davlatimizning eng asosiy
vazifalaridan hisoblanadi. Ushbu nihoyatda katta vazifani
bajarish keng qamrovli
masalalarni hal etishni taqozo etadi. Ana shunday muhim masalalardan biri har
tomonlama kamol topgan yuqori malakali mutaxasssilarni tayyorlashdir. Buning
uchun shunga mos ta’lim va tarbiya ishlarini bajarish, o’quv jarayonini rivojlangan
demokratik davlatlarda olib borilayotgan o’quv
jarayoniga tenglashtirish,
zamonaviy pedagogik va axborot texnologiyalarini o’quv jarayoniga kengroq
tadbiq etish zarur.
XXI asr yangi texnika va texnologiyalarni kompyuterlar asosida ishlab
chiqish va tashkil qilish asri hisoblanadi. Binolar va inshootlar qurilishi yo’nalishi
bo’yicha ta’lim olayotgan talabalar faoliyatiga
yurtimiz obodligi bevosita
bog’liqdir. Shunday ekan, oliy o’quv yurtlarida puxta bilim olgan, o’z
kasbini
sevib, uni sirlarini har tomonlama chuqur o’rgangan, yetarli kasb mahoratiga ega
bo’lgan yoshlar mamlakatimiz kelajagini yanada obod qila oladilar. Bu masala esa
ko’p jihatdan ularning bilim olishlari uchun yaratilgan shart-sharoitlarga, shu
jumladan yoshlar uchun yaratilgan o’quv adabiyotlariga bog’liq.
Bugungi kunda juda ko’plab kompyuter grafik dasturlari mavjud bo’lib,
ularni qaysi sohada qollanilishi bilan bir biridan farqlanadi.
Har bir soha
mutaxassislari o’z faoliyatlari uchun qulay bo’lgan grafik dasturni tanlaydilar.
Dasturlarning imkoniyat chegaralari ham ma’lum bir sohaga yo’naltirilgan bo’ladi.
Demak, grafik dasturni tanlashda avvalom bor uning imkoniyatlarini inobatga olish
lozim. Aksariyat hollarda grafik dasturni qo’llashdan oldin boshqa bir dasturlarni
yoki fanlarni o’zlashtirishga ehtiyoj seziladi. Shunisi bilan ham grafik dasturlar
murakkablashib boradi.