98
AZƏRBAYCAN VƏ TACİKİSTAN
PREZİDENTLƏRİNİN GENİŞ TƏRKİBDƏ
GÖRÜŞÜ
Düşənbə, Dövlət iqamətgahı
15 mart 2007-ci il
Martın 15-də təkbətək görüşdən sonra Dövlət iqa-
mətgahında Azərbaycan prezidenti İlham Əliyevin və Tacikistan
prezidenti İmoməli Rəhmonun nümayəndə heyətlərinin iştirakı
ilə geniş tərkibdə görüşü olmuşdur. Görüşü Tacikistan
prezidenti İmoməli Rəhmon açdı.
İ m o m ə l i R ə h m o n: Azərbaycan dövlət başçısının
Tacikistan Respublikasına rəsmi səfəri xalqlarımızın kökləri
əsrlərin dərinliklərinə gedən qarşılıqlı münasibətlərinin yeni
tarixində mühüm mərhələdir. Azərbaycan xalqının böyük oğlu,
həm də tacik-fars ədəbiyyatının klassiklərindən biri kimi
ehtiram bəslənilən və Rudəki, İbn Sina, Sədi və digərləri ilə
birlikdə dünya ədəbiyyatı xəzinəsinə misilsiz töhfə vermiş
Nizami Gəncəvinin yaradıcılığı buna parlaq sübutdur.
Mədəniyyətlərin qarşılıqlı nüfuzu və qarşılıqlı zənginləşməsi
daimi prosesdir. Bu baxımdan Tacikistanın təxminən üç min
nəfərdən ibarət Azərbaycan diasporunun rolunu yüksək
qiymətləndirmək istəyirəm. Onun nümayəndələri cəmiyyəti-
mizin inkişafına sanballı töhfə vermiş və verirlər. Bugünkü
Azərbaycan tərəqqi və quruculuq yolu ilə inamla irəliləyən
dinamik inkişaflı ölkədir. Bu uğurların əsasını hamımızın dərin
hörmət bəslədiyi, regionda və dünyada çox böyük nüfuza malik
olmuş mərhum Heydər Əliyeviç qoymuşdur. Mən indicə uzun
illər birgə işimizi xatırladım. Həm də təkcə birgə işimizi yox.
Xatırladım ki, Heydər Əliyeviç Moskvada işləyərkən Tacikis-
99
tana sənaye komplekslərinin, hidroenergetikanın inkişafı üçün
çox güclü kömək göstərirdi. Biz hər dəfə görüşərkən o,
Tacikistanın necə inkişaf etdiyi ilə maraqlanırdı.
Tacikistan xalqı bunu heç zaman unutmayacaqdır. Ta-
cikistan Respublikası yaradıldıqdan sonra ilk Daxili İşlər
nazirlərindən biri azərbaycanlı olmuşdur. Azərbaycan diasporu
ziyalılarının hələ çox nümayəndələrini misal göstərmək olar.
Əminəm ki, Sizin simanızda Azərbaycan xalqı bu nəcib işin
layiqli davamçısına malikdir. Əziz həmkarım, doğma
torpağınızın tərəqqisi və xalqınızın firavanlığı naminə Sizə
ürəkdən yeni-yeni uğurlar arzulamaq istəyirəm.
Biz Azərbaycanla münasibətlərin hər vasitə ilə inkişafında
maraqlıyıq, bütün istiqamətlərdə qarşılıqlı surətdə faydalı
əməkdaşlığın genişlənməsi və dərinləşməsi üçün mümkün olan
bütün işləri görmək niyyətindəyik. Qarşılıqlı münasibətlərimizi
keyfiyyətcə yeni səviyyəyə yüksəltməkdən ötrü sənədlər
hazırlamışıq və onların imzalanması ənənəvi dostluq
münasibətlərimizin daha da inkişaf etməsinin hüquqi bazası
üçün əsas qoymalıdır. Həmin sənədlər sırasında dostluq və
əməkdaşlıq haqqında müqaviləni xüsusi vurğulamaq istəyirəm.
Burada respublikalarımız arasında ikitərəfli münasibətlərin əsas
prinsipləri təsbit olunmuşdur. Bu münasibətlər beynəlxalq
hüququn hamılıqla tanınmış norma və prinsipləri, qarşılıqlı
hörmət, hüquq bərabərliyi əsasında inkişaf edəcəkdir. Müqavilə
uzunmüddətli perspektiv üçün nəzərdə tutulan əməkdaşlığımızın
sanballı bünövrəsi olmalıdır.
Bu, beynəlxalq aləmdə əməkdaşlığımıza da, regional
strukturlar çərçivəsində və ikitərəfli əlaqələr formatında qar-
şılıqlı əlaqələrimizə də aiddir.
Ölkələrimiz arasında ticarət-iqtisadi əlaqələrin inkişafı üçün
böyük potensial var, əmtəə dövriyyəsi keçən il rekord səviyyəyə
çatmış və 140 milyon dollardan artıq olmuşdur. Tacikistanda
təbii sərvətlərin, o cümlədən də enerji daşıyıcılarının zəngin
ehtiyatları var. Azərbaycanlı tərəfdaşlarımızın zəngin təcrübəsi,
malik olduqları texnologiyalar və sərmayə imkanları bu
100
sahələrdə faydalı əməkdaşlıq üçün baza ola bilər. Ölkəmizdə
hidroenergetika potensialının artırılmasına, faydalı qazıntılar, o
cümlədən neft və qaz hasilatına və digər sahələrə dair layihələr
hazırlanmışdır. Rusiya, Çin, İran və bir sıra digər ölkələrlə
birlikdə iş aparılır. Biz Azərbaycanın da bu prosesdə fəal iştirak
etməsində maraqlıyıq.
Humanitar sahədə əməkdaşlığımız genişlənəcəkdir. Biz el-
mi, yaradıcılıq və təhsil müəssisələri arasında bilavasitə
münasibətləri, insanlar arasında əlaqələri hər vasitə ilə təşviq
edəcəyik. Düşünürəm ki, Tacikistanda Azərbaycan və Azər-
baycanda Tacikistan mədəniyyəti günlərinin keçirilməsi bu
sahədə qarşılıqlı əlaqələrə kömək edəcəkdir.
Tacikistan Cənubi Qafqazda vəziyyəti də izləyir və planetin
bu mühüm regionunda problemlərin ancaq dincliklə həllinə
tərəfdardır. Azərbaycan və Ermənistan xarici siyasət idarələri
başçılarının Cenevrədə keçirilən sonuncu görüşü Qafqazda
uzunmüddətli sülh və sabitliyin bərqərar olacağına və region
ölkələrinin münasibətlərinin normallaşacağına müəyyən
nikbinlik və ümid doğurur. Hörmətli həmkarım İlham
Heydəroviçlə biz bu məsələləri müzakirə etdik – ancaq
danışıqlar, dialoq. Həm də ona görə ki, hazırda Cənubi Qaf-
qazda inkişafın başlıca hərəkətverici qüvvəsi məhz Azər-
baycandır. Biz çox sevinirik ki, son illərdə Azərbaycan iqtisadi
inkişafın belə səviyyəsinə nail olmuşdur. Bu yaxşıdır.
Taciklərin atalar sözündə deyilir ki, əgər qonşunun işi
yaxşıdırsa, deməli, sənin də işin yaxşıdır. Həqiqətən, indiki bu
çətin zəmanədə, qışda Gürcüstanın vəziyyəti çox ağır olduğu
vaxtda Azərbaycanın siyasi rəhbərliyi tərəfindən yardım əli
uzadıldı və qonşu ölkə qazla təmin edildi. Hətta burada,
Mərkəzi Asiyada biz, xalqımız buna çox müsbət reaksiya
verdik.
Hörmətli İlham Heydəroviç, ölkəmizə səfərinizə, xalqlarımı-
zın dostluq və əməkdaşlıq münasibətlərinin möhkəmlənməsi,
dövlətlərimizin tərəqqisi naminə səmərəli işinizə görə Sizə
minnətdarlığımı bildirmək istəyirəm. Biz Tacikistan–Azər-
Dostları ilə paylaş: |