207
yaradır. İdman sahəsinə qoyulan vəsait insanların sağlamlığına
qoyulan vəsaitdir.
Azərbaycan eyni zamanda, bir sıra beynəlxalq yarışların
keçirilməsi üçün çox tanınan ölkələrdən birinə çevrilibdir.
Artıq bir neçə ildir ki, Azərbaycanda beynəlxalq yarışlar
təşkil olunur və bu il güləş üzrə dünya çempionatı, bədii
gimnastika üzrə Avropa çempionatı keçiriləcəkdir. Olimpiya
oyunlarına lisenziya verən iki turnir keçiriləcəkdir. 2004-cü il
Olimpiya oyunları ərəfəsində üç lisenziya turniri keçirilmişdir.
Yəni bütün bunlar Azərbaycanın idman gücünü göstərir. Bir
tərəfdən,
beynəlxalq
idman
qurumları
ilə
səmərəli
əməkdaşlığımız, digər tərəfdən, maddi-texniki bazanın
möhkəmləndirilməsi və gözəl, əzəmətli komplekslərin tikintisi.
Siz də görürsünüz ki, bu kompleks eyni zamanda, memarlıq
abidəsidir. Bizim məqsədimiz sadəcə, idmanla məşğul olmaq
üçün bir salon, yaxud da ki, bina tikmək deyildir. Özü də təkcə
Bakıda yox, Azərbaycanın müxtəlif rayonlarında tikilən bu
komplekslər məhz dünya standartlarına cavab verir.
Bunlar Azərbaycan regionlarının sosial-iqtisadi inkişafı
Dövlət Proqramının tərkib hissəsidir. Sosial sahəyə diqqət də
həmçinin. Son 3 il ərzində Azərbaycanda təxminən 800
məktəb tikilibdir. Məktəb tikintisi gələcək nəslə olan
dəstəkdir. Bilik, savad, elm – bizim gənclərimiz həm əqli, həm
də fiziki cəhətdən hazırlıqlı, güclü olmalıdırlar. Onlar gözəl
şəraitdə həm oxumalıdırlar, həm də idmanla məşğul
olmalıdırlar. İnsanların sağlamlığı üçün indi Azərbaycanın
müxtəlif bölgələrində yeni, müasir diaqnostika və müalicə
kompleksləri tikilir. Biz bunu edirik ki, insanlara ən yüksək
tibbi xidmət göstərilsin. Qonşu şəhərdə, Lənkəranda ən müasir
diaqnostika və müalicə mərkəzi yaradılıbdır və artıq orada açıq
ürək üzərində əməliyyatlar aparılır. Masallılılar da o
imkanlardan istifadə edəcəklər. İndi biz hər bir bölgədə belə
müalicə-diaqnostika kompleksləri yaradırıq ki, yaxın rayonlarda
yaşayanlar da ondan istifadə edə bilsinlər.
Amma vaxt gələcək, hər bir rayonda belə gözəl müalicə
208
mərkəzləri tikiləcəkdir. Yəni biz bu məsələyə kompleks şəkildə
yanaşırıq. O cümlədən idmanın inkişafı həm ölkəmizin imicinə
çox böyük töhfədir, Azərbaycanı dünyada tanıdır, eyni
zamanda, millətimizin sağlamlığı üçün çox lazımdır və bu iki
amil burada birləşir.
İdmanın inkişafı idmançıların uğurları ilə ölçülür. Mən çox
şadam ki, Azərbaycan idmançıları ölkəmizin idman şöhrətini
çox uca tutur, beynəlxalq yarışlarda – dünya, Olimpiya,
Avropa yarışlarında Azərbaycanı ləyaqətlə təmsil edirlər. 2004-cü
ilin Yay Olimpiya oyunlarında idmançılarımız beş medal
qazanmışlar. Bu çox böyük göstəricidir. Eyni zamanda, dünya və
Avropa çempionatlarında da çox uğurla çıxış edirlər.
Hər il Azərbaycan idmançıları müxtəlif beynəlxalq ya-
rışlarda yüzlərlə medal qazanırlar. Bu da Azərbaycanın idman
gücünü göstərir. İdmançılara olan diqqət, idmançılara olan
hörmət, onların nailiyyətlərinin qiymətləndirilməsi, tanınmış
idmançılara cəmiyyətdə olan münasibət uşaqlarda stimul
doğurur. Görəndə ki, idmançı Azərbaycanda çox böyük hörmətə
layiq bir insandır, onlar da idman bölmələrinə çox həvəslə
gedirlər. Yəni bu işlər bir-biri ilə sıx bağlıdır.
Əlbəttə ki, Azərbaycanın Milli Olimpiya Komitəsinin
prezidenti və ölkə prezidenti kimi, qürur hissi ilə deyə bilərəm
ki, Azərbaycan sözün əsl mənasında, idman ölkəsidir. Biz
bundan sonra da bütün bu sahədəki işlərimizi çox böyük
səmərə ilə aparacağıq, Azərbaycanın idman şöhrətini qaldı-
racağıq və elə edəcəyik ki, hər yerdə idmanla məşğul olmaq
üçün imkanlar olsun.
Mən bizim üçün yeni olan bir məsələyə toxunmaq istə-
yirəm. Bildiyiniz kimi, bu yaxınlarda Azərbaycan 2016-cı ildə
Yay Olimpiya oyunlarinin ölkəmizdə keçirilməsi üçün rəsmi
qaydada müraciət etmişdir. Deyə bilərəm ki, bu, postsovet
məkanında Yay Olimpiya oyunlarinin keçirilməsi üçün ilk belə bir
müraciətdir. Mən onu deyə bilərəm ki, bir neçə il bundan əvvəl
bəlkə də heç kimin ağlına gəlməzdi ki, biz belə bir təşəbbüslə çıxış
edərik. Ancaq bu gün Azərbaycanın həm idman potensialı, həm
209
idmanın maddi-texniki bazası, idmançılarımızın nailiyyətləri,
eyni zamanda, ölkəmizin maddi imkanları belə qərarın qəbul
olunmasında ən başlıca rol oynamışdır. Yəni bizim ölkəmiz
Olimpiya oyunlarını keçirməyə hazırdır, buna qadirdir və bütün
imkanlar var. Mən ümid edirəm ki, beynəlxalq idman qurumları
bizim müraciətimizə diqqətlə yanaşacaqdır. Onu da başa
düşürük ki, adətən, ilk dəfə edilən müraciət təmin olunmur.
Yəni bilirsiniz, Olimpiya oyunlarını keçirmək istəyən çox
ölkələr var, şəhərlər var, hansılar ki, artıq bir neçə dəfə belə
müraciətlər etmişlər, ancaq buna nail ola bilməmişlər. Yəni biz
bu məsələyə real yanaşmalıyıq. Amma biz Azərbaycanda nəinki
2016-cı ildə, hətta indi Olimpiya oyunlarını ən yüksək səviyyədə
keçirməyə qadirik. Bu, ölkəmizin potensialını, bizim iqtisadi
gücümüzü göstərir. Sirr deyil ki, Azərbaycan son üç il ərzində
dünya miqyasında iqtisadi cəhətdən ən dinamik inkişaf edən
ölkədir. Bizim iqtisadi artımın dünyada analoqu yoxdur. Artım
2005, 2006-cı illərdə 26 və 35 faiz olmuşdur. Bu il də iqti-
sadiyyatımız təxminən həmin səviyyədə artacaqdır. Bölgələrimiz
inkişaf edir, iş yerləri açılır, yeni müəssisələr yaradılır. Hər bir
bölgənin problemi diqqət mərkəzindədir, o cümlədən Masallıda
da inkişaf üçün lazımi tədbirlər görülür. Ümid edirəm ki, Masal-
lıda gedən quruculuq-abadlıq işlərinin nəticələri yaxın za-
manlarda özünü göstərəcəkdir. Rayonun çox böyük potensialı var
və biz bu potensialdan tam şəkildə istifadə edəcəyik.
Olimpiya kompleksinin açılışı, əlbəttə ki, özlüyündə böyük
hadisədir. Bununla bərabər, mən buna geniş səpkidə rayonların
inkişafı kontekstində baxıram. Mənim məqsədim Azərbaycanda
hər bir rayonun inkişaf etməsidir. Hər bir rayonda inkişaf
səviyyəsi Avropa səviyyəsində, dünya səviyyəsində olmalıdır.
Azərbaycan xalqı buna layiqdir və biz birgə səylərlə buna nail
olacağıq.
Əziz dostlar, mən sizi bu gözəl gündə bu gözəl kompleksin
açılışı münasibətilə bir daha ürəkdən təbrik edirəm, sizə
cansağlığı, masallılılara bütün işlərində uğurlar arzulayıram.
Sağ olun!
Dostları ilə paylaş: |