216
çox) istehsal olunmuş, hər hektardan 26,1 sentner məhsul
götürülmüşdür.
Fiziki və hüquqi şəxslər tərəfindən 729 hektar sahədə üzüm
bağları salınmışdır. Damazlıq quşçuluq təsərrüfatının və
broyler fabrikinin fəaliyyətinin bərpası üçün də işlər gedir.
Hazırda fabrikin dörd sexi bərpa edilmiş və 200 ton quş əti
istehsal olunmuşdur.
Sonra dövlətimizin başçısı rayon ağsaqqalları ilə görüşdü.
Ə d a l ə t Ə s g ə r o v ( Cəlilabad Rayon Təhsil Şöbəsinin
müdiri): Cənab Prezident, icazə verin öz adımdan, ağsaqqallar
adından, rayon ictimaiyyəti adından, rəhbərlik adından Sizə
minnətdarlıq edim. Qədəmləriniz mübarək olsun. Siz bu gün
bizi şərəfləndirdiniz, bizə ilham verdiniz. Xoş gəlmisiniz, ulu
öndərimizin yadigarı İlham müəllim. Siz Cəlilabadı həmişə
yaşatmısınız. Ulu öndərimiz də rayonumuzu yaşatmışdır.
Cəlilabad 40 ildir ulu öndərimizin qoyduğu yol ilə gedir, Allah
qoysa, hələ 40 il bundan sonra da inkişaf yolu ilə gedəcəkdir.
Biz Sizə çox minnətdarıq ona görə ki, bu gün bir daha
Cəlilabada gəlməklə bizə yeni ruh verdiniz. Bu gün Sizin
qarşınıza çıxarmağa az-çox işimiz var. Yadınızdadırsa, Heydər
Əliyev adına məktəbin açılışına gələndə buranın vəziyyəti
barədə məndən soruşmuşdunuz. Onda xəcalət çəkirdim, indi
görün necə dəyişibdir. Fikirləşirdim ki, cənab Prezident buranı
məndən niyə soruşur?
İ l h a m Ə l i y e v: O, 2004-cü il idi.
Ə d a l ə t Ə s g ə r o v: Bəli, layihəni Siz o vaxt vermişdi-
niz. İndi bura tanınmır. Səhər-səhər işə gələndə hər kəs rayonda
yenilik görür. İnsanlarda böyük həvəs var, inciyirlər, deyirlər ki,
bəs bizi niyə işlətmirsiniz? Hər kəs istəyir ki, işləməklə iz
qoysun. Biz ulu öndərimizin layiqli davamçısı İlham Əliyevi
çox istəyirik, rəhmətlik Heydər Əliyev Cəlilabadı çox sevirdi.
Ulu öndərimizi Azərbaycanın hər yerində çox sevirlər, ancaq
Cəlilabadda hamıdan çox sevirlər. Bu sözü Sizə tam
səmimiyyətlə deyirəm. O vaxt ümummilli liderimiz Cəlilabada
3 dəfə səfər etmişdi və rayonumuza hər gəlişində burada bir iz
217
qoyurdu. Allah Sizin ömrünüzü uzun, canınızı da sağ eləsin.
Çünki Siz rəhmətlik Heydər Əliyevin ideyalarını uğurla davam
etdirirsiniz. Allah Sizi bizlərə çox görməsin.
Cənab Prezident, Sizdən bir xahişim var, bu obyektlərin
açılışında iştirak edin.
İ l h a m Ə l i y e v: Mən də o illəri çox yaxşı xatırlayıram.
Ulu öndər həmişə Cəlilabada gələndə mən də onunla gəlirdim.
Burada dəfələrlə olmuşam, bu yerləri çox yaxşı xatırlayıram və
bura mənim üçün çox əzizdir. Ona görə 2004-cü ildə sizdən
soruşdum ki, bura nə vəziyyətdədir. Sizin sözünüzdən bildim ki,
o qədər də yaxşı vəziyyətdə deyil. Fikirləşdim ki, biz mütləq
burada böyük yenidənqurma işləri aparmalıyıq. 70–80-ci illərdə
Heydər Əliyev Cəlilabadı, demək olar ki, inkişaf etdirdi, burada
üzüm bağları salındı, çox işlər görüldü, insanlar yaxşı pul
qazandılar, ev tikdilər, maşın aldılar. İndi biz Cəlilabada yeni
həyat veririk.
Artıq müasir səviyyədə, yəni dünya səviyyəsində. Dünyanın
istənilən ölkəsinə getmək olar, amma bu gözəlliyi orada görmək
mümkün deyildir. Hər yer abadlaşır, hər yer gözəlləşir. Mən
indi avtovağzalın binasına baxdım. Müasir, gözəl binadır, orada
gözəl xidmət göstəriləcəkdir. Bu yerlər abadlaşır, insanların
rahatlığı, istirahəti üçün park salınacaqdır. Bunlar Cəlilabadın
ümumi inkişafının dinamikasını göstərir. Bizim də məqsədimiz
odur ki, insanlar rahat yaşasınlar. Gözəl binalar, istirahət,
dincəlmək üçün yaxşı yerlər olsun, iş yerləri olsun, məktəb
tikilsin. Sizin çox gözəl məktəbiniz var. Yadımdadır, o vaxt
açılışında da oldum.
Ə d a l ə t Ə s g ə r o v: Cənab Prezident, ondan da gözəl
məktəbimiz olacaq və Siz açılışına gələcəksiniz.
İ l h a m Ə l i y e v: Bəli, indi ondan da gözəl məktəb
tikilir, şəkilləri görmüşəm, buradan sonra gedib baxacağam.
Yəni bütün bunları edirik ki, Azərbaycan xalqı daha da yaxşı
yaşasın. Maaşlar, pensiyalar artırılır, bu öz yerində, amma belə
gözəl məktəb, istirahət yerləri də olmalıdır. Xüsusilə
ağsaqqallar üçün, onlar böyük zəhmət çəkiblər, Azərbaycanın
218
inkişafında çox fəal iştirak ediblər. Bu gün də iştirak edirlər və
onların fəaliyyəti gənc nəsil üçün böyük örnəkdir.
Mən bu yerin ilkin planını görəndə oraya bəzi düzəlişlər
etdim. Yəni bilirəm ki, burada nələr olacaqdır. Çünki bu yerin
planını özüm təsdiq etmişəm və şəkildəkindən də gözəl
olmalıdır. Şəkildə çox gözəldir, həyatda ondan da gözəl ol-
malıdır. Ona görə bu işlər tezliklə başa çatacaq və mən də
bundan sonra buraya dəfələrlə gələcəyəm.
Ə d a l ə t Ə s g ə r o v: Cənab Prezident, ümummilli lide-
rimiz gənclərə çox böyük qayğı göstərirdi. Çox şadıq ki, o xətti
Siz ləyaqətlə davam etdirirsiniz. Təyin etdiyiniz kadrlar Sizin iş
sürətinizlə işləyirlər.
İ l h a m Ə l i y e v: Onlar mənim tələblərimi bilirlər və
təyin edəndə deyirəm ki, get düz işlə, insanlara qulluq et, qur,
yarat, rayonu gözəlləşdir. Çalış ki, insanlara maksimum
dərəcədə kömək edəsən. Yəni, mənim iş prinsiplərim belədir.
Ə d a l ə t Ə s g ə r o v: Sizin bir kəlamınız var: «Azər-
baycan Heydər Əliyevin şah əsəridir». Allah buna görə də ona
rəhmət eləsin.
V ə d u d M ə m m ə d o v (rayon ağsaqqalı): Ümummilli
liderimiz Heydər Əliyevin çox sevdiyi və rəğbət bəslədiyi
Cəlilabad torpağına xoş gəlmisiniz! Qədəmləriniz mübarək,
gəlişiniz uğurlu olsun!
Hörmətli Prezident, biz Sizin istər xarici, istərsə də region-
lara səfərlərinizi diqqətlə izləyirik. Xarici səfərləriniz dövlətlər
arasında ünsiyyət, mehribanlıq, əməkdaşlıq yaradır və buna
sevinirik. Respublikanın regionlarında olarkən əhali Sizə, Siz
əhaliyə yaxınlaşırsınız, xalq Sizi sevir, camaatın Sizə rəğbəti
artır, Sizin camaata rəğbətiniz artır. Hamı ürəyində istilik hiss
edir, qəlblərə işıq, nur çökür. Bilir ki, qayğıkeşi, problemlərə
diqqətlə yanaşanı var. Bizim rayona da xoş gəlmisiniz. Biz çox
sevinirik, neçə illərdir Sizinlə görüşməyi gözləyirdik.
İ l h a m Ə l i y e v: İllər yox, mən 2004-cü ildə gəl-
mişdim. Ondan əvvəl 2003-cü ildə prezident seçkilərində də
gəlmişdim. İndi də gəlmişəm, bundan sonra da gələcəyəm.
Dostları ilə paylaş: |