271
problemləri ciddidirsə, demokratiya onları düşündürən ən son
məsələdir. Onlar iş haqqında, ərzaq haqqında, uşaqlarına necə
çörək tapmaq haqqında fikirləşirlər və belə şəraitdə onlar azad
ola bilmirlər. Ona görə də biz azad sahibkarlığın inkişafına
yüksək diqqət yetiririk. Belə şəraitdə insan azad olur. Onlar özəl
bizneslə məşğul olanda, dövlət qurumlarından asılı olmurlar.
Beləliklə, onların həyatdakı davranışı da dəyişilir.
Eyni sözləri siyasi təsisatlara da aid etmək olar.
Azərbaycanda biz istənilən Qərb ölkəsində mövcud olan siyasi
təsisatlar kimi, bütün təsisatları yaratmışıq. Lakin bu o demək
deyil ki, Azərbaycanda demokratiyanın səviyyəsi həmin
ölkələrdəki kimidir. Əlbəttə ki, yox. Bunun baş verməsini
gözləmək tamamilə sadəlövhlük olardı. Əfsuslar olsun,
müəyyən qərar qəbul edən dairələr, təsisatlar hesab edirlər ki,
bu çox asandır. Bu və ya digər yerdə gəlib demokratiyanı elan
etmək, yaxud onu bayraqla, dəyənəklə gətirmək və demək ki,
sabah siz demokrat olmalısınız, bu tamamilə anormaldır,
qəbuledilməzdir. Həyat göstərir ki, bu cür yanaşma, bu üsul
işləmir. Demokratiyanın ixracı işləmir. Bu, təkamül, keçid
prosesi olmalıdır. Əlbəttə ki, hökumət, tərəfdaşlar, beynəlxalq
təşkilatlar, qeyri-hökumət təşkilatları fəal olmalıdırlar. Biz deyə
bilmərik ki, müstəqilsiniz, gəncsiniz, elə belə də yaşayın. Yox,
biz işləməliyik və cəmiyyətdəki reallıqdan çıxış etməliyik.
Demokratiya kənardan gətirilirsə, ixrac olunursa və yaxud
məcburən tətbiq edilirsə, bunun heç bir faydası olmur. Bu,
sadəcə sosial, siyasi problemlərin yaranmasına, sabitliyin
pozulmasına gətirib çıxarır, mənfi nəticələr doğurur.
Biz öz ölkəmizdə yaşayırıq, öz ölkəmizi tanıyırıq. Necə
inkişaf etməyi, necə yaşamağı özümüz həll edirik. Ona görə
demokratiya məsələsində çox diqqətli olmaq lazımdır. Buna
avtomatik şəkildə, təkcə istək əsasında nail olmaq mümkün
deyildir. Ona görə biz beynəlxalq təşkilatların üzvüyük, çox
qabaqcıl qanunvericilik qəbul etmişik. Lakin eyni zamanda, hər
şey öz vaxtında olmalıdır. Cəmiyyət də insan orqanizmi kimi
canlıdır. Yəni əgər siz su içmək istəyirsinizsə, içirsiniz. İçmək
272
istəmirsinizsə, içmirsiniz. Elə bir şey ola bilməz ki, kənardan
kimsə gəlsin, bu suyu sizə məcburən içirtsin. Onda sizin
problemləriniz olar. Ona görə biz rasional, praqmatik və
düşünülmüş yanaşmanın tərəfdarıyıq. Hesab edirəm ki, bizim
göstəricilər, siyasi sabitlik, real iqtisadi inkişaf, sosial
proqramlar – bütün bunlar onu göstərir ki, bu yanaşma
uğurludur.
Y u k i o Y a t o: Suallar üçün vaxt başa çatdı. Bu, sonuncu
sual idi. Ona görə də hörmətli qonaqlar, hörmətli iştirakçılar,
sizin adınızdan mən cənab Prezidentə minnətdarlığımızı
bildirirəm. Gəldiyinizə görə çox sağ olun.
Cənab Yukio Yato görüşdən xatirə olaraq, prezident İlham
Əliyevə institutun adından hədiyyə təqdim etdi.
Görüşdən sonra iştirakçılar prezident İlham Əliyevə yaxın-
laşaraq səmimi görüşüb söhbət etdilər, dərin məzmunlu müha-
zirəsinə görə təşəkkürlərini bildirdilər.
273
AZƏRBAYCAN PREZİDENTİ İLHAM ƏLİYEVİN
VƏ YAPONİYANIN İMPERATORU AKİHİTONUN
TƏKBƏTƏK GÖRÜŞÜ
8 mart 2006-cı il
Martın 8-də Tokioda Azərbaycan Respublikasının Prezi-
denti İlham Əliyevin və Yaponiyanın İmperatoru Akihitonun
təkbətək görüşü olmuşdur.
Əlahəzrət Akihito və imperatriçə Miçiko prezident İlham
Əliyevi və xanımı Mehriban Əliyevanı İmperator sarayının qarşı-
sında böyük hörmət və ehtiramla qarşıladılar.
Sonra prezident İlham Əliyev ilə imperator Akihito arasında
təkbətək görüş oldu.
Prezident İlham Əliyevi bir daha səmimiyyətlə salamlayan və
onun Yaponiyaya rəsmi səfərini yüksək qiymətləndirən əlahəzrət
Akihito ölkələrimiz arasındakı əlaqələrin daha da inkişaf etdi-
rilməsinin faydalı olduğunu bildirdi. Xalqlarımız arasındakı tarixi
dostluq əlaqələrindən söhbət açan imperator Azərbaycan ilə
münasibətlərin möhkəmləndirilməsinə Yaponiya dövlətinin xüsusi
maraq göstərdiyini vurğuladı. O, xalqımızın ümummilli lideri
Heydər Əliyevin 1998-ci ilin fevralında Yaponiyaya səfərini
məmnunluqla yada saldı və bu görüşlə bağlı xoş xatirələrini
danışdı. Əlahəzrət Akihito dedi ki, məhz Heydər Əliyevin səyləri və
qətiyyəti sayəsində uğurlu islahatlar aparan Azərbaycan dünyanın
inkişaf etmiş ölkələrindən birinə çevrilmək yolunda inamla
irəliləmişdir və bu gün həmin siyasətin Azərbaycanda davam
etdirilməsi öz bəhrəsini verir.
Xoş sözlərə, göstərilən qonaqpərvərliyə görə əlahəzrət Akihito-
ya təşəkkürünü bildirən prezident İlham Əliyev Yaponiyaya ilk
rəsmi səfər etməsindən çox məmnun olduğunu söylədi, ölkəmizdə
hüquqi, demokratik, dünyəvi dövlət quruculuğu sahəsində görül-
274
müş işlərdən danışdı. Dövlətimizin başçısı dedi ki, müstəqil
Azərbaycan Respublikası Yaponiya ilə əməkdaşlığın daha da
inkişaf etdirilməsi və möhkəmləndirilməsinə böyük maraq göstərir
və indiki səfər ikitərəfli münasibətlərdə yeni mərhələ açacaqdır.
Prezident İlham Əliyev bildirdi ki, Azərbaycan dünya ölkələri
ilə bütün sahələrdə qarşılıqlı surətdə faydalı əməkdaşlığın inkişaf
etdirilməsinə daim diqqət yetirir. Bu baxımdan Yaponiya ilə əla-
qələrə xüsusi önəm verilir. Azərbaycanın qapıları dünya ölkələ-
rinin iş adamlarının üzünə açıqdır. Ölkəmizdə ictimai-siyasi sa-
bitlik mövcuddur, sərmayələrin qorunması, xarici iş adamlarının
tam sərbəst fəaliyyəti üçün hər cür şərait yaradılmışdır.
Xəzərin Azərbaycan sektorundakı yataqların birgə işlənilməsi
sahəsində görülən işlərə toxunan prezident İlham Əliyev Ya-
poniyanın «İtoçu» şirkətinin layihələrdə böyük paya malik oldu-
ğunu vurğuladı. Dövlətimizin başçısı Yaponiyanın Azərbaycan ilə
bütün sahələrdə əməkdaşlığın genişləndirilməsinə maraq gös-
tərməsini yüksək qiymətləndirdi.
Söhbət zamanı Azərbaycan–Yaponiya əməkdaşlığının inkişaf
perspektivləri, bölgədə vəziyyət, Ermənistan–Azərbaycan, Dağlıq
Qarabağ münaqişəsinin sülh yolu ilə aradan qaldırılması və digər
məsələlər barədə də geniş fikir mübadiləsi aparıldı.
* * *
Azərbaycan prezidentinin xanımı Mehriban Əliyeva ilə
imperatriçə Miçiko arasında da səmimi söhbət oldu.
Görüşdən sonra əlahəzrət Akihito və imperatriçə Miçiko
prezident İlham Əliyevi və xanımı Mehriban Əliyevanı sarayın
qarşısında böyük ehtiramla yola saldılar.
Dostları ilə paylaş: |