İNKİŞaf – MƏQSƏDİMİZDİr on beşİNCİ Kİtab
Yüklə 2,85 Mb. Pdf görüntüsü
|
- Bu səhifədəki naviqasiya:
- V l a d i m i r P u t i n
- S u a l: Mənim sualım hər iki prezidentədir. Ölkələrimizdə yaşayan diasporlara Azərbaycan–Rusiya münasibətlərinin daha da möhkəmlənməsi yolunda nə kimi
175 çünki elektrik enerjisi axınını operativ tənzimləmək imkanları vəsaitə qənaət etmək üçün böyük üstünlüklər verir. Ona görə də bu istiqamətdə əməkdaşlıq ənənəvi, etibarlı, uzunmüddətlidir ki, bu da vacibdir. Biz bütün istiqamətlərdə münasibətləri elə qurmağa çalışırıq ki, bunun uzunmüddətli perspektivləri olsun. Bu münasibətlər uzunmüddətli olduqda, sərmayədarlar da, həmin layihələrin potensial iştirakçıları da özlərini daha rahat hiss edirlər. Bu bizim vəzifəmizdir. Biznesin ölkəyə gəlməsi üçün sərmayədarlarda əminlik olmalıdır ki, bu biznes müdafiə olunacaq, yaxşı fayda verəcəkdir. Belə olan halda hamı bundan qazanacaqdır. Bu gün biz iqtisadi əməkdaşlığın çox geniş dairəsini müzakirə etdik. Əgər 5-6 il əvvəl iqtisadi əməkdaşlıqdan danı- şanda neft-qaz sənayesi nəzərdə tutulurdusa, hazırda bu əməkdaşlığın dairəsi çox genişdir. Ona görə də şübhə etmirəm ki, ölkələrimiz arasında iqtisadi əməkdaşlığı fəal inkişaf etdirəcəyik. Bu gün biz ikiqat artırılmış əmtəə dövriyyəsini yaxın gələcəkdə də ikiqat artırmaq imkanlarını yarızarafat- yarıgerçək müzakirə etmişik. V l a d i m i r P u t i n: Mən iqtisadi sahədə qarşılıqlı fəaliyyətimizin perspektivlərinə verilən qiymətlə tam razıyam. İlk növbədə, əlbəttə, inkişaf sürətinə, dünyada ən yüksək sürətinə görə, ikincisi isə iqtisadiyyatının bütün potensialına görə Azərbaycan Rusiya üçün bu sahədə ən öncül, ən maraqlı tərəfdaşlardan biridir. Artıq dediyim kimi, biz bir sıra istiqamətlərdə əməkdaşlıq edirik. Əgər energetikadan başlasam, deyə bilərəm ki, biz Azərbaycana xeyli elektrik enerjisi satırıq, ancaq ondan da elektrik enerjisi alırıq. Çünki bəzi regionlarda bu cür mübadilə iqtisadi cəhətdən ölkə daxilindəki istehlakdan daha səmərəlidir. Biz üçtərəfli formatda İranla bu məsələləri həll edirik. Düşünürəm ki, burada yaxşı perspektivlər var. Energetika sahəsinə Rusiyanın sərmayələri baxımından biz iki istiqamət görürük. Birincisi, Azərbaycandakı mövcud energetika obyektlərinin 176 bərpası, ikincisi, yenilərinin – o cümlədən Sumqayıt rayonunda – tikintisi. Neft və qaza gəldikdə isə, biz Azərbaycana xeyli miqdarda qaz satırıq. Gələcəkdə Azərbaycan üçün zəruri olan karbohidrogen məhsullarının satışı sahəsində əməkdaşlığın davam etdiriləcəyini istisna etmirik. Biz nəzərə alırıq ki, birgə fəaliyyətimizi davam etdirəcəyik və bəzi şirkətlərimiz artıq Azərbaycan bazarında təmsil olunmuşdur. Mən hazırda iki yerdə işləyən «LUKoyl»u nəzərdə tuturam. Əlbəttə ki, o öz fəaliyyətini genişləndirmək istəyir və hiss edirik ki, azərbaycanlı tərəfdaşlar bizim sahibkarların biznes təşəbbüslərini dəstəkləyirlər. Biz gələcəkdə də bu dəstəyə ümid bəsləyirik. Digər şirkətlər də burada baş verənləri diqqətlə izləyir. Əlbəttə, bizi xeyli dərəcədə ölkədəki iqtisadi, siyasi sabitlik cəlb edir. Lakin energetika bizi maraqlandıran yeganə fəaliyyət sahəsi deyildir. Siz yəqin ki, «Rusal» şirkətinin burada metallurgiya sahəsinə iri sərmayələr qoymaq cəhdlərindən xəbərdarsınız. Əminəm ki, bu, təkcə ikitərəfli əməkdaşlığın inkişafına deyil, həm də Azərbaycan iqtisadiyyatının yüksəlişinə kömək edəcək perspektivli, maraqlı və miqyaslı layihələrdən biridir. Nəqliyyat, kənd təsərrüfatı, ümumən maşınqayırma sahələri perspektivlidir. Azərbaycanlı tərəfdaşlar bizim bir sıra gəmiqayırma müəssisələrinə yaxşı sifarişlər vermişlər. Əminəm ki, onlar kifayət qədər səmərəli olacaqdır. Lakin maşınqayırma ilə bağlı digər istiqamətlərdə də çoxlu perspektivli məqsədlər var və biz təkbaşına deyil, birgə işləsək, bunlara daha səmərəli nail ola bilərik. Artıq dediyim kimi, biz maliyyə sahəsində əməkdaşlığı vacib hesab edirik. Hazırda bəzi banklarımız Azərbaycanda fəaliyyəti genişləndirməklə bağlı, azərbaycanlı tərəfdaşları ilə danışıqlar aparırlar. Bütün bunlar strateji tərəfdaşlıq adlandırdığımız məsələləri həyata keçirmək üçün yaxşı və möhkəm baza yaradacaqdır. 177 S u a l: Mənim sualım hər iki prezidentədir. Ölkələrimizdə yaşayan diasporlara Azərbaycan–Rusiya münasibətlərinin daha da möhkəmlənməsi yolunda nə kimi rol verilir və Siz Azərbaycandakı rusların və Rusiyadakı azərbaycanlıların vəziyyətini necə qiymətləndirirsiniz? İ l h a m Ə l i y e v: Əlbəttə ki, bu məsələ danışıqlarımız çərçivəsində müzakirə olundu və məmnuniyyətlə qeyd etdik ki, bu sahədəki vəziyyət bizi sevindirir. Diasporlar da ikitərəfli münasibətlərin mühüm amillərindən biridir. Əlbəttə ki, dövlətlərarası münasibətlərin ümumi fonu Azərbaycanda rusların və Rusiyada azərbaycanlıların özlərini nə dərəcədə rahat və yaxşı hiss etməsindən də asılıdır. Deməliyəm ki, bu istiqamətdə bizim aramızda tam qarşılıqlı anlaşma var. Biz ölkələrimizin ictimai-siyasi, iqtisadi həyatına diasporların fəal cəlb edilməsini Rusiya ilə Azərbaycan arasında daha sıx inteqrasiyanın mühüm amili kimi qiymətləndiririk. Rusiyada çoxlu azərbaycanlı yaşayır və hesab edirik ki, bu, normal haldır, çünki dünyada sərhədlərin açıldığı, hərəkət sərbəstliyi bizim hamımız üçün anlaşıqlı və ümumbəşəri dəyərlərin, insan hüquqlarının çox mühüm tərkib hissəsi olduğu indiki vaxtda bu amil, əlbəttə, çox mühüm rol oynayır. Mən həmişə deyirəm ki, Rusiyada azərbaycanlıların vəziyyəti pis olsaydı, onlar orada yaşamazdılar. Əgər onlar orada yaşayır, işləyirlərsə, deməli, vəziyyətləri yaxşıdır. Deməli, bu, indiki mərhələdə onları qane edir. Hələ 70-ci illərdə Azərbaycanın rəhbəri Heydər Əliyev hər il məqsədyönlü şəkildə min nəfərədək gənc azərbaycanlını oxumaq üçün Sovet İttifaqının aparıcı ali məktəblərinə göndərirdi. Əlbəttə, bunlar əsasən, Moskvanın, Sankt- Peterburqun və digər Rusiya şəhərlərinin ali məktəbləri idi. İndi bu adamlar Azərbaycanın inkişafı naminə çox fəal işləyirlər, yəni, bu biliklər, təcrübə, erudisiya, əlbəttə ki, əlaqələr çox işlərdə kömək edir. Eyni hal bu gün də baş verir. Azərbaycandan bir çox gənclər Rusiya ali məktəblərinə təhsil almağa gedirlər, çoxları oraya işləməyə gedir. Bu, normal Yüklə 2,85 Mb. Dostları ilə paylaş:
|