169
Ümidvarıq ki, bu il ərzində Azərbaycana Rusiyadan çoxlu
qonaq gələcəkdir. Biz qonaqların, xüsusən də Rusiyadan, bizim
üçün dost ölkədən qonaqların gəlməsinə çox şadıq. Yəqin ki,
olduqca çox yaradıcılıq kollektivləri gələcək, köhnə, səmimi
dostların görüşləri çox olacaqdır. Əlbəttə ki, bütün bunlar bizi
daha da yaxınlaşdıracaqdır. Biz buna çox ümid bəsləyirik.
Fürsətdən istifadə edərək ölkəmizə səfərinə görə, Azərbaycanda
«Rusiya İli»ni açmağa gəldiyinə görə Rusiya prezidentinə bir
daha təşəkkür etmək, qonaqlarımız olan Rusiya respublikaları
və vilayətlərinin bütün rəhbərlərinə təşəkkür etmək istəyirəm.
Xoş gəlmisiniz!
Diqqətinizə görə təşəkkür edirəm.
Rusiya prezidenti Vladimir Putinin bəyanatı
Öz tərəfimdən, ilk növbədə, dəvətə görə və danışıqlarımızın
çox səmimi şəraitdə keçdiyinə görə Azərbaycan Respub-
likasının Prezidentinə təşəkkür etmək istəyirəm. Danışıqlar
həmişəki kimi çox açıq və səmərəli oldu. Rusiya nümayəndə
heyəti qeyd edir ki, hazırda Rusiya–Azərbaycan münasibətləri
çox yüksək səviyyədədir və özündə ciddi müsbət inkişaf
dinamikası vardır. Bu həm qarşılıqlı fəaliyyətimizin siyasi
sahəsinə, həm iqtisadiyyata, həm də humanitar əlaqələr sahəsinə
aiddir. Sonuncuya gəldikdə, dünən sizin çoxunuz Azərbaycanda
«Rusiya İli»nin açılışını gördünüz. Əminəm ki, bu, humanitar
əlaqələr sahəsində münasibətlərimizin inkişafına daha bir ciddi
təkan olacaqdır.
Ümidvaram ki, Azərbaycanda «Rusiya İli» çərçivəsində
planlaşdırılmış tədbirlər böyük maraqla, diqqətlə qarşılana-
caqdır və bilirəm, Rusiya incəsənətinə, Rusiya ifaçılarına,
Rusiyanın teatr xadimlərinə böyük maraq göstərən Azərbaycan
tamaşaçılarının yəqin etməyə imkanı olacaq ki, bu baxımdan
Rusiya bir yerdə dayanmır, Rusiya inkişafdadır. Azərbaycan
tamaşaçıları və dinləyiciləri nəinki çoxdan məşhur olan şöhrətli
kollektivlərimizi, həm də yeni ifaçıları görəcək və Rusiya
170
incəsənətinin nümayəndələri ilə ünsiyyətdən böyük zövq
alacaqlar.
O ki qaldı siyasi əlaqələrə, qarşılıqlı siyasi fəaliyyətə, onlar
həqiqətən, çox yüksək səviyyədədir. Biz Azərbaycan və
Rusiyanın xarici işlər nazirlikləri, hökumətləri səviyyəsində,
mənim də, həmkarımın da müəyyən etdiyi bütün istiqamətlər
üzrə qarşılıqlı əlaqələri həyata keçirən və ya bu işə rəhbərlik
edən, demək olar, bütün idarələr səviyyəsində daim ünsiyyət
saxlayırıq.
Elə bir sahə var ki, o, diqqətimizi xüsusi cəlb edir – bu,
iqtisadi əməkdaşlıq sahəsidir. Biz nəinki qarşıya qoyulmuş
səviyyəyə çıxmışıq, həm də əməkdaşlığın bizim üçün son
dərəcə mühüm və həssas sahələrində çox yaxşı inkişaf sürəti
götürmüşük. Bu həm energetikadır, həm maşınqayırma,
nəqliyyat, rabitə, kənd təsərrüfatı, metallurgiya sənayesidir, həm
də elə bir sahədir ki, onsuz biznesi inkişaf etdirmək,
ümumiyyətlə, mümkün deyildir. Mən maliyyə sahəsini nəzərdə
tuturam.
Çox ümid edirəm ki, biznes nümayəndələri və regionların
nümayəndələri arasında olan geniş əlaqələr lap yaxın vaxtda öz
səmərəsini verəcəkdir.
Əlbəttə, həm ikitərəfli münasibətlər üçün, həm də bütün
region üçün çox mürəkkəb və mühüm məsələni – Dağlıq
Qarabağla bağlı məsələni də diqqətdən kənarda qoya bilmərəm.
Mən Azərbaycan prezidentinin belə bir fikri ilə razıyam ki,
məsələnin bütün mürəkkəbliyinə baxmayaraq, hər iki tərəf –
Azərbaycan da, Ermənistan da qarşılıqlı surətdə məqbul qərar
tapa bilər. Rusiya özündən asılı olan hər şeyi edəcək ki,
danışıqların nəticələri müsbət olsun. Mən öz tərəfimdən
Azərbaycan prezidentinə söz verdim ki, biz ermənistanlı
tərəfdaşlarımızla
əlavə
məsləhətləşmələr
keçirilməsi
təşəbbüsünü irəli sürəcək və bu məsləhətləşmələri aparacağıq.
Yaxın vaxtlarda Ermənistan prezidenti ilə əlaqə saxlamaq,
bu problem barəsində yeni məsləhətləşmələr aparmaq üçün onu
Moskvaya dəvət etmək niyyətindəyəm. Rusiya nümayəndə
171
heyəti aparılmış danışıqları çox səmərəli danışıqlar kimi
qiymətləndirir və biz birgə işimizin təşkilinə görə azərbaycanlı
tərəfdaşlarımızın hamısına təşəkkür edirik.
Diqqətinizə görə çox sağ olun.
S u a l: Mənim sualım Rusiya prezidentinədir. Bilmək is-
tərdim ki, Gürcüstan ilə münasibətlər niyə belə kəskinləş-
mişdir? İkincisi. Dünən Moskvada İran nümayəndə heyəti
ilə danışıqlar aparılmışdır. Bu barədə informasiya, demək
olar, yoxdur. Bu danışıqların nəticələri necədir?
V l a d i m i r P u t i n: Mən sualınızın ikinci hissəsindən –
iranlı tərəfdaşlarımızla danışıqlardan başlayacağam. Deməliyəm
ki, biz bu gün azərbaycanlı həmkarlarımızla danışıqların
gedişində də, əlbəttə, İranın nüvə probleminin nizama salınması
mövzusuna, ümumiyyətlə, İranla münasibətlərimizə toxunduq.
Çünki bütün bunların bizim üçün praktiki əhəmiyyəti var. Bu
bizim
regiondur.
Üstəlik, bizim üçtərəfli əməkdaşlıq
istiqamətimiz də var. Məsələn, elektroenergetika sahəsində bir
müddət bundan əvvəl üçtərəfli komissiya yaradılmışdır.
Komissiya elektroenergetika sahəsində üçtərəfli formatda
münasibətlərin sahmanlanması ilə məşğul olur. Ona görə də
İran ətrafında baş verən bütün hadisələr bizim üçün son dərəcə
mühümdür.
Moskvada İranın nüvə probleminə dair danışıqlara gəldikdə,
deyə bilərəm ki, bu danışıqlar heç də asan getmir. Lakin biz
ümidvarıq ki, müsbət nəticələrə nail ola bilərik. Biz
nikbinliyimizi itirmirik. İran nümayəndələri öz siyasi rəhbərliyi
ilə məsləhətləşə bilməsi üçün hazırda danışıqlar prosesində
fasilə götürülmüşdür. Biz güman edirik ki, böhrandan çıxmağın
Rusiya
tərəfindən təklif olunmuş variantı – uranın
saflaşdırılması üçün Rusiya ərazisində müştərək müəssisə
yaradılması ilə bağlı variant iranlı tərəfdaşlarımız üçün
tamamilə məqbuldur və ondan bu problemin həlli üçün bir
vasitə kimi istifadə edilə bilər.
Dostları ilə paylaş: |