158
Prezidentlər ölkəmizdə başlanan «Rusiya İli» çərçivəsində
açılmış sərginin ekspozisiyasına baxdılar. «Ümumrusiya Sərgi
Mərkəzi» ASC-nin Baş direktoru Məhəmməd Musayev dövlət
başçılarına Rusiya müəssisələrinin sərgidə nümayiş etdirilən
məhsulları barədə ətraflı məlumat verdi. O bildirdi ki, istər
sərginin, istərsə də onun işgüzar proqramının hazırlanması
prosesində Rusiya biznesindən ikitərəfli münasibətlərin inkişa-
fına, Azərbaycanda diler əlaqələri yaradılmasına dair bir çox
maraqlı təkliflər alınmışdır. Təşkilatçıların fikrincə, sərgi
danışıqlar aparılması və gələcək əməkdaşlığın perspektivlərinin
müəyyənləşdirilməsi üçün yaxşı imkan olacaqdır.
Rusiya işgüzar dairələrinin sərgidə iştirak edən nümayən-
dələri arasında həmvətənlərimiz də var. Məsələn, Ulyanovsk
motor zavodu «Ticarət Evi» MMC-nin məhsulunu müəssisənin
Baş direktorunun müavini, Ulyanovskdakı Azərbaycan
diasporunun rəhbəri Şakir Göyüşov təqdim etdi.
Prezidentlər sərgidə Moskva hökuməti tərəfindən təqdim
olunmuş və 18 müəssisənin məhsulunun nümayiş etdirildiyi ən
böyük bölməyə də baxdılar.
159
AZƏRBAYCAN PREZİDENTİ İLHAM ƏLİYEVİN
ADINDAN RUSİYA PREZİDENTİ VLADİMİR
PUTİNİN ŞƏRƏFİNƏ TƏŞKİL EDİLMİŞ
QƏBULDA NİTQ
Gülüstan sarayı
21 fevral 2006-cı il
Hörmətli Vladimir Vladimiroviç!
Əziz dostlar, xanımlar və cənablar!
Sizi Azərbaycanda bir daha səmimi-qəlbdən salamlamaq,
hamınıza firavanlıq, sağlamlıq, sizə və ailələrinizə xoşbəxtlik
arzulamaq istəyirəm.
Bu gün Azərbaycanda «Rusiya İli»nin açılışı günüdür.
Biz onu bir qədər əvvəl təntənəli şəraitdə qeyd etdik. Bu,
ölkələrimiz arasında bütün istiqamətlərdə gələcək əməkdaşlıq
üçün çox yaxşı perspektivlər açır.
Biz Rusiyanın və Azərbaycanın əməkdaşlığına çox böyük
əhəmiyyət verir və onu konkret məzmunla dolğunlaşdırmağa
çalışırıq. Azərbaycanın müstəqillik əldə etdiyi vaxtdan bəri
ölkələrimiz arasında münasibətlər bir neçə dövrdən keçmişdir.
Onları 2000-ci ilədək olan dövrə və 2000-ci ildən sonrakı dövrə
ayırmaq olar. Münasibətlərin dinamikası, konkret işlər,
razılaşmalar, qarşılıqlı fəaliyyətin səviyyəsi üzrə izləsək,
əlbəttə, böyük fərq olduğunu görərik.
Rusiya ilə Azərbaycan arasında münasibətlər məhz 2000-ci
ildən başlayaraq tamamilə yeni məzmun kəsb etmişdir. Bunun
əsasını Rusiya prezidenti Vladimir Putinin 2001-ci ilin
əvvəllərində Azərbaycana rəsmi səfəri qoymuşdur. Bu, Rusiya
prezidentinin Azərbaycana ilk səfəri idi. Həmin vaxtdan bu
günədək biz münasibətlərimizdə ancaq müsbət hallar görürük.
160
Gah anlaşılmazlıq, gah da hansısa problemlər doğuran bütün
məsələlər tənzimlənmişdir. Biz regional formatda fəal
əməkdaşlıq edirik. Xəzər problemi, regional təhlükəsizlik
barədə, Qafqazda təhlükəsizlik barədə baxışlarımız tam uyğun
gəlir. Bunun əsasını iki prezident – Vladimir Putin və Heydər
Əliyev qoymuşlar. Onların dostluğu, münasibətləri, müdrikliyi
Rusiya ilə Azərbaycanın strateji tərəfdaşlar olmasını və
əməkdaşlığımızın daha da dərinləşməsi üzərində fəal işləməsini
öncədən müəyyənləşdirmişdir.
Azərbaycanda hamı Heydər Əliyev ilə Sizin şəxsi münasi-
bətlərinizi xatırlayır. Əsl dost kimi, məhz Siz ən ağır vaxtda
dostluq əli uzatdınız, ağır anda, xəstəlik anında da diqqət
göstərdiniz. İnanın, Azərbaycanda bunu xatırlayır və yüksək
qiymətləndirirlər.
Münasibətlərimizin indiki mərhələsi 2000-ci ildə başlanmış
mərhələnin davamıdır. Biz əlaqələrimizə yeni formalar
verilməsi üzərində fəal işləyirik. Həyat bir yerdə dayanmır.
Qarşımıza yeni vəzifələr, yeni tələblər çıxır, biz onları həll
etməyə hazır olmalıyıq. Biz bunu birlikdə etdikdə, bir çox
məsələlərdə səylərimizi əlaqələndirdikdə, əlbəttə, uğurlar
qazanırıq. Sülh olmadan, sabitlik olmadan inkişaf mümkün
deyildir. Bu, sübut tələb etməyən aksiomadır. Ona görə də
Rusiya və Azərbaycan Qafqazda sülh, əmin-amanlıq olmasında,
qan tökülməməsində, evlərdə firavanlıq və rahatlıq olmasında
maraqlıdır.
Azərbaycan öz tarixinin ağır məqamlarını yaşamışdır,
torpaqlarımızın bir hissəsinin işğal altında olmasından indiyə-
dək əziyyət çəkməkdədir. Ümidvarıq ki, qonşumuz kimi, böyük
dövlət kimi, Ermənistan–Azərbaycan, Dağlıq Qarabağ
münaqişəsinin nizama salınması üzrə ATƏT-in Minsk
qrupunun həmsədri kimi, Rusiya bu münaqişənin sülh yolu ilə
həlli üçün bundan sonra da səy göstərəcəkdir.
Biz qeyri-adi heç nə, beynəlxalq hüququn, yaxud da insan
məntiqinin normal çərçivəsindən kənara çıxan heç nə tələb
etmirik. Biz yalnız onu tələb edirik ki, torpaqlarımız işğaldan
161
azad olunsun, Ermənistan–Azərbaycan, Dağlıq Qarabağ
münaqişəsi yalnız və yalnız beynəlxalq hüquq prinsipləri
əsasında nizama salınsın. Onda qaçqın-köçkünlərimiz öz ev-
lərinə qayıdarlar. Onda sülh olar, regionda sülh təmin edilər.
Bu gün Azərbaycanda «Rusiya İli»nin açılışı çərçivəsində
sərgi də açıldı, Rusiya istehsalçılarının potensialı bizə bir daha
təqdim olundu. Rusiya–Azərbaycan geniş biznes forumunun
keçirilməsi də nəzərdə tutulur. Forumda biznes nümayəndələri
iştirak edəcəklər. Ümid edirik ki, bu istiqamətdə əlaqələrimiz
fəal surətdə genişlənəcəkdir. Bunu demək üçün əsaslar var.
Ölkələrimiz arasında əmtəə dövriyyəsinin necə dinamik inkişaf
etməsi iqtisadi əlaqələrimizin uğurla inkişaf etdiyinə ən yaxşı
sübutdur. Başqa sözlə desək, münasibətlərimiz, onların bütün
istiqamətlərdə inkişafı, dərinləşməsi milli mənafelərimizə cavab
verir, düşüncələrimizə cavab verir, əhval-ruhiyyəmizə cavab
verir.
Mən bu badəni Rusiya ilə Azərbaycan arasında münasi-
bətlərin daha da möhkəmlənməsi şərəfinə qaldırıram. Rusiyanın
tərəqqisi, Rusiya xalqının firavanlığı şərəfinə və Rusiya
prezidenti Vladimir Vladimiroviç Putinin sağlığına badə
qaldırıram.
Rusiya prezidenti Vladimir Putinin nitqi
Əziz dostlar!
İlk növbədə, ölkənizə gəlmək və Azərbaycanda «Rusiya
İli»nin açılışında iştirak etmək imkanına görə Azərbaycan
prezidentinə və onun xanımına minnətdarlığımı bildirmək
istəyirəm. Rusiya–Azərbaycan münasibətləri müharibədən
sonrakı bütün illər ərzində görünməmiş yüksək səviyyədədir.
Şübhəsiz, bu, ilk növbədə, Heydər Əliyeviç Əliyevin xid-
mətidir. Ona görə ki, məhz o, Rusiya–Azərbaycan münasi-
bətlərinin əhəmiyyətini dərindən bildiyinə görə, Azərbaycan
üçün ən ağır illərdə və Rusiya–Azərbaycan münasibətlərinin
çox mürəkkəb dövründə həmin münasibətlərin normal məcraya
Dostları ilə paylaş: |