162
qayıdışı üçün imkanı qoruyub saxladı. Məhz o bizə normal
dövlətlərarası münasibətlərə qayıtmaq imkanı verdi.
Mən bu gün fəaliyyətdə olan prezidentə demişəm, biz son
illər Heydər Əliyevlə tez-tez ünsiyyətdə olurduq. Mən onunla
ünsiyyətə alışmışdım. O çox dərin və müdrik insan idi. Mən
hətta bu gün də onun yoxluğunu hiss edirəm. Tədbirə gedəndə
həmişə təəssüflə fikirləşirəm ki, o bu tədbirlərdə olmayacaqdır.
Lakin əsası ata tərəfindən qoyulan işləri oğul davam etdirir. Biz
bunu görürük, Azərbaycanın necə və hansı sürətlə inkişaf
etdiyinə sevinirik. ÜDM-in artım sürəti dünyada ən yüksək
göstəricilərdəndir. Bu, Rusiya üçün də həsəd aparılmalı
mövzudur. Bu onu göstərir ki, Azərbaycan rəhbərliyi öz
ölkəsinin inkişafı üçün təkcə xarici siyasətdə deyil, həm də
iqtisadiyyatda düşünülmüş şəkildə doğru inkişaf yolu seçmişdir.
Bu isə başlıca məsələdir, gələcək tərəqqinin əsasıdır.
Bizim mənəvi əlaqələrimiz həmişə yüksək səviyyədə ol-
muşdur. Rusiyada ölkənizin çox böyük sayda vətəndaşı yaşayır.
Mən
hələ
Rusiya
Federasiyasının Azərbaycan əsilli
vətəndaşlarını demirəm. Mən Rusiya Federasiyası ərazisində
müvəqqəti yaşayıb-işləyən, burada qazandığı vəsaitlə ailələrini
saxlayan bir milyondan çox Azərbaycan vətəndaşını nəzərdə
tuturam. Hesab edirəm ki, bu, dövlətlərimiz arasında çox yaxşı
qarşılıqlı fəaliyyət, qarşılıqlı əlaqə körpüsüdür. Çünki bu,
adamlar arasında canlı qarşılıqlı əlaqədir.
Biz çox şadıq ki, münasibətlərimiz keyfiyyətcə yeni səviy-
yəyə çıxır. Prezidentin dediyi kimi, ticarət dövriyyəmiz bir
milyard ABŞ dollarına çatmışdır. Lakin məsələ hətta bunda da
deyildir. Məsələ ondadır ki, əmtəə dövriyyəmizin keyfiyyəti bir
çox dövlətlərlə olan əmtəə dövriyyəsinin həcmlərindən daha
yaxşı, sərfəli olması ilə fərqlənir. Hətta bu həcm bəzən daha
böyük olsa da. Keyfiyyət isə ondan ibarətdir ki, sənayenin payı
daim artır. O, ötən il gəmiqayırma üzrə iki dəfə, maşınqayırma
üzrə
bir
dəfə
yarım
artmışdır.
Bu,
ölkələrimizin
iqtisadiyyatlarının bir-birini tamamladığının və bir-biri üçün
gərəkli olduğunun çox yaxşı keyfiyyət göstəricisidir. Rusiya bu
163
qarşılıqlı iqtisadi əlaqələrin inkişaf sürətini hər vasitə ilə
dəstəkləyəcəkdir.
Əlbəttə, başa düşürük ki, Azərbaycan çox mürəkkəb
beynəlxalq problemlər qarşısında durur, onlardan ən başlıcası
Qarabağ münaqişəsinin həlli problemidir. Bu, Azərbaycan və
Ermənistan xalqlarının üzərinə ağır yük kimi düşür və əlbəttə,
hər iki ölkənin rəhbərliyi qarşısında, ilk baxışdan, sadəcə,
həlledilməz vəzifələr qoyur. Lakin əminəm ki, xoş məram
olarsa, nizamasalma variantları tapıla bilər. Demək istəyirəm ki,
hər iki tərəfin xoş məramı olarsa və Rusiya kimi dövlətlərin və
nizamasalmada iştirak edən digər ölkələrin vasitəçiliyi olarsa,
tapıla bilər. Biz hər iki dövlət üçün bu zəruri qərarların
axtarışına dair birgə işə şərait yaradılmasına bundan sonra da
çalışacağıq.
Çox səmimi və həqiqətən dostcasına qəbula görə Sizə
təşəkkür etmək istəyirəm. Qorxuram səhv edəm, lakin
yadımdadırsa, Azərbaycan atalar sözlərindən biri belədir ki,
özünüz yaxşı yaşamaq istəyirsinizsə, çalışın ki, qonşunuz yaxşı
yaşasın. Biz hər vasitə ilə çalışacağıq ki, strateji tərəfdaşımız
olan Azərbaycan son illərdə götürdüyü belə yüksək sürətlə
inkişaf etsin.
Münasibətlərimizin inkişafı şərəfinə badə qaldırmağı təklif
edirəm.
Prezidentin və onun xanımının sağlığına!
164
AZƏRBAYCAN PREZİDENTİ
İLHAM ƏLİYEVİN VƏ RUSİYA PREZİDENTİ
VLADİMİR PUTİNİN TƏKBƏTƏK GÖRÜŞÜ
Prezident sarayı
22 fevral 2006-cı il
Fevralın 22-də Prezident sarayında Azərbaycan Respub-
likasının Prezidenti İlham Əliyevin və Rusiya Federasiyasının
Prezidenti Vladimir Putinin təkbətək görüşü keçirilmişdir.
Azərbaycan prezidenti İlham Əliyev ölkəmizdə işgüzar
səfərdə olan Rusiya prezidenti Vladimir Putini Prezident
sarayında səmimiyyətlə qarşıladı.
Sonra dövlət başçılarının təkbətək görüşü başladı. Prezident
İlham Əliyev Azərbaycanda «Rusiya İli»nin açılışının uğurla
keçdiyini və təqdim olunan qala-konsertin də yüksək səviyyədə
təşkil edildiyini vurğuladı. Azərbaycanda Rusiya İlinin bütün il
boyu bu cür davam edəcəyinə ümidvar olduğunu bildirən
dövlətimizin başçısı ölkələrimiz arasında dostluq, mehriban
qonşuluq, səmərəli əməkdaşlıq münasibətlərinin bundan sonra
daha da möhkəmlənəcəyinə əminliyini söylədi.
Prezident Vladimir Putin də ölkəsinin incəsənət ustalarının
Azərbaycanda «Rusiya İli»nin açılışı mərasimi iştirakçılarına
təqdim etdikləri rəngarəng konsert proqramının sevinc doğur-
duğunu söylədi. Ölkələrimiz arasında bütün sahələrdə əməkdaş-
lığın bu cür yüksək səviyyədə davam etməsi üçün potensial
imkanların olduğunu vurğulayan Rusiyanın dövlət başçısı
uğurla başlayan İlin elə bu cür də başa çatacağına əminliyini
bildirdi.
Dostları ilə paylaş: |