İNKİŞaf – MƏQSƏDİMİZDİr otuz iKİNCİ Kİtab
Yüklə 1,85 Mb. Pdf görüntüsü
|
- Bu səhifədəki naviqasiya:
- İ l h a m Ə l i y e v
95 müasir texnologiya əsasında istehsal edilən mal və məhsullar artıq daxili tələbatı ödəməklə yanaşı, Azərbaycan markası altında xarici bazarlara çıxarılır. «Azərbaycan Hava Yolları» Qapalı Səhmdar Cəmiyyətinin prezidenti Cahangir Əsgərov milli aviasiyanın bu gününü əks etdirən pavilyon barədə məlumat verdi. Bildirdi ki, bu sahə sürətlə inkişaf edir, respublikamızın paytaxtı ilə yanaşı, bölgələrdə də yeni hava limanları inşa olunmuşdur, respub- likamıza müasir «Boinq» və «Airbus» təyyarələri, vertolyotlar alınır. Hazırda Zaqatala və Lənkəran hava limanlarının tikintisi başa çatır. Sərgidə Meliorasiya və Su Təsərrüfatı Açıq Səhmdar Cə- miyyətinin pavilyonunda qurumun sədri Əhməd Əhmədzadə Samur–Abşeron suvarma sisteminin yenidən qurulması, Mil– Muğan kollektoru, Xanarx kanalı, Taxtakörpü su anbarı kimi iri layihələrin reallaşdırılması barədə məlumat verdi. Bildirildi ki, bütün işlər 2010-cu ilədək tam başa çatdırılacaqdır. Prezident İlham Əliyev Taxtakörpü su anbarının maketinə baxdı və digər layihələrlə tanış oldu. «Azərikimya» Dövlət Şirkəti də ölkəmiz üçün mühüm olan bir sıra layihələr üzərində işləyir. Şirkətin prezidenti Məcid Kərimov dedi ki, belə layihələrdən biri yeni neft kimyası və gübrə kompleksinin yaradılmasıdır. Bu layihə xarici şirkətlərlə birgə hazırlanmışdır. Dövlətimizin başçısı ulu öndər Heydər Əliyevin banisi olduğu yeni neft strategiyasının uğurlarını hərtərəfli əks etdirən Azərbaycan Dövlət Neft Şirkətinin pavilyonuna gəldi. Burada sosial inkişaf, ekologiya, sərmayələr, neftin emalı, elmi- tədqiqatlar, layihələndirmə, informasiya texnologiyaları, qaz və neft hasilatı ilə bağlı əsas göstəricilər, şirkət tərəfindən bölgələrdə tikilən müalicə-diaqnostika mərkəzlərinin maketləri, bütün istiqamətlərə gedən neft-qaz kəmərlərinin xəritəsi əks etdirilmişdir. Bildirildi ki, iqtisadiyyatın əsas infrastruktur sahələrindən olan nəqliyyat kompleksinin dayanıqlı inkişafı ötən beş il ərzində dünyanın ən iri nəqliyyat xətlərindən olan Bakı–Tbilisi– 96 Ceyhan neft kəmərinin istifadəyə verilməsi, Bakı–Tbilisi– Ərzurum qaz kəmərində işlərin başa çatması, habelə Bakı– Tbilisi–Qars dəmir yolunun tikintisinə başlanması ilə xarakterizə olunur. Sərgi ilə tanışlıqdan razı qalan prezident İlham Əliyev iştirakçılara uğurlar arzuladı. 97 OANA İCRAİYYƏ KOMİTƏSİNİN BAKIDA KEÇİRİLƏN 30-cu İCLASININ İŞTİRAKÇILARI İLƏ GÖRÜŞ Prezident sarayı 2 sentyabr 2008-ci il Azərbaycan Respublikasının Prezidenti İlham Əliyev sentyabrın 2-də Asiya və Sakit Okean Ölkələri Xəbər Agent- likləri Təşkilatı (OANA) İcraiyyə Komitəsinin «Qloballaşan dünyada informasiya hamı üçün» mövzusunda Bakıda keçirilən 30-cu iclasının iştirakçıları ilə görüşmüşdür. İ l h a m Ə l i y e v: Salam, əziz qonaqlar! Sizi ölkəmizdə görməyimə çox şadam. Əminəm ki, Azərbaycana səfəriniz çox uğurlu olacaq və Azərbaycanı yaxından tanımaq imkanı verəcəkdir. Çünki bildiyimə görə, əksəriyyətiniz ölkəmizə ilk dəfədir ki, səfər edirsiniz. Bu, ölkəmizlə və vəziyyətlə yaxından tanış olmaq və təbii ki, qarşılıqlı maraq doğuran məsələləri müzakirə etmək üçün çox yaxşı bir imkandır. Şadam ki, sizin təşkilat iclasını Bakıda keçirir. Bizim informasiya agentliyimiz təşkilata yaxın zamanlarda, bir neçə il bundan öncə qoşulub və əminəm ki, o, bütün fəaliyyətinizdə çox fəal iştirak edəcəkdir. Siz yaxşı bilirsiniz ki, qloballaşan dünyada informasiya necə böyük əhəmiyyət kəsb edir, xüsusilə də Azərbaycan kimi müstəqilliyini yenicə əldə edən ölkələr üçün. Ölkəmiz 20 ilə yaxındır ki, müstəqil dövlətdir və özümüzü qlobal cəmiyyətə təqdim etmək üçün böyük işlər görməliyik. Bəzən Azərbaycan haqqında məlumat o qədər də dolğun olmur, bəzən isə həqiqəti əks etdirmir. Ona görə də real vəziyyəti öyrənməyin ən yaxşı yolu, təbii ki, Azərbaycandakı 98 vəziyyəti görmək və təşkilatda təmsil edilən ölkələr, agentliklər arasında informasiya mübadiləsi aparmaq imkanına malik olmaqdır. Hesab edirəm ki, burada apardığınız danışıqlar və fikir mübadiləsi, informasiya mübadiləsi üzləşdiyiniz problemlərin həlli üçün daha etibarlı yolları müəyyən etməyə imkan yaradacaq və xalqlar arasında daha yaxşı ünsiyyətin necə qurulmasına kömək edəcəkdir. Çünki adi insanlar informasiyanı ölkələrindəki kütləvi informasiya vasitələrindən və qlobal mediadan əldə edirlər. Ona görə də hadisələrin real vəziyyətini, həqiqəti əks etdirmək çox vacibdir, xüsusilə də bəzi ölkələr tərəfindən müxtəlif hadisələrə siyasi maraq, yaxud siyasi əlaqələr baxımından fərqli yanaşılarkən. Hadisələrə qərəzsiz yanaşma asan iş deyildir. Çünki o da həqiqətdir ki, media qurumları və informasiya agentlikləri ayrı-ayrı ölkələrdə fəaliyyət göstərir və onlar həmin ölkələrin müxtəlif hadisələrə siyasi yanaşmalarını nəzərə alırlar. Baş verən hadisələrə müxtəlif ölkələr tərəfindən, hətta eyni bölgədə yerləşən ölkələr tərəfindən belə, fərqli yanaşılır. Mən başa düşürəm ki, vəziyyəti olduğu kimi təqdim etmək asan deyildir. Çünki bu cür cəhdlər müəyyən şəxslərdən asılıdır, vəziyyəti əks etdirən jurnalistlərdən və təbii ki, bəzi hallarda subyektiv yanaşmalardan asılıdır. Lakin burada, Azərbaycanda biz elə bir mühit yaratmağa çalışırıq ki, bütün media qurumları özlərini azad hiss etsin, öz baxışlarını sərbəst ifadə edə bilsin. İnformasiya agentliklərinə gəldikdə isə, mən dövlət informasiya agentlikləri haqqında danışa bilərəm, onlar vəziyyəti real əks etdirir. Şərhlər fərqli ola bilər, siyasi analizlər tamamilə müxtəlif ola bilər, lakin informasiyanın özü dəqiq və səlis olmalıdır. Biz Azərbaycanda siyasi, iqtisadi və media sahələrində islahatların aparılması üçün böyük işlər görmüşük. Siz yəqin bilirsiniz ki, 20 ildən bir qədər az əvvəl burada azad media yox idi. Biz Sovet İttifaqında yaşayırdıq və orada yalnız bir mövqe, bir informasiya mənbəyi var idi. Şübhəsiz ki, müstəqil medianın Yüklə 1,85 Mb. Dostları ilə paylaş:
|