II INTERNATIONAL SCIENTIFIC CONFERENCE OF YOUNG RESEARCHERS
Baku Engineering University
1717
27-28 April 2018, Baku, Azerbaijan
Türkdünyasının azadlıq və istiqlalına həsr etmiş Məmməd Sadıq Aran istər Xalq Cümhuriyyəti dövründə
deputat olduğu vaxt, istərsə də onun süqutundan sonrakı dövrlərdə mübarizələrlə dolu bir həyat yaşamışdır.
O, bu mübarizədə həm görkəmli siyasi xadim, həm də yaradıcı şəxsiyyət kimi iştirak etmişdir.
Sadıq Cəmih oğlu Axundzadə 1898-ci ildə Zəngəzur qəzasının Qarakilsə nahiyəsinin indiki Sisyan
rayonunun Urut kəndində ruhani ailəsində anadan olmuşdur.Onun babası Qafqaz Şeyxülislamı,atası molla
Cəmih bəy isə o dövrün tanınmış ziyalılarından idi.O, ilk təhsilini atasının kənd uşaqları üçün tikdirdiyi
xüsusi məktəbdə,sonranahiyə mərkəzi Qarakilsədə ibtidai təhsil almış,daha sonra isə Naxçıvan şəhərindəki
səkkizillik məktəbdə təhsilini davam etdirmişdir. Hələ uşaq yaşlarından ədəbiyyata maraq gostərən
Məmməd Sadıq ədəbi yaradıcılığa Naxçıvanda oxuyarkən yazdığı satirik şeirlərlə başlamışdır.Şeirləri
“Açıq söz”də və “Füyuzat”da çap olunmuşdur. Bu şeirlərin nəşri ilə Məmməd Sadığın ağrılı-acılı ömrü
başlamış və bu acı onun bütün ömrü boyu davam etmişdir. Lakin buna baxmayaraq, o, öz əqidəsi, amalı və
məqsədinə sadiq qalmış, heç bir haqsızlıq onun iradını qıra bilməmişdir.
Məmməd Sadıq Naxçıvan səkkizillik məktəbini bitirdikdən sonra polisin təqibindən yaxa qurtarmaq
məqsədilə İrana qaçmış,1914-cü ilin əvvəllərindən Marağa şəhərində yaşamışdır.O,Marağada bir ibtidai
məktəb açmış və orada müəllimlik etmişdir.1916-cı ildə Osmanlı imperatorluğu cihad elan edir. Məmməd
Sadıq cihadın müddəalarını yaymaq məqsədilə yenidən Qafqaza dönür,aylarla Qafqazın müxtəlif yerlərini
dolaşır.
1917-ci ildə Məmməd Sadıq Gorusa qayıdır.Orada bir məktəb açır və türk uşaqlarının təlimi ilə
məşğul olur.1917-ci il inqilabından sonra həmin mahalda türklərə qarşıermənilərin başladıqları xəyanətkar
əmələ qarşı Naxçıvana gedib,oradan Türkiyənin yardımını təmin edir.
“1918-ci ilin dekabrında Azərbaycan Parlamentinə deputat seçilmiş, Azərbaycan Milli Parlamentinə
Zəngəzurdan seçilən yeganə nümayəndə olub” [2,196].Bundan başqa,o,Müsavat Partiyasının mühacirlərlə
əlaqədar olan komissiyasının üzvü vəzifəsində çalışıb.1920-ci ildə 27 aprel istilasından sonra o,Müsavat
Partiyasının Qarabağda yaradılmış gizli təşkilatının sədri seçilir.Buna görə də davamlı təqiblərə məruz
qalır.1921-ci ilin ikinci yarısında Müsavat Partiyası tərəfindən Türkiyəyə göndərilir və İstanbulda dövlət
nümayəndələri ilə görüşlər keçirir.Azərbaycana qayıdan vaxt Batumidə həbs edilir.İki il ərzində Tiflisdə
“ÇK”-nın zindanlarında ağır işgəncələrə məruz qalan Məmməd Sadıq məhkəmə prosesində özünü ruhi
xəstə kimi qələmə verir və həbsdən azad edilir.
1923-cü ilin sonlarına kimi gizli Müsavat Partiyasının sıralarında fəaliyətini davam etdirən Məmməd
Sadıq yenidən İrana qaçmaq məcburiyətində qalır və 1924-cü ilin yanvarında oradan Türkiyəyə gedir.
1924-cü ildən Məmməd Sadığın həyatının yeni dövrü başlamışdır.Müsavat Partiyasının Xarici
Bürosunun qərarı ilə mədəniyyət komissiyasının nəzdində Azəri Türk Gənclər Birliyi yaradılır və həmin
birliyin sədri seçilir.Birliyin əsas məqsədi – gəncləri təşkilatlandırmaq,onlarda milli ruhun yüksəldilməsinə
nail olmaq, həmdə ehtiyac hiss edən üzvlərinə yardım göstərməkdən ibarət olub.
Bu vaxtdan etibarən M.S.Aranın mübarizəsi yalnız Azərbaycanıdeyil, bütün türk ellərini əhatə edir.
“1929-cu ildə mühacirlərarası ixtilafları dərinləşdirən əsas məsələlərdən biri də “Milli vərəq” məsələsi
idi. 1932-ci ildən “Yeni Qafqaz” jurnalını M.Ə.Rəsulzadə ilə birlikdə nəşr etdirir. Bununla yanaşı, 1928-
1931-ci illər arasında “Azəri Türk” jurnalını, 1928-ci ildə isə “Yaşıl Yarpaq” jurnalını nəşr etdirmişdir”. [4,
206].Hər iki jurnalın sahibi və məsul müdiri olmuş, həmin dərgilərdə müxtəlif ictimai, siyasi, publisistik
mövzularla çıxış etmişdir.Bu illərdə o, Azərbaycan istiqlalı uğrunda mübarizə apardığına görə “Aran”
təxəllüsünü qəbul etmişdir.
1932-ci ildə Finlandiyada yaşayan türklərin dəvəti ilə oraya gedir və oradakı türk uşaqlarının təlim-
tərbiyəsi ilə məşğul olur. O, eyni zamanda, türk və fin dillərində “Yeni Turan” adlı qəzet nəşr edir, həmin
qəzetin də amalı türkçülük, türk-rus mücadiləsi və həmin mücadilənin tarixi kökləri və s. olmuşdur.
Orada İdil-Ural bölgəsindən olan Türklərin təlim-tərbiyəsi ilə məşğul olmaq üçün bir məktəb açmış və
həmin məktəbin müdiri olmuşdur. Aran Finlandiyanın Helsinki və Tampere şəhərlərində həm pedoqoji,
həm də ictimai fəaliyyətini davam etdirmişdir. Bu gün də Kazan bölgəsindən oraya köçmüş türklər yaşayır,
ticarət əsas məşğuliyyətləri olduğundan iqtisadi durumları orta vəziyyətdədir. Bunun nəticəsidir ki, mədəni
inkişafa önəm verirlər. “Yeni Turan” qəzetinin redaktoru Məmməd Sadıq Aran olsa da, qəzətin maliyyə
xərcləri Finlandiya vətəndaşı olan Abdullah Əhsən və İbrahim Arefullanın öhdəçiliyində olmuşdur.
Baş redaktor M.S.Aran olmaqla türklərdən ibarət redaksiya heyəti yaratmışdır. S.Tekin, Kızıl Arslan,
F.Özdemir, Fəzilət Niyazi, Coşkun, Murad Baha, Y.Oğuz, Əhməd Can kimi imzalar bir daha sübut edir,
“Türklük-Rusluq mücadiləsi” adlı siyasi-publisistik əsəri də həmin qəzetdə nəşr olunmuşdur.
1934-cü ildən Məmməd Sadıq təkrarən İstanbula qayıdaraq Azəri Türk Gənclər Birliyində fəaliyyətini
davam etdirir. 1936-cı ildə isə fars və rus dillərini mükəmməl bildiyindən “Cumhuriyyət” və “Ulus”