II INTERNATIONAL SCIENTIFIC CONFERENCE OF YOUNG RESEARCHERS
Baku Engineering University
1714
27-28 April 2018, Baku, Azerbaijan
mövqeyinə keçdi. Daladye hökumətində kommunist və sosialistlər təmsil olunmadılar. Radikalların sağ
qanadına daxil olan nümayəndələrlə yanaşı hökumətdə demokratik alians və başqa sağ mərkəzi qüvvələr
təmsil olunmuşdular. Demokratik aliansdan olan Pol Reyno ədliyyə naziri, sonra isə maliyyə naziri oldu.
Xarici işlər naziri faşistpərəst Jorj Bonne oldu. Birgə fəaliyyəti üçün az da olsa imkan yaratmaq üçün
kommunist deputatlar Daladye hökumətinin lehinə səs verdilər. Hökumətin atdığı ilk addımlar onu
göstərirdi ki, bu hökumət Xalq Cəbhəsinin proqramını yerinə yetirmək əzmində deyil. Frankın kursu 10%
aşağı düşdü, bütün dövlət vergiləri 8% artdı.
Bu dövrdə Fransanın hakim dairələrində daxili və xarici siyasətdə 2 baxış yarandı ki, onlardan biri
faşizmi Fransa üçün təhlükə hesab edir, İngiltərə və ABŞ-la sazişçiliyi müdafiə edirdi. Almaniya ilə
toqquşmanın labüdlüyünü əsas götürən bu qüvvələr məğlubiyyətdən yaxa qurtarmaq üçün SSRİ ilə birgə
fəaliyyət göstərilməsinin tərəfdarı idilər. İkinci qrup – iri burjuaziya Almaniya və İtaliyaya meyl edirdilər.
Xalq Cəbhəsinin fəaliyyəti bolşevizmin qələbəsinə gətirib çıxaracaqdı və “ancaq faşizm kapitalizm
quruluşunu xilas edə bilər” söyləyirdilər. Burjua dairələrində “Hitler Xalq Cəbhəsindən yaxşıdır!” şüarı
yarandı. Onlar çalışırdılar ki, müstəmləkə məsələlərində Hitlerə güzəştə gedilsin və ona Şərqi Avropada
geniş əl-qol açmağa imkan verilsin. Bu məqsədə nail olmaq üçün ikinci qrup tərəfdarları qarşılıqlı yardım
haqqında Sovet-Fransa müqaviləsindən imtina etməsinə hazır idilər. Faşistpərəst qüvvələrə həsəd aparan
Laval, Veyqan və marşal Peten faşist Almaniyası ilə əlaqələrin genişləndirilməsinin tərəfdarları idilər.
Daladye hökuməti hakimiyyətə gəldikdən sonra faşist Almaniyasının yeni işğalçılıq əməliyyatları ilə
qarşılaşdı. Almaniya Avstriyadan sonra Çexslovakiyanı tutmaq istəyirdi. Bunun üçün bəhanə Sudet
vilayətində yaşayan almanların hüquqlarının tapdalanması oldu.
Berlin muxtariyyat şüarı ilə çıxış etsə də, Çexslovakiya buna razı olmadı. SSRİ Çexslovakiya ilə
müqaviləyə sadiq qalsa da, İngiltərə, Fransa və Amerika bunu etmədilər. Fransa hökuməti isə ancaq yalnız
sözdə Fransa-Çexslovakiya müqaviləsinə sadiq qalacağını bildirdi. İngiltərə və Fransanın mövqeyini bilən
SSRİ çex prezidenti Benişə bildirdi ki, əgər yardım üçün müraciət olsa, SSRİ kömək göstərəcək. Beniş
Fransa və İngiltərənin mövqeyini bilmədən SSRİ-yə müraciət etməyə cəsarət etmədi.
Sudet vilayətindəki faşistlərin qiyamını çex hökuməti çətinliklə yatırdı. İngiltərə və Fransa bildirdi ki,
50%-dən yuxarı almanlar yaşayan çex əraziləri Almaniyaya verilmək üçün hazırdırlar. SSRİ bildirdi ki, o,
Çexiyaya yardım göstərəcək, lakin çex hökuməti bundan imtina etdi.
1938-ci il sentyabrın 21-də Fransa və İngiltərə Çexslovakiyaya ultimatum verərək Sudet vilayətinin
Almaniyaya verilməsini tələb etdilər. 1938-ci il sentyabrın 28-dən 29-na keçən gecə Münhendə Hitler,
Çemberlen, Daladye və Mussolini görüşərək Münhen sazişini imzaladılar. Almaniya Sudet vilayətinə
yiyələndi və Çexslovakiyadan tələb edildi ki, Polşa və macar azlıqları məsələsini nizama salsın.
Beləliklə, İngiltərə və Fransa faşist Almaniyasına şərqə hücum planlarının həyata keçirilməsinə imkan
yaratdı. İngiltərə, Amerika və Fransa hakim dairələri Münhen sazişini bəyəndilər. Həmin ölkələrin mətbuat
orqanlarında Münhen sazişi sülhün qələbəsi kimi qiymətləndirildi. Çexslovakiyanı Almaniyaya hədiyyə
edən İngiltərə və Fransa bu qənaətdə idilər ki, Almaniyanı qərbə hücum etməkdən çəkindirəcəklər.
Münhen sazişi imzalandıqdan bir gün sonra, yəni sentyabrın 30-da Hitlerlə Çemberlen İngiltərə-
Almaniya bəyannaməsini imzaladılar. Bu sənəd mahiyyətcə hücum etməmək paktı idi.
1938-ci il dekabrın 6-sı faşist Almaniyasının xarici işlər naziri Ribbentrop Parisdə səfərdə olarkən
hücum etməmək haqqında Fransa ilə Almaniya arasında bəyannamə imzaladılar. Həmin sənəddə qeyd
edilirdi ki, hər 2 dövlət sülh və qonşuluq münasibətlərinə əməl edəcək, həmçinin Fransa ilə Almaniya
arasında heç vaxt həll edilməmiş ərazi məsələləri olmayacaq. Ribbentrop təsdiq edirdi ki, Fransa ilə
Almaniya arasında möhkəm saziş o zaman imzalana bilər ki, Fransa Almaniyanın təsiri altındakı ərazilərə
hörmətlə yanaşsın. Faşist Almaniyası ilə razılığa gələn Daladye hökuməti digər faşist ölkələri ilə də
əlaqələrini yaxşılaşdırmağa çalışırdı.
1938-ci ildə Fransa İtaliya tərəfdən Efiopiyanın işğalını rəsmi surətdə tanıdı. 1939-cu ilin fevralında
Fransa hökuməti İspaniya Respublikası ilə əlaqələri kəsərək general Frankonun hakimiyyətini tanıdı.
Franko rejimində Fransanın səfiri irticaçı marşal Peten oldu. Daladye bu nəticəyə gəldi ki, o, faşist ölkələri
ilə əlaqələri nizama sala bilib. Lakin baş nazir bu fikirdə tam yanılmışdı.
1939-cu il martın 15-də faşist Almaniyası bütün Çexslovakiyanı, martın 22-si isə Litvanı, Klayped də
daxil olmaqla Memel vilayətini işğal etdi. 1939-cu il aprelin 7-də İtaliya Albaniyaya hücum edərək onu
işğal etdi. Hələ aprelin 3-ü Hitler Polşaya hücum haqqında məxfi plana imza atdı. Vəziyyətin belə
kəskinləşdiyini görən Fransa və İngiltərə nota mübadiləsi nəticəsində bildirdilər ki, əgər onlar hücuma
məruz qalarlarsa, bir-birinə yardım edəcəklər. Öz növbəsində 1939-cu il mayın 22-də Almaniya ilə İtaliya
arasında “Polad pakt” imzalandı.
Beləliklə, alman-italyan blokuna qarşı İngiltərə-Fransa koalisiyası qarşı-qarşıya durdu.