193
İsgəndər Atilla
Burada Hegelin sintez və antisintez nəzəriyyəsi (inkarın
inkar qanunu) yada düşür. Cavid demək istəyir ki, sonrakı
hikmətlər əvvəlki hikmətləri inkar edir. İnsan əvvəlki hikmətlərə
şübhə və tərəddüdlərlə yanaşır və bu zaman yeni hikmətlər, yəni
yeni elmi kəşflər, yeni qanunlar və s. meydana gəlir. Bu, bəşər
fikrinin bitməz-tükənməzliyinə, dialektik inkişafına dəlalət edir.
Şairə görə, bəşər elmi bir yerdə durmur. O daima inkişafda, yeni-
ləşmədə və təkmilləşmədədir. Alimin kəşf etdiyi bir qanun əgər
bu gün qəbul edilirsə, sabah həmin qanun insanda şübhə və
tərəddüd doğurur. Həmin şübhə və tərəddüd insanda yeni fikrin,
yeni elmi ideyaların, yeni elmi nəzəriyyə və kəşflərin meydana
gəlməsinə səbəb olur. Təbiətdə və cəmiyyətdə olduğu kimi, bəşər
elmi də daima dialektik inkişafdadır. Əgər belə olmasaydı, elm
də, insanın elmi fikri də, həyat bilgisi də, bəşər elmi və biliyi də,
mədəniyyəti də, elmi dünyagörüşü də inkişaf edə bilməzdi. Buna
görə də insan bütün ömrü boyu çalışmalı, çabalamalı, oxuyub
öyrənməlidir. “Mən hər şeyi bilirəm!” söyləyənlər isə bu fikirdən
əl çəkməlidirlər!..
Cavidin yüz il bundan qabaq yazdığı şeirdə izlədiyi fikrin
həqiqət olduğunu anlamaq və bilmək üçün XX əsrdə dünyada
elmin və mədəniyyətin inkişafına nəzər salmaq kifayətdir.
Şair 1915-ci ildə qələmə aldığı “Dün və bu gün” şeirində
keçmişlə bu gün arasında dialektik əlaqə axtarır. Keçmişlə bu gün
arasında mövcud olan əlaqəyə, inkişaf və tərəqqiyə fəlsəfi məna
verir. Bu cəhətdən onun bir çox şeirlərində (xüsusilə fəlsəfi
şeirlərində) elmliklə bədiilik vəhdət təşkil edir. Elmliklə bədiiliyin
sintezi onun şeirlərinin həm elmi, həm də bədii dəyərini qat-qat
artırır. Şair Şərq və Qərb filosoflarının təlim, fikir və konsepsiyala-
rına yaradıcı yanaşır. Həmin filosoflardan bəhrələnsə də, onları
təqlid etməkdən qaçır, fəlsəfi düşüncələrinə tənqidi yanaşır və s.
Böyük yunan filosofu Sokratın “Özünü dərk et.” “Mən bir şey
bilirəm ki, heç nə bilmirəm.” müdrik fikri Cavidin fəlsəfi şeirlə-
rində bədii ifadəsini tapır.
194
Əsrin şairi IX
34
Dün səadətlə parlayan gözlər
Şimdi yəsü kədər nisar eylər.
Dün təhəvvürlə gürləyən sözlər
(Dün tərslik, inadkarlıqla gurlayan sözlər)
Şimdi bir başqa macəra söylər...
Filosof-şairin fikrincə, dünyada və təbiətdə əbədi heç bir şey
yoxdur. İnsan həyatı da belədir. Dünən parlayan, gülümsəyən
gözlər, bu gün yas və kədər içində ola bilər. Dünən tərsliklə
söylənən sözlər, bu gün başqa macəra söylər. Dünən sönən bir
əməl, bu gün parlar və s. və i.a. Şairə görə, həyatın fəlsəfəsi,
həyatın dialektikası belədir!
Birinci cahan hərbinin təsiri altında yazılmış şeirdə köhnə
Fələyin (Hərb ilahinin) mərhəmətsizliyi, daima bəşəriyyətlə
əylənməsi, onu ölümə, qana, fəlakətə sürükləməsi tənqid olunur.
Köhnə Fələk – Hərb Allahı bəşəriyyətin tökdüyü qanlara,
törətdiyi faciələrə gülərək, istehza edərək onunla əylənir. Fələyin
çox qəribə oyunları bəşəriyyətin çox qəribə olayları var. Şairə
görə, həyatda daimi xoşbəxtlik və daimi bədbəxtlik yoxdur. Bu
gün xoşbəxt olan sabah bədbəxt ola bilər. Dünənki hakim bu gün
məhkum, bugünkü məhkum sabah hakim ola bilər. Dünənki
məsud bu gün mərdud (qovulan, rədd edilən) bir səfil, bir
hüquqsuz ola bilər və əksinə. Bax, budur insan həyatının fəlsəfi
yozumu!
Mərhəmətsizdir iştə köhnə Fələk,
Bəşəriyyətlə əylənir daim.
Bəşəriyyətlə əylənir gülərək...
35
Cahan hərbini gözləri önündə canlandıran şair, dünyanı
başqa bir zevqdə görür: “Peymanələrdə qan coşur. Dünənki aləm,
mədəniyyət və abadlıq bu gün məhv edilir!..” Şair öz-özünə sual
edir: “Nə üçün?” Suala özü də cavab verir: “Çünki dünkü
195
İsgəndər Atilla
peymanlar (əhdlər, qərarlar) pozulmuşdur. Köhnə düşmanlar
yenidən dost olmuşdur.” Nəyin xatirinə? – İnsanları öldürməyin,
qan tökməyin, faciələr və fəlakətlər törətməyin, nəhayət, öz siyasi
maraqlarını gerçəkləşdirməyin xatirinə! Filosof-şair dünyada baş
verən ictimai-siyasi hadisələrdən, hərbi münaqişə və qarşıdurma-
lardan belə bir nəticə çıxarır: “Təbiətdə, kainatda və dünyada
əbədi və payidar (daimi, həmişəlik) bir qüvvət yoxdur. Bütün
xilqət, bütün həyat, bütün təbiət və bütün fünun (fənlər), elm və
bilik, mübarizə metodu dəyişməkdədir. İnqilaba
*
əsir və giriftar
olmayan yoxdur.”
Yoq təbiətdə öylə bir qüvvət,
Əbədi, həm də paydar olsun.
Həp dəyişməkdədir bütün xilqət,
Həp dəyişməkdədir həyatü fünun.
Olmayan varmı inqilaba zəbun?
Varmı sarsılmaz öylə bir qanun!?
Şair suallara birmənalı cavab vermir. Əsrin XX əsr olduğunu
nəzərə alaraq, oxucunu bütün dünyanı və kainatı seyr etməyə
çağırır və deyir: “Seyr et də bax! Hər addımda bir əzəmət devrilir.
Xilqət dünən baş vermiş hadisatı bu gün dinləmir. Hər dəqiqə bir
hikmət parlıyor.”
Hər qaranlıqda çırpınır bir nur.
Hər həqiqətdə bir xəyal uyuyur.
Şər Xeyiri, Xeyir Şəri izləyir. Dünyada, təbiətdə və insan
cəmiyyətində hər şey dəyişir, yeniləşir, təkmilləşir. Yeniliklə
köhnəlik arasında daima mübarizə gedir. Bu, əzəli və əbədi bir
mübarizədir! Elm də, fəlsəfə də, insan fikri, ağlı və zəkası da
inkişaf edir. Yeni ideyalar, yeni fəlsəfələr meydana gəlir. Yeni
ideyalar və fəlsəfələr əski ideya və fəlsəfələri arxada buraxır.
*
Müharib
ə mənasında.
Dostları ilə paylaş: |