181
İsgəndər Atilla
halını seyr etsəniz, heyrətə gəlib daima ağlarsınız, sızlarsınız.
Çünki:
...Məcnun zənn edər hər kəs sizi.
Kimsə dərk etməz fəqət Leylanızı.
Kimsədən gəlməz kömək hiç bir zaman,
Ürkərək sizdən qaçar yeksər cihan.
Ərzi-didar etsə sizlərdən biri,
Göstərib heyrətlə bir çoq sərsəri.
Xalqa söylərlər: “Qaçın bundan, aman!
Şarlatandır, şarlatandır, şarlatan!
Sözləri həp saçma... Yoq məna, filan,
Həp yalandır, həp yalandır, həp yalan...”
Cahilliyin və cahillik dünyasının aqibəti budur! Siz bu “teatr
tamaşasını” görüb, qorxu-hürkü bilməyən mərdümgiriz
(adamayovuşmaz) bir bəşər olub, nerdə insan görsəniz, ürküb
qaçarsınız. Ey hal əhli! Həyatınızda bunu sona qədər izləsəniz,
cəsarətli olub buna təşəbbüs etsəniz, “Böylə bir azadə yoldan
getsəniz”, onda siz də şair kimi məcnun olub ağlarsınız. “Bən
nəyim? Yaxud kimim” sözlərinin mənasını anlarsınız.
22
Şair bu cür məqamlarda insanın özünü dərk etməsi, onun
kim, yaxud nə olması, haradan gəlib, hara getməsi kimi ciddi
fəlsəfi və əxlaqi problemlər qoyur. İnsanın dünyagörüşünün
formalaşmasında mühitin, onun həyat və məişət tərzinin, elm və
biliyin mühüm rol oynadığını önə çəkir. Dəlilərin ağıllılara
gülməsini, istehza etməsini və lağa qoymasını Adəm övladının
faciəsi hesab edir. Şeirində bu cür insanlara laylay çalır. Ağıllılara
(filosoflara) gülən, onların söylədiklərini yalan hesab edən məc-
nunları şarlatan adlandırır. Cahillər dünyasının aqillər dünyası
üzərində zəfər çalıb, bayram etməsini tənqid atəşinə tutur. Əgər o,
şeirin əvvəlində:
182
Əsrin şairi IX
- “Bən nəyim?” Kəndim də bilməm, vaz keçin!
Sən nəsin? Boş bir sual insan için.
Bir müəmmadır ki, “bənlik” – həll edən
Yüksəlir Lahuta fərti-nəşədən.
- yəni – “bənlik” bir müəmmadır ki, onu həll etmək istəyən
ifrat nəşədən Lahuta – ilahiyyata yüksəlir, - söyləyirsə, şeirin
sonunda həmin bədii-fəlsəfi konsepsiyanı ümumiləşdirərək, bu
nəticəyə gəlir:
Öncə “bənlik”dən təcərrüd qılmayan.
Kəndi nəfsindən uzaqdır hər zaman.
Kim ki, əql istər o məcnun olmalı;
Hər fəlakət gəlsə məmnun olmalı.
Yəni: Öncə “bənlik”dən əl çəkməyən, güşənişin olmayan
insan, hər zaman kəndi nəfsindən uzaq olar. Şair Cavid kimi əql
istəyən isə elmin və biliyin məcnunu olar. Nə fəlakət gəlsə,
məmnun olar. Başqa sözlə, insan öncə özünü, sonra ətrafını dərk
etməlidir. Özünü dərk edən insan aqil, dərk etməyən cahildir. Bu
fikirlər şairin Qurbanəli bəyə yazdığı məktublardakı fikrə
uyğundur.
23
O sualı belə qoyur: əgər insan, konkret olaraq lirik
qəhrəman elm və bilik yolunda məcnun deyilsə, əgər o gevşək bə
duyğusuzdursa, boş beyni varsa, onda o, “Sirri-xilqətdən nə
anlar?..” Təbiidir ki, heç bir şey. Xilqətin sirrini anlamaq üçün
gərək bilikli, elmli, savadlı, filosof olasan. Belə olan surətdə
Haqqın nuru daim sənə gülər, yalnız biganələr bunu dərkdə aciz
qalar.
Nuri-haq bir çöhrədir, daim gülər,
Dərkdən aciz fəqət biganələr.
Dərk edənlər mütləqa məczub olur,
(Dərk edənlər mütləqa dəli-divanə olur.)
183
İsgəndər Atilla
Fərti-eşqindən həmən illət bulur.
(Eşqin ifrat dərəcəsindən xəstəlik bulur.)
“Sufi şairə” görə, Haqqın nurunu biganələr dərk edə bilməz-
lər. Dərk edənlər isə həddi-hüdudu gözləməlidirlər. Əks təqdirdə
(müsbət mənada) elmin dəli-divanəsi olarlar. Elmə həddindən
ziyadə aşiq olanlar xəstəlik taparlar. Şair demək istəyir ki, Adəm
övladı tarix boyu onu düşündürən suallara cavab axtarır. Bu,
arasıkəsilməz dialektik və tarixi bir prosesdir. Onun ağlı, zəkası,
biliyi, dünyagörüşü artdıqca, dünyanı, kainatı, ilahiyyat elmini
öyrənib dərk etdikcə, əski biliyi, əski elmi “rədd edir”, yeni elmə,
yeni biliyə yiyələnir. İnsan təfəkkürü öz “Mən”ini, ətraf mühiti,
dünya, kainat və Allahı dərk etmək üçün daima axtarış və inkişaf-
dadır.
24
Fərti-eşqindən illət bulanlar:
- Çıldırıb sərsəmlər, ağlar, həm gülər,
Başqa bir aləmdə rəqs etmək dilər.
Tərk edib canana bixud canını,
(İxtiyarsız canını canana tərk edib)
Həp arar məşuqeyi-vicdanını.
Sərsəmlər çıldırar, ağlar, gülər, vicdan məşuqəsini arar.
Biqərar onun boynuna sarılmaq istərkən, qəfildən anlar: “Yarı
girmiş qoynuna.” Bundan sonra onun ruhuna artıq başqa ülviyyət
gələr və o, aləmi-lahuta (ilahiyyat aləminə) yüksələr. Yüksələr,
əngin fəzalar aşar, uca göylərdə qorxusuz yaşar. Şair şeirin son
misralarında tamamilə məcazi dillə danışır.
Təşneyi-irfan ikən dərya bulur,
(İrfana susamış ikən dərya bular)
Mevt ararkən zindeyi-cavid olur.
(Ölüm arakən canlı, ölməz olur.)
Dostları ilə paylaş: |