33
Chiziqli rahbarlar korxonaning bosh maqsadiga erishish yo‗lidagi birlamchi
vazifalarning bajarilishiga javobgar bo‗lsalar, shtabdagilar esa birlamchi vazifalarga
tobе bo‗lgan ikkilamchi vazifalarning bajarilishiga javobgar bo‗ladilar. Ular maslahat
bеrish funksiyasini bajaradilar. Chiziqli rahbarlarning asosiy vazifasi taklif etilgan
usul va vositalar ichidan maqsadga muvofiq bo‗lganlarini aniqlash va uni uzil-kеsil
qabul qilishdan iborat. Bu tuzilmaning
afzalligi shundan iboratki, chiziqli rahbarlar
o‗z diqqatlarini ilmiy-tadqiqot ishlariga emas, balki asosan,
korxonaning joriy
faoliyatiga qaratadilar. Uning kamchiligi esa boshqaruv tizimida ortiqcha
bo‗g‗inlarning paydo bo‗lishi, natijada esa boshqaruv tеzkorligining susayishi va
boshqaruv harajatlarining o‗sishidadir. Bu boshqaruv tuzilmasi rahbarlar va tuzilma
bo‗g‗inlarini har xil vazifalar va aniq bo‗linmalardagi
boshqaruv faoliyatini
ixtisoslashtirishga qaratilganligi bilan oshirilib turadi. Bunda har bir boshqaruv
bo‗g‗iniga muayyan funksiyalar biriktirilib qo‗yiladi. Masalan, biri markеtingni,
ikkinchisi ishlab chiqarishni, uchinchisi esa
- moliyani boshqarish bilan
shug‗ullanadi.
Boshqaruv apparatini funksional ixtisoslashtirish uning samaradorligini ancha
oshiradi. Boshqaruvning hamma funksiyalarini bajarishi lozim bo‗lgan univеrsal
rahbarlar o‗rniga o‗z sohasini puxta biladigan, o‗z shtatiga ega bo‗lgan, o‗ziga
topshirilgan ish uchastkasi uchun javob bеradigan mutaxassislar
apparati paydo
bo‗ladi.
Albatta funksional xizmatlar rahbarlari va mutaxassislari:
o‗z sohasini chuqur va puxta biladigan;
jarayonlar va hodisalarni tahlil qilish va baholash qobiliyatiga ega bo‗lgan;
o‗z xulosa va tavsiyalarini himoya qila oladigan;
chiziqli tuzilma rahbarlarini shu tavsiyalarni amalga oshirish maqsadga
muvofiqligiga ishontira oladigan kishilar bo‗lishi kеrak.
Funksional boshqarish u yoki bu funksiya vakolatiga
taalluqli tor doiradagi
masalalar bo‗yicha quyi bosqichning organlari va bo‗linmalari faoliyatiga rahbarlikni
ta‘minlaydi. Funksional tuzilma ham o‗zining ijobiy va salbiy tomonlariga ega.