Международный
научный
журнал
№
7
(100),
часть
1
«
Новости
образования
:
исследование
в
XXI
веке
»
февраль
, 2023
г
320
INFLYATSION TARGETLASHGA OʻTISHDA NOMONETAR OMILLAR TAʼSIRI
(O’ZBEKISTON RESPUBLIKASI MISOLIDA)
Nishanaliyev Islombek Valisherovich
Bank-moliya akademiyasi tinglovchisi
Oʻzbekistonda inflyatsion targetlash rejimiga oʻtish mamlakat iqtisodiyotni
rivojlantirishning zamonaviy, innovatsion rivojlanish yoʻliga oʻtish
bosqichida inflyatsiyaga
qarshi kurashning ustuvor yoʻnalishlaridan biri sifatida qaralmoqda. Inflyatsiyaning
nomonetar omillari rolini bosqichma-bosqich pasaytirish,
shu jumladan, tariflarni tartibga
solishni isloh qilish, iqtisodiyotning real sektorida tarkibiy
iqtisodiy islohotlar
samaradorligini taʼminlash va ichki bozorni isteʼmol tovarlari bilan toʻldirish, Markaziy
bankning makroiqtisodiy tahlil va kommunikatsiya siyosati sifatini oshirish kredit bozoriga
samarali taʼsir etishini taʼminlab beruvchi, pul bozorini
tartibga solishning yangi
instrumentlarini joriy etishni yoʻlga qoʻyish muhim boʻlib qolmoqda.
Iqtisodiyotda tovar va xizmatlar narxlari oʻzgarishiga taʼsir etuvchi omillar monetar
hamda nomonetar omillarga boʻlinadi. Monetar omillarga iqtisodiyotda pul massasi va
kreditlar hajmining oʻzgarishi taʼsirida oʻrta muddatli davrda inflyatsiya darajasining oshishi
yoki pasayishiga olib keluvchi chora-tadbirlar kiradi.
Markaziy bank tomonidan amalga oshirilayotgan pul-kredit siyosati taʼsiri boʻlmagan
omillar esa nomonetar omillar hisoblanadi.
Nomonetar omillarga tashqi iqtisodiy sharoitlar, tarkibiy omillar (raqobat sharoitlari,
ishchi kuchi taklifi va sifat koʻrsatkichlari, ishlab chiqarishning texnologik darajasi, transport
va logistika infratuzilmasi), normativ-huquqiy sharoitlar hamda
tovar va xizmatlarning
ishlab chiqarishdagi taklif omillari kiradi.
Nomonetar omillarni 3 turga ajratish mumkin: tashqi iqtisodiy, tarkibiy va oʻrta
muddatli istiqbolda taklifga taʼsir qiluvchi omillar.
Birinchidan, tashqi iqtisodiy omillarga bir vaqtning oʻzida ichki iqtisodiyotning
barqarorligi va inflyatsion jarayonlarning sezilarli oʻzgarishiga sabab boʻladigan
omillar
kiradi. Tashqi omillar, asosan, import qilinadigan tovarlar narxlari va asosiy hamkor
davlatlarning valyuta kursining oʻzgaruvchanligidan
kelib chiqib, eksport, xalqaro pul
oʻtkazmalari hajmlari va xom-ashyoning jahon narxlari kabi kanallar orqali mamlakat
makroiqtisodiy koʻrsatkichlarida aks etadi.
Iisteʼmol tovarlari savati tarkibida import va importga taʼsirchan
tovarlar ulushining
yuqoriligi, Markaziy bank tomonidan ushbu tovarlar narxlari dinamikasini shakllantiruvchi
omillarni muntazam ravishda tahlil etib borishni taqazo etadi.
Shuning uchun import tovarlari inflyatsiyasi va milliy valyuta qadrsizlanishining ayrim
tovar guruhlari narxlariga taʼsirini miqdoriy baholashda Markaziy bank choraklik
prognozlash (QPM) va Bayes vektorli avtoregression (BVAR) modellaridan foydalanadi.