cəmləşməlidir. Türk qoşun hissələri idarəetmə işinə bilavasitə qarışmamalı,
bütün arzu və istəklərini Azərbaycan hökuməti vasitəsilə həyata keçirməlidir”.
Bu problemə dair akademik C.Quliyevin gətirdiyi bir faktı da nəzərə
çatdıraq. N.Yusifbəyov bir Türkiyə hərbi xadiminə demişdi: “Osmanlı or-
dusunun Azərbaycana gəlməsi lazımdır. Amma bizi qorxudan odur ki, türklər
bizi Đstanbuldan idarə etməyə qalxmasınlar... Azərbaycanın sosial quruluşu
başqadır. Sultan rejimi buradakı əhvala uymaz. Milli və demokratik bir idarə
istəyirik.”.
Həmin günlər Nuru paşanın ümumi komandanlığı altında Bakını
düşmənlərdən azad etmək kimi taleyüklü bir vəzifə həll olunurdu. Hətta belə bir
çətin və məs’uliyyətli anda Azərbaycan hökumətinin Nuru paşanın
Azərbaycanın daxili işlərinə qarışması ilə barışmaması çox əlamətdardır.
Nuru paşanın həddini aşması məsələsində Azərbaycan hökumətinin
prinsipial mövqeyi Nuru paşanı Azərbaycanın suverenliyi ilə hesablaşmağa va-
dar etməklə nəticələndi.
Azərbaycan-Đran münasibətləri haqqında. Əsrlər boyu Azərbaycan ən çox
bu və ya başqa şəkildə Đran ilə bağlı olmuşdur. Onunla ortaq dinə, tarixə,
ədəbiyyat və mədəniyyətə malik olmuşdur. XΙX əsrin əvvəllərində Rusiyanın
Azərbaycanı işğal etməsi nəticəsində Azərbaycan xanlıqlar şəklində mövcud
olan müstəqillikdən, milli dövlətçilikdən məhrum edilmiş, Azərbaycan iki yerə
parçalanmış, Şimali Azərbaycan Rusiyanın müstəmləkəsi olmuş, Cənubi
Azərbaycan Đran əsarətində qalmışdı. Lakin Rusiya-Đran sərhədləri Azərbaycan
xalqının milli bütövlüyünü, mə’nəvi-mədəni bütövlüyünü sarsıda bilməmişdi.
Rusiyadan ayrılıb müstəqil dövlət olan Azərbaycan Cümhuriyyəti yaxın
qonşusu Đranla diplomatik münasibətlər yaratmaqda çox maraqlı idi. Mayın 30-
da baş nazir F.X.Xoyski dünyanın çox dövlətlərini, o cümlədən Đranı müstəqil
“Azərbaycan Cümhuriyyəti” yaradılması haqqında radioteleqrafla xəbərdar
etmişdi.
Đran hökuməti bu xəbərə rəsmi münasibət bildirməmişdi. Lakin mə’lumdur
ki, Đranın Türkiyədəki konsulu, M.Ə.Rəsulzadənin ona göndərdiyi Đstiqlal
Bəyannaməsini geri qaytarmış və üstəlik rəsmi məktubla bildirmişdi ki, “biz
Azərbaycan adında müstəqil dövlət tanımırıq, Azərbaycan Đranın tərkib
hissəsidir və ona görə də Azərbaycanın müstəqilliyinə protest edirik”.
Bu, yumşaq desək, açıq diplomatik nəzakətsizlik idi. Görünür, bunu Đran
nümayəndələri özləri də tezliklə anlamışdılar. Noyabrın 18-də Đstanbulda Đranın
Türkiyədəki elçisi Mirzə Mahmud xan Azərbaycan Cümhuriyyətinin fövqəl’adə
nümayəndəsi və səlahiyyətli naziri Ə.Ə.Topçubaşova demişdi ki, “biz farslar
sizin azadlığa qəlbən şadıq. Əgər ermənilər və gürcülər öz azad dövlətlərini
yaradırlarsa, nə üçün bunu müsəlmanlar da etməsinlər. Deməli, biz sizin
müstəqilliyiniz əleyhinə ola bilmərik, biz birinci olaraq sizin müstəqilliyinizi
təbrik etməliyik”. Buna oxşar fikri 1919-cu il yanvarın 9-da Đran Xarici Đşlər na-
ziri M.M.Əliqulu xan da Topçubaşova bəyan etmişdi: “Sizi əmin etmək
istəyirəm ki, müsəlmanların mənafeyi naminə biz farslar sizin Azərbaycana xoş-
bəxtlik arzulayırıq və sizinlə birlikdə Azərbaycanın müstəqilliyinə şad
olacağıq”. Bu fikri yanvarın 11-də Əliqulu xan bir də təsdiqləmişdi. Lakin
bunlar dilucu sözlər idi. Nə Mirzə Mahmud xanda, nə də Əliqulu xanda
Azərbaycana münasibətdə səmimilik yox idi.
Mirzə Mahmud xan iddia edirdi ki, Azərbaycan dövləti Đran Azərbaycanını
Đranın əlindən almaq planı hazırlayan Türkiyə xadimlərinin diqtəsi ilə
yaradılmışdır, “Azərbaycanda, ümumiyyətlə, Qafqazda və Đranda əsla türk
yoxdur, hamı farsdır, sizin ata və babalarınızın hamısı farslar olmuşlar. Sizin
sivilizasiyanız, mədəniyyətiniz, ən’ənələriniz, adətləriniz, hətta geyimləriniz
farsınkıdır”.
Əliqulu xan Đstanbula gələrkən yolüstü iki gün Bakıda olmuş,
N.Yusifbəyov, Ə.Ağaoğlu və Ə. Əmircanov ilə görüşmüşdü. Ə.Ağaoğlu ilə
söhbətdə Đran naziri Azərbaycanın Đranla birləşməsi təklifini irəli sürür. Əliqulu
xanın e’tirafına görə, Ə.Ağaoğlu “Đranla birləşmək imkanını” qət’i rədd edir.
Əliqulu xan onu da əlavə edir ki, “Əhməd bəy həddindən artıq coşğun adamdır,
siyasi məsələləri belə müzakirə etmək olmaz”.
Bakıda ağzı yanan Əliqulu xan Đstanbulda Ə.Ə.Topçubaşovu Azərbaycanı
Đranla birləşdirmək təklifinə meylləndirməyə cəhd göstərir. Deyir ki, “Đranla
ittifaq və birləşmək” Azərbaycan üçün ən münasib yoldur. “Sizin Azərbaycan,
əlbəttə, daxili muxtariyyəti saxlayar. Xarici vəziyyətə gəldikdə isə, o, xüsusi
aktla müəyyənləşər”. Đran nazirinin təkrarən “indi bizə e’timad və birlik lazım-
dır” vurğulamasına Topçubaşov soyuqqanlıqla cavab verir: “Əlbəttə, o da, bu da
qarşılıqlı olmalıdır, özü də birliyi mən həm Đranın, həm də bizim Azərbaycanın
müstəqilliyinin və mənafeyinin qorunması üçün ittifaq mə’nasında başa
düşürəm”.
Azərbaycanın
müstəqilliyi
məsələsində
Azərbaycan
liderlərinin
mövqeyinin dönməzliyi ilə rastlaşan Əliqulu xan deyir ki, “tarix var, tarixi hü-
quqlar var. Bu baxımdan Đran şahlarının hakimiyyətinə tabe olan Zaqafqaziya
xanlıqlarının vəziyyəti Sizə yaxşı mə’lumdur. Güman edirəm ki, (Paris) Sülh
Konqresi tarixi hüquqları nəzərə almaya bilməz”. Buna Topçubaşov “yə’ni,
deməli, Đran bizim Azərbaycana iddia edəcəkdir, yaxud edir? Bəlkə Đranın tarixi
hüquqlarına qarşı daha qədim xarakterli başqa tarixi hüquqlar göstəriləcəkdir!”
deməklə cavab vermişdi.
Đran konqresə təqdim etdiyi memorandumda, demək olar, bütün keçmiş
Azərbaycan xanlıqları ərazisinə iddia irəli sürdü.
Lakin get-gedə Đran Azərbaycan Cümhuriyyəti ərazisinə iddialarının
perspektivsizliyini başa düşdü və siyasi reallıqlarla hesablaşmalı oldu.
1919-cu il noyabrın 1-də Parisdə birgə Azərbaycan-Đran komissiyası
mühüm bir sənəd qəbul etdi. Həmin sənəddə Đran tərəfi Qafqaz Azərbaycanının
“müstəqil, asılı olmayan, demokratik respublika” olmasını e’tiraf etdi.
Bu, Azərbaycan diplomatiyasının ciddi uğuru idi.
Nəhayət, Đranın Azərbaycan siyasətində realizm qalib gəldi. Paris Sülh
Konqresi Ali Şurası 1920-ci ilin yanvarında Azərbaycanın müstəqilliyini de-
Dostları ilə paylaş: |