Bu konsepsiyaya bir çox istehsalçılar əməl edir. Yanaşmanın bir növü sübut
edir ki, əgər müəssisə satış və onun həvəsləndirilməsi sahəsində əhəmiyyətli
dərəcədə səy göstərməzsə, istehlakçılar onun mallarını qaneedici miqdarda
almayacaqlar və nəticədə müəssisə normal işləyə bilməyəcək və onun gəliri də
aşağı düşəcəkdir.
Bazar konsepsiyası. Bu, sahibkarlıq fəaliyyətində nisbətən daha yeni və mütərəqqi yanaşma
metodu hesab edilir. Onun əsas məzmununu, müəssisənin qarşısına qoyduğu
məqsədlərinə nail olmasının əsasını məqsədli bazarların ehtiyaclarının və
tələbatlarının müəyyənləşdirilməsində arzu olunan qənaətbəxşliyin rəqiblərdə
olduğundan daha səmərəli və məhsuldar üsullarla təmin olunması təşkil edir.
Marketinq konsepsiyanın əsas iqtisadi mahiyyətini-«Tələbatları axtarıb tapın və
onları ödəyin», «İstehsal edə biləcəyiniz məhsul satmağa cəhd göstərməkdənsə,
sata biləcəyiniz şeyi istehsal edin», «Malı yox, müştərini sevin», «Qoy siz deyən
olsun» və s. Bu cür yanaşmanı «C.K.Penin» firma mağazalarının çağırışı özündə
cəmləşdirir: «Müştərinin xərclədiyi hər bir dolların məna, keyfiyyət və
qənaətbəxşlik hissi ilə əvəz olunması üçün qüvvəmiz çatan hər bir şeyi etməliyik».
Çox zaman kommersiya səylərinin gücləndirilməsi konsepsiyası bazar
konsepsiyaları ilə qarışdırılır. T.Levitt onları aşağıdakı kimi fərqləndirir: Satış üzrə
kommersiya səyləri-satıcının ehtiyacları üzərində, bazar konsepsiyası isə –alıcının
ehtiyacları üzərində cəmləşmədir. Satış üzrə kommersiya səyləri satıcının əmtəəni
nağd pula çevirmək arzusu üzrə qayğıdır, bazar konsepsiyası isə məştərilərin
ehtiyaclarının əmtəə və bu əmtəənin yaradılması, göndərilməsi və nəhayət,
downloaded from KitabYurdu.org
20
istehlakı ilə bağlı olan bir sıra amillərin köməkliyi ilə ödənilməsi haqqında
qayğıdır.