Karimova shoira mikrobiologiya va immunologiya, virusologiya

Enterokokklarni piogen streptokokklardan farqi

Belgi va xususiyatlari+	S.piogenes	S. fecalis
Harakatchanligi	–	+
6,5 % NaCI muhitda o‘sishi	–	+
0,1 % metilin ko‘kki qo‘shilgan muhitda o‘sishi	–	+
10 ^0 S o‘sishi 45 ^0 S o‘sishi	– –	+ +
O‘t safroli bulonda o‘sishi	–	+
Mannitni parchalashi	–	+
Inulinni parchalashi	–	+
Sorbitni parchalashi	–	+
Gemolizin tutishi	a, β va bosh.	bazida β

Streptokokklar gemolitik xususiyatlari bo‘yicha ham bir-birlaridan farqlanadi. Qonli agardagi streptokokklar gemoliz qilishiga ko‘ra 3 guruhga: 1) nogemolitik; 2) a- gemolitik yoki qisman yashil gemoliz doirasini hosil qiluvchi; 3) β-gemolitik, koloniya atrofida to‘liq, tiniq gemoliz doirasini hosil qiluvchilarga bo‘linadi. Str. pyogenes asosan β-gemoliz, koloniya atrofida yaqqol, tiniq va mikrob koloniyasi razmeridan bir necha marotaba katta bo‘ladi. Enterokokklar to‘liq bo‘lmagan gemoliz berishi mumkin. Ko‘pchilik streptokokklar a- gemolitik deb ataladi, gemoliz zonasi yashil rangda bo‘ladi, chunki ular gemoglobinni metgemaglobinga aylantiradi. SHuning uchun ularni yashil streptokokklar ham deb (S. veridans) ataladi, yuqori nafas yo‘llarida ko‘p uchraydi. Birinchi kuni streptokokklarni stafilokokklardan farqlash uchun katalaza testi qo‘yiladi. Streptokokklar katalaza manfiy hisoblanadi.

Koloniyaning bir qismidan surtma tayyorlab, Gram usulida bo‘yab, mikroskop ostida ko‘riladi. Sof kulturasini ajratish uchun 2-3 ta shubhali koloniyadan olib, probirkalardagi qandli bulonlarga ekiladi.
3-kun. Streptokokk avlodi vakillarini bir birlaridan farqlashnish xususiyatlarini aniqlash uchun differensial diagnostik muhitlarga ekmalar ekiladi va identifikatsiya qilinadi.
Str. Pyogenes ni enterokokklardan farqlashda 13- jadvalda keltirilgan testlar qo‘yiladi. O‘t safro qo‘shilgan muhit Str. pyogenes ni o‘sishini ingibitsiya qiladi, enterokokklar esa yaxshi o‘sadi. 6,5% NaCl qo‘shilgan muhitga Str. pyogenes labil hisoblanadi, enterokokklarda bunday xususiyatga ega emas. Bundan tashqari sezgir testlardan yana biri lakmuslangan sutni
enterokokklar tomonidan rangsizlantirishi.

53.