Karimova shoira mikrobiologiya va immunologiya, virusologiya

Ploskiryov muhiti (J baktoagari). Quruq holda chiqarilib, laktoza, brilliant yashili, o‘t kislotalar tuzlari, mineral tuzlar va indikator (neytral qizil) oziqli agardan iborat. Bu muhit faqat differensial-diagnostik bo‘lib qolmasdan, balki selektiv hamdir. CHunki u ko‘p mikroblarning (ichak tayoqchasi va boshqalar) o‘sishini to‘xtatadi va ko‘pgina kasal qo‘zg‘atuvchi bakteriyalar (ich terlama, paratif, dizenteriya ko‘zg‘atuvchilar) ning o‘sishini ta’minlaydi. Laktoza manfiy bakteriyalar bu muhitda rangsiz, laktoza musbatlar esa, och qizil koloniyalarni hosil qiladi. Bu muhitning mexanizimi ham kislota hosil bo‘lishga asoslangan.
Uch qandli mochevina qo‘shilgan (Olkenitskiy bo‘yicha) muhit. 100 ml distillangan suvga 2,5 g quruq oziqli agar,1 g laktoza, 1 g saxaroza, 0,1 g glyukoza, 1 g mochevina, 0,02 g Mora tuzi, 0,03 g tiosulfat natriy,0,4 ml 0,4% qenol qizilini suvli eritmasi.

Klinik materiallardan bakteriyalarni ajratib olishda keng qo‘llaniladigan

oziq muhitlar

Tekshirilayotgan material	Qo‘llanilayotgan muhitlar	Ekish tartibi
CHipqon, flegmona yaralaridan yiring, to‘qima suyuqligi	QA, Qandli bulon, Endo, Saburo muhiti	Material gomogenizatsiyalanadi va 10-20% fosfat buferida yoki peptonli suvda suspenziya tayyorlanadi va ekiladi.
Siydik	QA, Qandli bulon, Endo, Saburo muhiti	0,002 ml. Gold usulida ekiladi
Balg‘am va bronx yo‘llari yuvindisi	QA, qandli bulon, SHA, Ploskirov, Saburo muhitlari	Tuginchalari bo‘lsa gomogenizatsiya qilinadi, ekiladi.
Tamoq burun xalqumdan olingan surtma	QA, SHA, sut yoki tuxum sarig‘i qo‘shilgan tuzli agar	Meningokokk yuqumli kasalligiga shubha qilinsa SHA qo‘llaniladi.
Najas	Endo, Ploskirov, VSA, Saburo muhitlari, QA	Material gomogenizatsiyalanadi va 10% fosfat buferida yoki peptonli suvda suspenziya tayyorlanadi va ekiladi.
Qin va uretra ajralmasi	KA, Endo, Saburo	10 % fosfat buferida yoki peptonli suvda suspenziya tayyorlanadi va ekiladi.
Assit, orqa miya va to‘qima suyuqliklari	KA, SHA, tioglikolli bulon	Material oldin sentrifuga qilinib kiyin ekiladi.
Ko‘z, quloqdan olingan ajralma	KA, SHA, tioglikolli bulon, Saburo muhiti	Ekilgandan sung, tioglikolli bulonda qoldiriladi

Eslatma: QA-qonli agar; SHA –shokoladli agar; VSA-vismut sulfid agar.

Hammasi aralashtirilib rN 7,2-7,4 ketirilib probirkalarga quyiladi va 0,5 atmosferada avtoklavda sterilizatsiya qilinadi. Muhitni probirkada qiyalantiriladi uning ustunchasi 2-3 sm bo‘lishi zarur. Muhit oqish binafsha rangda bo‘ladi. Bakteriyalar uglevodni pachalasa kislota hosil bo‘ladi muhitning rangi sariq samon rangiga kiradi. Agar glyukozani parchalasa, faqat ustunchani rangi o‘zgaradi, qiyalantirilgan qismi qizaradi. Bakteriyalarda ureaza fermenti bo‘lsa, mochevina parchalanadi muhit ishqoriy tomonga suriladi va muhit qizarib ketadi. SHuning uchun ureaza musbat bakteriyalarda uglevodlarning parchalanganlik natijalari bu muhitda o‘rganib bo‘lmaydi, bunday holatlarda boshqa muhitlar qo‘llash tavsiya etiladi. Hozirgi kunda bu muhitlarning modifikatsiyalari chiqarilgan. Masalan Kliger

muhiti. Bu muhitda yuqoridagi hususiyatlardan tashqari temir sulfati qo‘shiladi. Bakteriyalar N₂S hosil qilsa muhit ustunchasi qorayadi.