Ona ibadət edirik və Onu izzətləndiririk. Məsihdə biz
«Onun» xalqıyıq, O isə «bizim» Allahımızdır – indi və
həmişə. Bundan başqa, biz «Ey göylərdə olan Atamız»
deyirik, çünki Məsihin Kilsəsi bir çox «canbir qəlbdə...»
(Həv 4:32) olan qardaşların ünsiyyətidir.
585. «Ey göylərdə olan Atamız» deyəndə hansı
ünsiyyətin və hansı missiyanın ruhunda biz Allaha
müraciət edirik?
2791-2793
2801
«Ey göylərdə olan Atamız» sözləri ilə Allaha ünvanlanan
dua bütün vəftiz olunmuş şəxslərin ümumi var-dövlətidir,
buna görə də biz İsanın şagirdlərinin birliyi barədə
duasına qoşulmağa təkidli çağırışı eşidirik. «Ey göylərdə
olan Atamız» duasını etmək hər bir insanla və bütün
bəşəriyyətlə dua etmək deməkdir ki, hamı Bir olan və
Həqiqi Allahı tanısın və hamı bir olsun.
586. «Göylərdə olan» sözlərinin mənası nədir?
2794-2796
2802
Müqəddəs Kitabın bu sözləri müəyyən bir yerə işarə
etmir, Allahın mövcudluğunun tərzinə işarə edir: O,
məhdud deyil və hər şeydən üstündür. Bu sözlər Allahın
böyüklüyünü və müqəddəsliyini göstərir, həmçinin
salehlərin ürəyində Onun hüzurunu göstərir. Səmalar
yaxud Allahın Evi həqiqi Vətəndir, biz yer üzündə
yaşayaraq ümidlə buraya can atırıq. “Məsihlə birlikdə
Allahda saxlanılan” (Kol 3:3) bizlər artıq orada yaşayırıq.
Yeddi dilək
587. Rəbbin duasının strukturu nədir?
2803-2806
2857
248
Bu duada Ata Allaha ünvanlanan yeddi dilək təmsil
olunur. Daha çox ilahiyyat xasiyyətli ilk üç dilək Onun
izzəti üçün bizi Ona tərəf ucaldır: axı Sevdiyimiz Şəxs
barədə düşünmək məhəbbətin xüsusiyyətidir. Bunlar
Allahdan məhz nəyi diləməyimizi bizə söyləyir: Onun
Adının müqəddəsliyini, Onun Padşahlığının gəlişini, Onun
iradəsinin yerinə yetirilməsini. Son dörd dilək mərhəmət
Atasına bizim zəifliyimizi və arzularımızı təqdim edir.
Bunlarda biz qida, bağışlanma, sınaqlarda möhkəmlənmə
və hiyləgərdən xilası diləyirik.
588. «Adın müqəddəs tutulsun» sözlərinin mənası
nədir?
2807-2812
2858
Allahın ismini müqəddəs tutmaq müqəddəs etiraf
etdiyimiz Allahı ilk növbədə izzətləndirmək deməkdir.
Allah Öz müqəddəs Adını Musaya açdı və istədi ki, Onun
xalqı «müqəddəs xalq» olaraq Ona həsr olunsun, çünki
Allah onlarda yaşayır.
589. Allahın adı dünyada və bizdə necə təqdis
olunur?
2813-2815
Bizi «müqəddəsliyə» (bax 1Sal 4:7) çağıran Allahın adını
təqdis etmək vəftiz həsredilməsinin bütün həyatımızı
canlandırmasını arzulamaq deməkdir. Bundan başqa, biz
həyatımız və duamızla diləyirik ki, hər bir insan Allahın
adını tanısın və izzətləndirsin.
590. «Padşahlığın gəlsin» deyəndə Kilsə nəyi
diləyir?
2816-2821
2859
Kilsə Məsihin izzətdə İkinci Gəlişi vasitəsilə Allahın
Padşahlığının tam gəlməsini diləyir. Lakin Kilsə həmçinin
249
o barədə də dua edir ki, Bəxtiyarlıq Əmrlərinə uyğun
olaraq, Allahın Padşahlığı Ruhda insanların təqdis
olunması və onların ədalətlə sülhə xidmət etmə cəhdləri
nəticəsində artıq bu gün böyüsün. Bu dilək Ruhun və
Gəlinin çağırışıdır: “Gəl, ya Rəbb İsa” (Vəhy 22:20).
591. Nə üçün «Göydə olduğu kimi yerdə də Sənin
iradən olsun» diləmək gərəkdir?
2822-2827
2860
Atanın iradəsi budur ki, «bütün insanlar xilas olub
həqiqəti dərk etsinlər» (1Tim 2:4). İsa Atanın xilasedici
iradəsini tamamilə yerinə yetirmək üçün gəldi. Müqəddəs
Bakirə Məryəmin və müqəddəslərin nümunəsi ilə Ata
Allahın iradəmizi Onun Oğlunun iradəsi ilə birləşdirməsini
diləyirik. Diləyirik ki, səmalarda həyata keçmiş Onun xoş
niyyəti yer üzündə də tamamilə həyata keçsin. Məhz dua
vasitəsilə siz «Allahın yaxşı, məqbul və kamil iradəsini
ayırd edəsiniz» (Rom 12:2), «Allahın iradəsini yerinə
yetirmək üçün tab gətirməni» əldə edə bilərik (İbr
10:36).
592. «Gündəlik çörəyimizi bizə bu gün ver»
diləyinin mənası nədir?
2828-2834
2861
Allahdan övlad ümidi ilə hər bir nəfərə həyatı üçün gərək
olan gündəlik yeməyini diləyərkən biz Allahın, Atamızın
hər cür xeyirxahlıqdan üstün olan xeyirxahlığını etiraf
edirik. Həmçinin bölüşmək üçün lütf diləyirik ki, ədalət və
şəriklik bəzilərinin ehtiyaclarını ödəməyə imkan versin.
593. Bu diləyin xüsusi, məsihçi mənası nədir?
2835-2837
2861
250
“İnsan yalnız çörəklə deyil, Allahın ağzından çıxan hər
kəlmə ilə yaşayar” (Mat 4:4), buna görə bu dilək
həmçinin Allah Kəlamına və Evxaristiya zamanı qəbul
edilən Məsihin Bədəninə, həmçinin Müqəddəs Ruhun
qəbul edilmə arzusuna da aiddir. Tam etibarla biz
bunların hamısını Allahın verdiyi «bu gün» üçün diləyirik
və bunlar hamısı bizə ilk növbədə gələcək Padşahlığın
ziyafətini qabaqcadan duyduran Evxaristiyada verilir.
594. Nə üçün biz “Bizə borclu olanları
bağışladığımız kimi bizim borclarımızı da bağışla”
deyirik?
2838-2839
2862
Ata Allahdan bağışlanmağı diləyərkən biz özümüzü Onun
qarşısında günahkar etiraf edirik. Eyni zamanda Onun
mərhəmətini də etiraf edirik, çünki Onun Oğlunda və
ayinlər r (sirlər) vasitəsilə biz “satınalınmaya –
günahlarımızın bağışlanmasına malikik” (Kol 1:14). Lakin
diləyimiz yalnız o şərtlə yerinə yetəcək ki, ilk olaraq biz
özümüz bağışlayaq.
595. Necə bağışlamaq olar?
2840-2845
2862
Hamını, hətta düşmənləri belə, bağışlaya biliriksə,
mərhəmət ürəklərimizə dolur. Buna görə insan bu tələbin
yerinə yetirilməsini qeyri-mümkün hesab edirsə,
Müqəddəs Ruha özünü həsr edən ürək Məsih kimi sona
qədər sevə bilər, yaranı, əzabı dərdə şərikliyə çevirə
bilər, incikliyi vəsatətçilik duasına çevirə bilər.
Bağışlamanın İlahi mərhəmətlə əlaqəsi var və o, məsihçi
duasının zirvəsidir.
596. “Bizi sınağa çəkmə” sözlərinin mənası nədir?
251
Dostları ilə paylaş: |