KAZUSLAR:
1-kazus
Da’vogar “I” xususiy korxonasi bilan javobgar “A” mas’uliyati
cheklangan jamiyati o‘rtasidagi oldi-sotdi shartnomasiga asosan da’vogar
javobgarga 10 000 000 so‘mlik qurilish materiallari yetkazib berishi, javobgar
esa olingan mahsulotlar uchun 30 kun ichida kelishilgan mablag‘ni to‘lab
berishi lozim edi. Lekin javobgar tomonidan da’vogar talabnoma yuborgandan
keyin ham to‘lov amalga oshirilmagan, da’vogar 10 000 000 so‘mni undirish
to‘g‘risida iqtisodiy sudga da’vo arizasi bilan murojaat qilgan. Da’vo arizasi ish
yurituvga
qabul qilinib, sud muhokamasiga tayinlanishi to‘g‘risida ajrim
chiqarilib taraflarga yuborilgan. Sud muhokamasida aniqlanishicha, da’vogar
tomonidan yuborilgan da’vo arizasi sudga yetib
kelmasidan oldin javobgar
to‘lovni to‘liq amalga oshirgan.
Sud ushbu holda da’voni qanoatlantiradimi yoki yo‘qmi? Bunday holatda
sud xarajatlari kimning zimmasiga yuklatiladi? Nizoni sudgacha hal etish
tartibi va kelishuv bitimi haqida nimalarni bilasiz? Uning afzalliklari qanday?
Javob:
Ushbu vaziyatda shartnoma shartlari bajarilmayapti, ya’ni O’zbekiston Respublikasi
Fuqarolik Kodeksi 234-modda, 236-moddalarida majburiyat tushunchasi va uning lozim
darajada bajarilishi haqida belgilab quyilgan.
Ushbu vaziyatda sud O‘zbekiston Respublikasining Iqtisodiy Protsessual
Kodeksining 131-moddasiga asosan taraflarni kelishuv bitimi tuzish choralarini ko’radi,
chunki to’lov amalga oshirilgan.
Bu holatda sud xarajatlari javobgar zimmasiga yuklanadi.
Asos: O‘zbekiston Respublikasining Iqtisodiy Protsessual Kodeksi 118-modda 5-
qism.
Da’vogarning talablari u sudga murojaat qilganidan so‘ng javobgar tomonidan
ixtiyoriy ravishda qanoatlantirilsa, sud xarajatlari javobgarning zimmasiga yuklatiladi.
Kelishuv bitimi haqida O‘zbekiston Respublikasining Iqtisodiy Protsessual
Kodeksining 130-moddasida yozilishicha sud taraflarning kelishuvi uchun choralar ko‘radi,
ularga iqtisodiy sud ishlarini yuritishning barcha bosqichlarida nizoni hal etishga
ko‘maklashadi.
Kelishuv bitimining afzalliklari:
Aytib o'tish lozimki, yarashtirish tartib-taomillari vositasida hal qilinadigan nizolarda
har ikkala taraf uchun ham maqbul kelishuvga erishiladi.Ya'ni, taraflar ixtiyoriy ravishda
kelishuv bitimi yoki mediativ kelishuv tuzish orqali nizoni hal qilish yo'llari va usullari,
kelishuvda belgilangan majburiyatlarni bajarish muddatlari hamda ushbu majburiyatlarni
bajarmaslik oqibatlarini belgilab olishadi.
Sud tartibida ko'riladigan nizolar bo'yicha har ikki tarafning foydasiga qaror
chiqarishning imkoni mavjud emas. Tabiiyki, sud qaroridan norozi bo'lgan taraf apellatsiya
va kassatsiya tartibida shikoyat keltirishi mumkin. Buning natijasida taraflar ortiqcha vaqt
va mablag' sarflashlariga to'g'ri keladi.
Ushbu va boshqa holatlar inobatga olinib, O'zbekiston Respublikasi Iqtisodiy
protsessual kodeksining 16-bobi “Yarashtirish tartib-taomillari”ga bag'ishlangan bo'lib,
mazkur kodeksning 130-moddasiga ko'ra, sud taraflarning kelishuvi uchun choralar ko'radi,
ularga iqtisodiy sud ishlarini yuritishning barcha bosqichlarida nizoni hal etishga
ko'maklashadi.
2-kazus
Iqtisodiy sud “Tabiat” shirkat xo‘jaligi da’vosi bo‘yicha “Istiqlol” shirkat
xo‘jaligidan12 000 000 so‘m asosiy qarzni undirish to‘g‘risida hal qiluv qarori
qabul qilgan. “Istiqlol” shirkat xo‘jaligi bu hal qiluv qaroridan norozi bo‘lib,
qarorni olgandan keyin ikki oy o‘tgach kassatsiya shikoyatini
viloyat iqtisodiy
sudi orqali Oliy sudga yuborish uchun topshirgan.
Iqtisodiy sudning sudyasi o‘z ajrimi bilan ushbu hal qiluv qarori bo‘yicha
shikoyat apellatsiya instansiyasida ko‘rilmaganligini asos qilib kassatsiya
shikoyatini qaytargan.
Sudyaning ajrimi asoslimi? Iqtisodiy sudlov ishlarini yuritish va fuqarolik
sudlov ishlarini yuritishning o‘xshash hamda farqli jihatlarini tahlil qiling.