553
265
illiyi
Britaniya muzeyi
1753
2018
Britaniya muzeyi - Böyük Britaniya-
nın və dünyanın ən böyük muzeylərindən
biridir.
Bu muzey 1753-cü ildə təşkil edilmiş,
lakin açılışı 1759-cu ildə olmuşdur. Mu-
zey üçün yeni bina 1823-1847-ci illərdə
tikilmiş, memarı R.Smyork olmuşdur.
XVIII əsrdən etibarən İngiltərənin ən
mühüm incəsənət mərkəzlərindən birinə
çevrilmişdir.
Muzeydə müxtəlif dövrlərə aid
mədəniyyət nümunələri, antik və orta
əsr dövrlərini əhatə edən abidələr, hətta
İntibah dövrünün məşhur Rozetta daşı,
müxtəlif rəsmlər, qravyura sənətinə aid
olan məmulatlar, medal, qəpik və kitab-
lar saxlanılır.
Britaniya muzeyinin kitabxanasın-
da 7 milyondan artıq çap edilmiş ki-
tab vardır, həmçinin 105 min əlyazma,
təxminən 100 min xartiya və məktublar,
3 mindən çox papirus vardır.
Britaniya muzeyinə girişlərin hamısı
pulsuzdur. 1926-cı ildən etibarən muzey
“British Museum Quarterly” adlı jurnal
dərc edir. Muzey Londonda üç: britani-
yalı məşhur həkim və naturalist Hensa
Slouna (Sir Hans Sloane), qraf Robert
Harliyə (Robert Harley), həmçinin, ki-
tabxanaçı Robert Kottona (Sir Robert
Cotton) aid kolleksiyaların əsasında
fəaliyyətə başlamışdır. Muzey özündə
10 bölməni: bizim eradan əvvəl, Misir,
yunan, Roma, Britaniya, orta əsrlər, in-
tibah, Şərq, numizmatika və Britaniya
kitabxanasını birləşdirir.
Britaniya muzeyi ümumilikdə 94 qa-
lareyadan ibarətdir və uzunluğu 4 km-ə
çatır. Hans Sloun qəpik və antik əşyalarla
yanaşı, çoxlu sayda heykəltəraşlıq
nümunələri, müxtəlif heyvan, quş fi-
qurları, həmçinin herbari və dövlətə xas
olan əşyalar da toplayırmış.
Muzey binasının əhatə etdiyi sahə 6
hektardan çoxdur və Londonun mərkəzi
küçələrindən birində yerləşir. Həmişə
kitab oxumaq üçün müraciət edənlərin
sayından asılı olaraq 1854-1857-ci
illərdə böyük həcmdə və dairəvi forma-
ya malik olan oxu zalı tikilmişdir.
1881-1883-cü illərdə burada olan
flora, fauna, geoloji və paleontoloji kol-
leksiyaların çoxluğu nəzərə alınaraq,
Təbiət tarixi muzeyi adlandırılan yeni
spesefik bina ucaldılmışdır. II Dünya
müharibəsi illərində muzeyin bütün
eksponatları ərazidən evokuasiya edil-
miş, muzey binası hava uçuşlarından
çoxsaylı ziyan görmüşdür. Bir neçə zal,
həmçinin oxu zalının da bəzi hissələri
dağıdılmışdır. Uzun illər müddətində
muzey özünün tikintisini və ekspozisi-
yalarını bərpa etməyi bacarmışdır.
Ə d ə b i y y a t
Humphreys, Rob. The rought guide to London /R. Humphreys.- London: Rough Guides Ltd., 2010.- 511, [13] p.
Əzizəliyeva, B. Britaniya Muzeyi Nizami Gəncəvini necə təqdim edir... /B.Əzizəliyeva //525-ci qəzet.-2016.-17 sentyabr.- S.20.
İ n t e r n e t d ə
http://www.anl.az/down/meqale/525/2016/sentyabr/506228.htm
deyerler.org/76099-7-milyon-eseri-olan-vbritaniya-muzeyiv...
Tarixdə bu gün
554
140
illiyi
Azərbaycan Dəmir yolunun yaradılması
1878
2018
Azərbaycanda ilk dəmir yolunun çəkilməsi və
sonradan inkişaf etdirilməsi birbaşa neft daşınma-
sı ilə əlaqədar olmuşdur. Belə ki, neft sahibkarlar
mədənlərlə neftayırma zavodları arasında dəmir
yolunun çəkilməsi haqqında dəfələrlə Nazirlər
Komitəsinə müraciətlər etmişdilər. Nəhayət,
Nazirlər Komitəsinin çar II Aleksandrın iştirakı
ilə 1878-ci il iyunun 16-da keçirilən iclasında neft
sahəsində dəmir yolunun tikintisi layihəsi təsdiq
olunmuşdur. 25,2 verst uzunluğunda olan dəmir
yolunun çəkilməsi isə “Poti-Tiflis” dəmir yolu
cəmiyyətinə həvalə edilmişdir.
Dəmir yolunun inşasına 1878-ci ildə başlanılmış
və 1879-cu ildə başa çatmışdır. Uzunluğu cəmi 20
km olan Bakı-Sabunçu-Suraxanı dəmir yolundan
ibarət olmuşdur. Dekabrın 17-dən etibarən Bala-
xanı, Suraxanı, Sabunçu stansiyalarında daşınmaq
üçün yüklər qəbul edilmiş, 20 yanvar 1880-ci ildə
dəmir yolunun rəsmi açılışı olmuşdur. Dünyada
ilk dəfə olaraq neft məhz bu yolla sisternalarla da-
şınmağa başlanılmışdır.
Sovetlər dövründə respublikanın partiya və so-
vet təşkilatları Bakı-Sabunçu dəmir yolu xəttinin
elektrikləşdirilməsi istiqamətində yenidənqurma
işlərinə başladı. 1926-cı il iyulun 26-da Abşeronun
məşhur neft rayonları olan Sabunçu və Suraxanıya
ilk elektrik qatarları hərəkət etdi.
28 may 1980-ci ildə Azərbaycan dəmir yolu -
“Oktyar inqilabı” ordeni ilə təltif edilmişdir.
Azərbaycan Nazirlər Kabinetinin 8 avqust
1995-ci il tarixli 171 saylı əmri ilə Oktyabr İnqila-
bı ordenli Azərbaycan Dəmir Yoluna - Azərbaycan
Dövlət Dəmir Yolu adı verilmişdir.
Erməni təcavüzü nəticəsində Azərbaycan Dəmir
Yolunun 240, 4 km sahəsi işğal altına düşmüş və
təsərrüfatlara təxminən 45 mln. 60 min ABŞ dolla-
rı məbləğində ziyan dəymişdir.
15 iyun 1993-cü ildə yenidən ölkə rəhbərliyinə
qayıtmış ümummilli lider Heydər Əliyevin səyləri
nəticəsində Azərbaycan dəmir yolunda dirçəliş
dövrü başlamışdır. Ulu Öndərimiz Heydər Əliyev
tərəfindən təməli qoyulan nəqliyyat infrastrukturu-
nun inkişaf etdirilməsi və modernləşdirilməsi pro-
sesi Prezident İlham Əliyev tərəfindən daha inten-
siv şəkildə aparılır, ölkəmiz “Bakı-Tbilisi-Qars” və
“Şimal-Cənub” beynəlxalq və regional nəqliyyat
dəhlizlərinin reallaşması prosesində aktiv iştirak
e
dir. 30 oktyabr 2017-ci ildə Bakı-Tbilisi-Qars
dəmir yolunun açılışı olmuşdur. Avrasiya məkanı
üçün yeni yüksəliş layihəsi olan Bakı-T
bilisi-Qars
dəmir yolu xətti qədim İpək Yolunun polad ma-
gistrallar üzərində bərpasıdır. Ümumi uzunluğu
846 kilometr olan Bakı-Tbilisi-Qars dəmir yolu
xəttinin 504 kilometrlik hissəsi Azərbaycanın
ərazisinə düşür. Dəmir yolu xəttinin 263 kilo-
metri Gürcüstandan keçir. Yolun 79 kilometri isə
Türkiyə ərazisindədir. Bakı-Tbilisi-Qars dəmir
yolu Mərkəzi Asiya ölkələrinin — Türkmənistan,
Qazaxıstan, Özbəkistan, Qırğızıstan və Tacikistan,
həmçinin Əfqanıstanın Avropa və dünya bazarları-
na çıxışını asanlaşdıracaqdır.
Hər il oktyabrın 13-ü müstəqil Azərbaycan
dəmir yolunun yarandığı gün Azərbaycan Res-
publikasının Prezidenti cənab İlham Əliyevin 7
oktyabr 2005-ci ildə “Dəmir yolu işçilərinin peşə
bayramının təsis edilməsi haqqında” Sərəncamı ilə
- Azərbaycan Dəmir Yolu İşçilərinin Peşə Bayramı
Günü kimi qeyd olunur. Azərbaycan Respublikası-
nın Prezidenti cənab İlham Əliyevin 20 iyul 2009-
cu il tarixli “Azərbaycan Dəmir Yolları” Qapalı
Səhmdar Cəmiyyətinin yaradılması haqqında və
6 iyul 2010-cu ildə “Azərbaycan Respublikasın-
da dəmir yolu nəqliyyat sisteminin 2010-2014-cü
illərdə inkişafına dair Dövlət Proqramı”nın təsdiq
edilməsi haqqında Sərəncamları iqtisadiyyatımı-
zın tərkib hissəsi olan bu cahənin sürətli inkişafına
səbəb olacaqdır.
Ə d ə b i y y a t
Paşayev, M. Azərbaycanda dəmiryolu: dəmiryolçuların sosial-iqtisadi vəziyyəti və mübarizəsi (1880-1920) /M.İ.Paşayev; elmi red.
T.T.Vəliyev.-Bakı: Apostrof, 2012.-361, [2] s.
Bayramov, V. Azərbaycan dəmiryolu ölkənin sosial-iqtisadi inkişafında mühüm yer tutur /V.Bayramov //Maliyyə və uçot.- 2016.- № 4.-
S.50-54.
Əsgərov, A. Azərbaycan Dəmiryolunun inkişafı ümummilli liderin adı ilə bağlıdır /A.Əsgərov //Respublika.- 2013.- 12 may.- S. 2.
Tarixdə bu gün