Kommutatsiya va marshrutizatsiya

Nazorat savollari

1. 
   Statik marshrutizatsiyaning afzalligi nimadan iborat?
   
2. 
   Clock rate 64000 nima maqsadda ishlatiladi?
   
3. 
   no ip domain-lookup buyrug‘i nima uchun ishlatiladi?
   
4. 
   Show cdp neighbors buyrug‘i nima uchun ishlatiladi?
   
5. 
   Statik marshrutizatsiya qachon qo‘llaniladi?
   

9– LABORATORIYA ISHI
IPv6 texnologiyasi asosida RIPng, OSPFv3 va EIGRP marshrutizatsiya protokollarini sozlash
Ishdan maqsad: IPv6 manzillash tizimi asosida RIPng, OSPFv3 va EIGRP konfiguratsiyalarini sozlashni amalga oshirish va ko`nikmaga ega bo’lish
Topshiriqlar

9. 
   Tarmoqni tuzing va qurilmalarning bazaviy parametrlarini sozlang
   
10. 
    Marshrutizatorda RIPng konfiguratsiyalarini sozlang
    
11. 
    Marshrutizatorda OSPFv3 konfiguratsiyalarini sozlang
    
12. 
    Marshrutizatorda EIGRP konfiguratsiyalarini sozlang
    

Nazariy ma’lumotlar

Marshrutizatsiya protokollari marshrutizatorlar o‘rtasida marshrut to‘g‘risidagi axborotlarni almashishni qisqartiradi. Marshrutizatsiya protokoli optimal yo‘llar orqali marshrutizatsiya jadvalini to‘ldirish va marshrutizatsiya ma’lumotlarini almashish uchun ishlatiluvchi xabarlar va algoritmlar, jarayonlar to‘plamidan iborat. Dinamik marshrutizatsiya protokollari quyidagi maqsadlarda ishlatiladi:

• 
  uzoqdagi tarmoqlarni aniqlash;
  
• 
  marshrutizatsiya ma’lumotlarini yangilash;
  
• 
  ko‘rsatilgan tarmoqqa optimal yo‘lni tanlash;
  
• 
  ishlab turgan yo‘lga kirish mumkin bo‘lmagan yangi optimal yo‘lni izlash.
  
• 
  Dinamik marshrutizatsiya protokollari quyidagi komponentlarni o‘z ichiga oladi:
  
• 
  ma’lumotlarning tuzilishi - marshrutizatsiya protokollarini ishlashi uchun ma’lumotlar bazasi yoki jadval ishlatiladi. Ushbu axborot operativ xotira qurilmasida saqlanadi;
  
• 
  marshrutizatsiya protokolining xabari - marshrutizatsiya protokollari marshrut to‘g‘risida axborotlarni almashish, qo‘shni marshrutizatorlarni aniqlash, tarmoq to‘g‘risida muhim axborotni olish bilan bog‘liq bo‘lgan boshqa vazifalarni bajarish uchun turli xabarlarni ishlatadi;
  
• 
  algoritm – algoritm topshiriqlarni bajarish uchun ishlatiluvchi harakatlar ruyxatidan iborat. Marshrutizatsiya protokollari optimal yo‘lni aniqlovchi va marshrutizatsiya ma’lumotlarini almashishni soddalashtiruvchi algoritmlarni ishlatadi.