KON LAHIMLARINI O‘TKAZISH
Reja:
1.Kon lahimlari shakli, o‘lchamlari va mustahkamlagichlar turlari
2.Kon lahimlarini o‘tkazishning umumiy masalalari
3.Vertikal shaxta stvollarini kovlab o‘tkazish, gorizontal kon lahimlarini
o‘tkazish
4.Ko‘tarmalarni (vosstayuщie) o‘tkazish
5.Kamerali va qirqma lahimlarni o‘tkazishning o‘ziga xos xususiyatlari
Kon lahimlarini o‘tkazmasdan foydali qazilmalarni qazib olish mumkin emas.
SHuning uchun ruda qazib olishning o‘sishi tayyorlov-qirqish ishlarining o‘sib
borayotgan hajmi bilan, ayniqsa, qazib olish chuqurligini oshirish bilan birga olib
boriladi.
Kon lahimlarini o‘tkazish texnologiyasi, avvalo, tog‘ jinslarining mexanik
xossalariga, lahim qiyalik burchagiga, uning ko‘ndalang kesimi maydoniga va
dinamik hodisalar ta’siriga bog‘liqdir.
Kon bosimi paydo bo‘lishining xususiyati va kuchi faqatgina tog‘
jinslarining fizik xossalariga (qattiqlik, elastiklik, qayishqoqlik, mo‘rtlik va b.)
emas, balki lahimlar shakliga, ularning bo‘shliqda joylashuviga, shuni ngdek, amal
qilish vaqtiga ham bog‘liqdir.
Lahimlar shakli, o‘lchamlari, bo‘shliqdagi holati, amal qilish vaqti ularning
vazifasi bilan belgilanadi. Kesib o‘tiladigan jinslarning turlicha barqarorligi va suvi mo‘lligida kon lahimlarini o‘tkazishning odatdagi yoki maxsus usullari qo‘llaniladi. Jinslarning qattiqligi va bir jinsdaliligiga bog‘liq holda, qattiq bir jinsli
jinslarda, yumshoq bir jinsli va bir jinsda bo‘lmaganlarda lahimlarni o‘tkazish
mavjud. Qiyalik burchaklari turli bo‘lganda gorizontal, qiya va vertikal lahimlar
mavjud. Lahimlarni burg‘ilab portlatish ishlari, kovlab borish kombaynlari,
gidromexanizatsiyalash, maydalash bolg‘alari yordamida o‘tkazish usullari
ma’lumdir. Birinchi ikki usul eng ko‘p qo‘llanilishga ega.
Dostları ilə paylaş: |
