SƏ
H
İFƏ
29
E
lektron pulun və onun bir növü kimi kriptovalyutaların
istifadəsinin genişlənməsi onun gələcəkdə milli valyutalar
qarşısında alternativ mübadilə vasitəsi kimi inkişafını
gündəmə gətirir. Hazırda kripto valyutalarla aparılan
əməliyyatın həcmi yüksək olmadığı üçün onların Mərkəzi Bank
tərəfindən həyata keçirilən monetar siyasətə təsiretmə gücünün
çox zəif olduğu qeyd olunsa da, gələcəkdə müsbət şəbəkə
effektləri nəticəsində bu kimi alternativ valyutaların istifadə
meylliyinin artacağı, bunun nəticəsində kriptovalyutaların milli
valyutaları əvəzləyəcəyi və beləliklə də MB tərəfindən həyata
keçirilən monetar siyasətin iqtisadiyyata təsiretmə gücünün
zaifləyəcəyinə və hətta itəcəyinə dair fikirlər səslənir.
Kriptovalyutaların istifadəsinin genişlənməsinin qısamüddətli
faiz dərəcələrinə, pul aqreqatlarına, məcburi ehtiyat normalarına,
senyoraj gəlirlərinə, pulun dövretmə sürətinə, pul tələbinə
və s. təsir etməsi gözlənilir. Ev təsərrüfatı tərəfindən həyata
keçirilən gündəlik əməliyyatlarda kriptovalyutalardan istifadə
milli valyutaya olan tələbi azaldacaq, bu səbəbdən pulun
dövretmə surəti artırılacaq və beləliklə mərkəzi bankların pul
kütləsi göstəricilərini nəzarətdə saxlaması çətinləşəcəkdir.
Milli valyutaya olan tələbin azalması Mərkəzi Bank balans
həcmini daraldacaq və nəticədə Mərkəzi Bank açıq bazar
əməliyyatları vasitəsilə qısamüddətli faiz dərəcələrinə
təsir gücünü itirmiş olacaqdır. Bununla yanaşı,
vergi ödənişləri, kommunal xidmət ödənişləri
və bu kimi digər ödənişlərin bütövlükdə
kriptovalyutalarla aparılması mümkün
olduğu zaman real iqtisadiyyatla
əlaqələrin güclənməsi nəticə-
sində kriptovalyutalar qiymət
sabitliyinə, milli valyutaya olan
tələbə, pulun dövretmə sürətinə, pul
təklifinə və açıq bazar əməliyyatlarının
effektivliyinə birbaşa təsir edəcəkdir.
Kriptovalyuta tətbiqinin maliyyə sabitliyinə
də mənfi təsir edəcəyi qeyd olunur. Belə ki,
Mərkəzi bankları bu sahədə ən çox narahat edən
məsələlər kriptovalyuta məzənnələrində meydana gələn
dalğalanmalar, sistem daxilində saxtakarlıq ehtimalları,
öz fəaliyyətlərində kriptovalyuta istifadəsini genişləndirən
müəssisələrdə risk meylliliklərinin artması və kriptovalyuta
sistemlərinin bank sistemini əvəzləməsi ehtimallarıdır.
Kriptovalyuta məzənnələrində dalğalanmaların tez-tez
baş verə biləcəyi və bunun maliyyə sabitliyinə ən çox təsir
edəcək amil olduğu kriptovalyutalarla bağlı səslənən mənfi
fikirlər arasındadır. Elektron şəbəkələrdən geniş istifadə
etməklə kriptovalyutalarla əməliyyat həcmini artıran şirkətlərin
sayının artması kriptovalyutaların məzənnə dəyərini artıracağı
gözləniləndir. Bu səbəbdən, kriptovalyuta sistemləri vasitəsilə
həyata keçirilən əməliyyatların pulla ifadə olunan həcmi və
eyni zamanda öhdəlikəri artdıqca onun kriptovalyutanın
məzənnə dəyərində yaranan bir anlıq azalma maliyyə sabitliyinə
təsir edəcəkdir. Eyni zamanda kriptovalyutaların məzənnə
dəyərindəki azalmaların kriptovalyutalarla müdafiəsiz mövqe
seçimi edən maliyyə təşkilatlarının olması halında vəziyyəti daha
da mürəkkəbləşəcəkdir.
Sistemin real rejimdə fəaliyyət göstərməsi və heç bir
cavabdeh orqan tərəfindən nəzarətin həyata keçirilməməsi
də kriptovalyutalarla bağlı ehtiyatlı yanaşmalara əsas verir.
Kriptovalyutaların yuxarıda qeyd olunan mənfi təsirləri və Mərkəzi
Bank tərəfindən həyata keçirilən monetar siyasəti təsirsiz edəcəyi
ilə bağlı görüşlərlə yanaşı bunun əksini iddia edən görüşlər də
az deyil. Kriptovalyutanın nəğd pulu və müddətsiz depozitləri
tam mənada əvəzləməsinin mümkün olmayacağı və belə bir
təhlükənin qabaqlayıcı tədbirlərlə qarşısının alınacağı düşüncəsi
bu görüşlərin əsasını təşkil edir. Digər tərəfdən, kriptovalyutanın
nəğd pulu əvəzləməsi halında da Mərkəzi Bankların monetar
siyasət alətlərində edəcəyi dəyişiklərələ monetar siyasəti davam
etdirəcəyi də qeyd olunur.
Kriptovalyutanın rəsmi pul vahidi olmaması və kiçik həcmli
ödəmələr üçün nəzərdə tutulması və əksər ölkələrdə bank
və kredit kartları tətbiqlərinin geniş yayılmasından dolayı bu
ödəmə vasitələrini tamamilə əvəzləməsi mümkün görünmür.
Müəyyən ölkələrdə Mərkəzi Bankların nəğd pulun
kriptovalyutalarla əvəzlənməsinin qarşısını almaq və rəsmi
valyutanın iqtisadiyyatda dəyər ölçüsü xassəsinə malik tək
vasitə olmasını qorumaq məqsədilə kriptovalyutaların milli
valyuta müqabilində emissiya edilməsini və tələb olduğu
hallarda milli valyuta vasitəsilə geri ödənməsini təmin edən
tənzimləyici qaydalar müəyyənləşdirdikləri müşahidə
olunur. O da qeyd olunmalıdır ki, bu cür qanuni
tələblərin qoyulmadığı ölkələrdə də kriptovalyuta
emissiya edən maliyyə təşkilatlarının öz
kreditqabiliyyətliliklərini
artırmaq
və
ictimaiyyətin bu məhsullara güvənini
artırmaq məqsədilə tələb olunduğu
hallarda milli valyuta ilə geri
ödəmə həyata keçirilir. Bəzi
ölkələrdə
kriptovalyuta
emissiyası
ilə
məşğul
olan təşkilatların geri ödəmə
tələblərini qarşılamaq məqsədilə
yüksək həcmdə likvid aktiv tutulması
kimi öhdəliklər tələb olunur. Eyni zamanda
kriptovalyutaların vergi kimi dövlət büdcəsinə
edilən ödəmələrdə istifadə olunmasının qəbul
edilməməsi və oxşar öhdəliklərin milli valyuta vasitəsilə
həyata keçirilməsi tələbi kriptovalyutaların milli valyutanı
əvəzləməsini çətinləşdirir.
Qeyd olunan oxşar tədbirlər nəticəsində kriptovalyutanın
milli valyutanı tamamilə əvəzləməyəcəyi və bu səbəbdən
Mərkəzi Bank balansının həcminin monetar siyasətinin həyata
keçirilməsinə təsir edəcək səviyyədə daralmayacağı fikri irəli
sürülür. Eyni zamanda, kriptovalyuta istifadəsinin kütləvilik
qazanmasının müəyyən vaxt tələb etdiyindən, Mərkəzi
Bankların bu tendensiyalar qarşısında lazımi tədbirlər görmək
üçün kifayət qədər vaxta malik olacaqları və istifadə olunan
monetar siyasət alətlərini adaptasiya edəcəkləri qeyd olunur.
Yuxarıda qeyd olunan fikirlərdən bu qənaətə gəlmək
mümkündür ki, kriptovalyutaların Mərkəzi Bank tərəfindən
həyata keçirilən monetar siyasətə və istifadə olunan alətlərin
tətbiqinə təsiri birbaşa bu valyutada aparılan əməliyyatların
həcmindən asılıdır. Kriptovalyutalarla aparılan əməliyyat
həcmi nəğd pulla və ya milli valyuta ilə aparılan əməliyyat
həcmini keçəcəyi halda Mərzəki Bankın hazırki monetar siyasət
alətlərindən istifadəsində çətinliklərin yaranması və onların təsir
gücünün zəifləməsi gözlənilir.
KRİPTOVALYUTALARIN
MİLLİ VALYUTALARI
ƏVƏZLƏYƏCƏYİ VƏ MƏRKƏZƏ
BANKLARIN MONETAR SİYASƏTİNİN
İQTİSADİYYATA TƏSİRETMƏ GÜCÜNÜN
ZƏİFLƏYƏCƏYİNƏ VƏ HATTA
İTƏCƏYİNƏ DAİR FİKİRLƏR
SƏSLƏNDİRİLİR