83
Tədqiqatlar nəticəsində eneolit mədəniyyətininin kurqanaqə-
dərki və ondan sonrakı sərhəddinə aydınlıq gətirməyi bacaran alim-
lərin səyləri nəticəsində bu yeniliyin ilk dəfə harada yarandığı və
Avrasiyanın geniş çöllərinə haradan, hansı marşrutlar üzrə və nə
zaman yayıldığını müəyyən etmək, qismən də olsa, mümkün ol-
muşdur. Xüsusən də Şimali Qafqaz və Volqa-Don bölgəsində apa-
rılan tədqiqatlar bu baxımdan çox faydalı olmuşlar. Bu istiqamətdə
A.İessen (Иессен, 1941), А.Кruqlov, Б.Piotrocski, Q.Podqayetski
(Круглов, Пиотровский, Подгаецкий, 1941), Y Кrupnov (Круп-
нов, 1950; 1957), О.Мiloradoviç (Милорадович, 1956), R.Мun-
çayev (Мунчаев, 1961), М.Romanovskaya (Романовская, 1982),
E.Şarafutdinova (Шарафутдинова,1983), Y.Şatalin (Шаталин,
1982; 1984), N.Qicarati (Гиджрати, 1986), С.Кornevski, А.Naqler
(Кореневский, Наглер, 1987), V.Derjavin (Державин, 1989,
1991), V.Trifonov (Трифонов, 1991), А.Neçitaylo (Нечитайло,
1979; 1996; 1999; 2003; 2004), Y.Rassamakin (Рассамакин,
1993;1997; Rassamakin, 2004; Рассамакин, 2009), B.Qovertitsa
(Govedariča, 2004), Kotova (Котова, 2004; 2006; 2010) və baş-
qalarının əməyini xüsusi qiymətləndirmək lazımdır.
Bu sıraya Cənubi Qafqazın eneolit mədəniyyətinin və erkən
kurqanlarının araşdırılmasında böyük əmək sərf etmiş İ.Nərima-
nov (Нариманов И.Г., 1987), T.Dostiyev (Dostiyev və b., 1990,
s. 26), N.Müseyibli (Müseyibli N., 2014), T.Axundov (Ахундов
Т.И., 2009), B.Lionnet (Лионне Б. и др., 2002), Z.Maxaradze
(Махарадзе З., 2015) F. Muradyan (Muradyan F., 2014) və s.
alimlərin də adını xüsusi qeyd etmək lazımdır.
Erkən kurqanların doğuş yeri məsələsinin elmi problem ki-
mi ortaya çıxmasında Nalçik nekropolonun kəşfinin böyük rolu
olmuşdur. Bu məzarlığın kəşfindən və tədqiqindən sonra elmi
ədəbiyyatda belə bir fikir hakim olmuşdu ki, ilk kurqanlar Şərqi
Avropada, daha dəqiq desək, Şimali Qafqazda, Volqa və Don
çayları arasındakı düzənliklərdə peyda olmuşdur (Круглов, Пи-
отровский, Подгаецкий, 1941, c. 68–69). Amma çox keçmədi
ki, Xvalinsk mədəniyyəti üzə çıxarıldı və bu fikir öz aktuallığını
müvəqqəti olaraq itirdi (Васильев, 1981, c. 39).
84
1950-ci illərdə Qroznı şəhəri yaxınlığından tapılan, içərisində
oxra və çaxmaqdaşından düzəldilmiş lövhəyə rast gəlinən bir məzar
Şimali Qafqaz variantının yenidən gündəmə gəlməsinə (Милора-
дович, 1956) və kurqan mövzusuna marağın artmasına səbəb oldu
(Мунчаев, 1982, c, 130, 131). Bundan sonra Kalmıkiya və Moldo-
vadakı kurqan tipli məzarlardan skipetrlər tapıldı və sonrakı araşdır-
malar İ. Sinitsin və U. Erdniyevin Volqa-Don düzənliyində, Arxar I
məzarlığında eneolit dövrünə aid gerçək kurqanların izinə rast gəl-
məsi ilə nəticələndi (Синицын, Эрдниев, 1966, c. 166, 167). Daha
sonra Moldovada – Kaynarıda (1969) və Suvorovo kəndi yaxınlı-
ğında (1972) elmi ədəbiyyatda haqqında «kurqan materialları» kimi
söz açılan (Алексеева, 1976) arxeoloji materiallar aşkarlandı ki, bu
da V.Danilenko və M.Şmaqliyə eneolit dövrünün qədim atçıları ba-
rədə fərziyyə irəli sürməyə əsas vermişdir (Даниленко, Шмаглий,
1972). Beləcə, erkən kurqanların cuxur mədəniyyəti ilə bağlılığı
barədə fikirlər doğmağa başladı və bu işdə əsas rolu N. Merpert
oynadı. O, Berejnovki I tipli kurqanların dünyanın ilk kurqanları
olduğunu elan etmişdir (Мерперт, 1974, c. 132).
N.Merpertdən sonra erkən kurqanlar ideyasını daha da inki-
şaf etdirən İ. Vasilyev həmin kurqanların siyahısını tərtib etmiş
və ora Arxar məzarlığındakı 27 və Berejnovka yaxınlığındakı 5
№-li kurqanları ən qədim kurqanlar kimi daxil etmişdir. O bu
kurqanların genezisini Xvalinsk mədəniyyəti ilə əlaqələndirmə-
yə çalışırdı (Васильев, 1981, c. 43). Merpertin fikrincə isə, cu-
xur mədəniyyəti Xvalinsk və Maykop mədəniyyətləri arasında
xüsusi bir keçid olmuş və Maykop mədəniyyətindən öncə gəl-
mişdir (Мерперт, 1974, c. 79).
Sonrakı dövrlərdə oxralanmış məzarların və daş skipterlərin
tapılması alimlərə cuxur mədəniyyətinin qərb sərhələrini Dunay
çayı və Karpat dağıarına qədər uzatmağa, Rumıniya, Macarıstan
və Bolqarıstan ərazilərini də həmin mədəni areala daxil etməyə
imkan verdi. Eneolit dövrünə aid edilən bu mədəni areal öz əksi-
ni N. Merpertin cızdığı xəritədə tapmışdır.
1992-ci ildə İ. Dremov və A. Yudin Volqa hövzəsinin Be-
rejnovka tipli kurqanları barədə ilk hesabatlarını təqdim etdilər.
85
Onların hesabatlarında bu kurqanlar eneolit dövrü kurqanları ki-
mi qeyd edilmişdir (Дремов, Юдин, 1992). Həmin dövrdən ke-
çən illər ərzində sözügedən bölgədən aşkar edilmiş eneolit dövrü
kurqanlarının sayı hesabatda qeyd edilən kurqan sayını çox-çox
geridə qoymuşdur.
Bütün bu kəşflər M. Gimbutası özünün məşhur kurqan nə-
zəriyyəsini yaratmağa sövq etdi. O, kurqan mədəniyyətində qə-
dim hindavropalıların izini axtarırdı. Daha doğrusu, buna əmin
idi. O, həm də «kurqan etnosu» (Kurgan people) ideyasının, yə-
ni ölülərini kurqanlarda dəfn edənlərin eyni etnosun nümayəndə-
ləri olduğu ideyasının banisidr. Genetika elmi onun bu fikrini
bütünlüklə təsdiq etsə də, aparılan DNT analizləri bu etnosun
hindavropalılar deyil, türklər olduğunu ortaya qoymuşdur.
M. Gimbutas alimlər içərisində kurqan fenomeninə hindav-
ropalı hesab etdiyi eneolit dövrü əhalisinin şərqdən qərbə, Vol-
qaboyu düzənliklərindən Dunay hövzəsinə, daha sonra isə Skan-
dinaviya və Britaniyaya qədər köç marşrutlarının üzə çıxarılması
vasitəsi kimi baxır və öz nəzəriyyəsini də bunun üzərində qurur-
du (Gimbutas, 1977; 1991; 1994; 1997).
Onun nəzəriyyəsinə görə, dörd əsas miqrasiya dalğası ol-
muşdur ki, bunlardan birincisi Dnepr-Volqa bölgəsini əhatə edir
və bu dalğa e.ə. IV minilliyin ilk yarısında baş vermişdir. Alimin
fikrincə, Samara və Seroqlazovo mədəniyyətlərinə Volqa hövzə-
si mədəniyyətinin tərkib hissəsi kimi baxılmalıdır.
E.ə. IV minilliyin ikinci yarısında baş verən, Orta Dnestr və
Maykop mədəniyyətlərini əhatə edən ikinci dalğa üçün daş krom-
lexlər, ikitəkərli arabalar, antopomorf daş heykəllər xarakterik olub.
Cuxur mədəniyyəti üçüncü dalğaya aid edilir və bu köçün
e.ə.III minilliyin birinci yarısında baş verdiyi güman edilir. M.
Gimbutasa görə, sözügedən dalğa Ural dağları ilə Rumıniya ara-
sındakı bütün çöl zonasını içinə alır. Daha sonra Kukuteni (Tri-
polye) mərhələsi gəlir. Bu mərhələdə Volqa hövzəsindən Dnepr
hövzəsinə miqrasiya baş vermişdir. Həmin köçün izlərinə Vinça
və Lendel mədəniyyətlərində rast gəlinir.
Dostları ilə paylaş: |