102
o‘tishi munosabati bilan shiyponlar juda ham zarur, chunki yog‘in-
sochinli davrlarda usti ochiq joylardagi po‘stloqlarni tashish qiyin. Undan
tashqari, usti ochilib qolgan kanop yomg‘irda qolib ketishi hamda uning
sifati buzilishi mumkin. Shuning uchun kanop zavodlarida kamida 2 ta
shiypon bo‘lishi zarur.
Usti ochiq joyda xomashyo, odatda, g‘aram qilib saqlanadi. Bunday
saqlash usuli ko‘p yillik tajribalar asosida mukammal lashtirildi. Bu usul
juda oddiy bo‘lib, uncha ko‘p mablag‘ sarflan maydi. O‘zbekiston iqlimi
uchun bu usul ancha samarali hisoblanadi. Ilgarilari uzunligi 20 m,
eni va balandligi 8 m g‘aram lar bo‘lardi; shunday g‘aramga 80—100 t
gacha poya ketardi. Hozir g‘aramning eni va uzunligi kattalashtirilgan
(32½10½8 m), natijada g‘aramga ko‘p xomashyo ketadi. g‘aramning
eni janubdan shimolga qaratib joylashtiriladi. Bunda yog‘ingarchilik
natijasida g‘aramning ivigan qismlari yomg‘irdan so‘ng quyosh nurida
bir xil quriydi. Ba’zan, g‘aramni joylashtirishda shamol esadigan tomon
ham hisobga olinadi. g‘aramning yon tomoni shamol esadigan tomonga
qaragan bo‘lishi kerak. Shunda xomashyo
yaxshi quriydi va yaxshi
shamollaydi.
Xomashyoni g‘aramlashdan oldin har bir g‘aram uchun maxsus
maydoncha tayyorlash kerak. G‘aramning
ost qismidagi poyalarni
namlanish va chirishdan saqlash uchun g‘aramning supachasi yerdan
kamida 30 sm ko‘tarilib, atrofiga suv ketadigan 20—30 sm kenglikda
ariqchalar qilinadi. G‘aramlar yong‘in xavfsizligi qoidalariga asosan guruh-
guruh qilib joylashtiriladi, har qaysi guruhda 4 uya bo‘lib, 4 g‘aram bir
uyani tashkil qiladi. Uyadagi g‘aramlarning eni tomonidan oralig‘i 15 m
ga, uzunligi tomonidan esa 30 m ga teng bo‘ladi.
Guruhdagi ikki uya g‘aramlari oralig‘i — 40 m, guruhlar oralig‘i esa —
60 m, hamma zavod territoriyasi kamida balandligi 1,8 m li devor bilan
o‘ralgan bo‘lishi kerak. Xomashyo qo‘yilgan joydan o‘ralgan chegaragacha
masofa 10 m bo‘lishi kerak, shox va g‘aramlar titish-yuvish mashinalari
o‘rnatilgan sexlardan 50 m uzoqlikda joylashishi kerak.
Dostları ilə paylaş: