Magistrantların XVIII Respublika Elmi konfransı, 17-18 may 2018-ci il
64
(1.3)
burada:
atmosfer təzyiqindəki qaz amilidir,
ilə. Quyuağından axan qazlı mayenin enerjisi isə
(1.4)
ifadəsi ilə təyin edilir.
Burada:
quyuağzı təzyiqi ifadə edir. Laydan daxil olan enerjinin
müəyyən hissəsi, yəni
(1.5)
quyudan mayenin yer səthinə çıxarılmasında istifadə olunur. Quyuda yalnız laydan gələn enerji hesabına
fontan vurulması
(1.6)
şərt ödənildikdə baş verir. Fontan quyularının tədqiqatı ilə tapılan məlumatlar vasitəsilə onların düzgün
işlənməsini həyata keçirmək olar. Əsasən mədən təcrübələrində quyuuların tədqiqi qərarlaşmış rejimdə
aparılır. Bu tədqiqat vasitəsilə müxtəlif qərarlaşmış rejimlərdə maye (su və neft) və qaz hasilatı və bununla
yanaşı onlarda təzhür edən quyudibi təzyiq müəyyən edilir. Həmçinin bunlardan əlavə olaraq tədqiqat
zamanı hər rejimə uyğun olan qaz amili, su faizi və hasilatda qumun miqdarı təyin edilir.
KATALİTİK KREKİNQ QURĞUSUNDA KATALİZATORUN «QAYNAR» LAYDA
REGENERASİYASI PROSESİNƏ TƏSİR EDƏN AMİLLƏR
Rəhimova N.A.
Azərbaycan Dövlət Neft və Sənaye Universiteti
Neftin ilkin emalından sonra həyata keçirilən katalitik krekinq prosesi dərin kimyəvi çevrilmələrə
əsaslanan destruktiv emal prosesidir. Katalitik krekinq prosesində neft və neft məhsullarının tərkibində olan
karbohidrogenlər temperatur, təzyiq və katalizatorun təsiri ilə müxtəlif çevrilmələrə məruz qalır.
Katalizatorun iştirak etməsi krekinq reaksiyalarının aktivləşmə enerjisinin aşağı düşməsinə səbəb olur.
Məlum olduğu kimi krekinqin əsas xammalı 300-500
0
C hədlərində qaynayan geniş vakuum qazoyl
fraksiyasıdır. Son zamanlar isə xammal kimi qaynama temperaturu 550-590
0
C olan ağırlaşmış vakuum
qazoylları da istifadə olunur. Bundan başqa xammal resurslarını genişləndirmək üçün ikinci mənşəli
xammallardan və kokslaşma qazoyllarından da geniş istifadə edilir. Ümumilikdə katalitik krekinq prosesində
məqsəd yüksək oktanlı benzin almaqdır. Prosesdə eyni zamanda butan-butilen fraksiyası ilə zəngin olan
müəyyən miqdarda qaz karbohidrogenləri də alınır. Əmələ gələn fraksiyanın tərkibində həmçinin müəyyən
miqdarda izobutan karbohidrogeni olur. Həmin fraksiya yüksəkoktanlı komponent-alkilat almaq üçün
qiymətli xammal sayılır. Qeyd edilənlərdən başqa proses zamanı alınan yüngül qaoyl fraksiyası duda və
naftalin almaq üçün xammal kimi istifadə edilə bilər və ya bu fraksiyanı aromatsızlaşdıraraq setan ədədini
yüksəltmək üçün dizel yanacaqlarına komponent kimi əlavə etmək olar. Prosesin gedişində alınan ağır
qazoyl fraksiyası isə yüksək keyfiyyətli «iynəvarı» koks alınması üçün xammaldır.
Katalitik krekinq prosesində karbohidrogenlərin krekinq reaksiyaları yalnız buxar və qaz şəkilli
karbohidrogenlərin alınması ilə deyil, həm də katalizator səthində bərk koks çöküntülərinin əmələ gəlməsi ilə
də müşaiyət olunur. Koks pərdəsi karbohidrogen molekullarının katalizator səthinə daxil olmasına mane olur
və nəticədə katalizatorun aktivliyinin azalmasına səbəb olur. Beləliklə katalizatorun aktivliyinin bərpa
olunması lazım gəlir. Aktivliyi bərpa etmək üçün regenerasiyadan istifadə olunur. Katalizatorun
regenerasiyası onun səthindəki koksun 550-600
0
C temperaturda üfürülən hava axınında «qaynar» layda
yandırılması yolu ilə həyata keçirilir. Beləliklə də katalitik krekinq prosesi praktiki olaraq krekinq və
katalizatorun qaynar layda regenerasiyası proseslərinin növbələşməsini özündə birləşdirir. Reaktor və
regenerator arasında katalizatorun fasiləsiz olaraq dövr etdirilməsi ilə prosesin fasiləsiz həyata keçirilməsi
təmin olunur. Prosesin həyata keçirilməsində bir sıra amillər qarşılıqlı təsirdə olur. Belə ki, çevrilmə dərinliyi
və koksun çıxımı reaktorda temperaturun yüksəlməsi ilə artır, lakin bu hadisə regeneratorda temperaturun
aşağı düşməsinə səbəb olur. İlkin xammalın prosesə verilmə temperaturu artırıldıqda regeneratorda da
temperatur artır, regenerə olunmuş katalizatorda ona çökmüş koksun miqdarı azalır və nəticədə katalizatorun
dövran etmə sayı azalır. Regenerasiya (tüstü) qazlarında əlavə havanın verilməsi ilə oksigenin miqdarı artır,
Magistrantların XVIII Respublika Elmi konfransı, 17-18 may 2018-ci il
65
regenerə olunmuş katalizatorda koksun miqdarı aşağı düşür. Beləliklə də reaktorda yaranan koksun
miqdarının və regeneratorun temperaturunun azalmasına nail olunur.
Katalitik krekinq proseslərində kimyəvi reaksiyalarla yanaşı fiziki – kimyəvi hadisələr də baş
verir. Belə ki, xammalın katalizator səthində xarici diffuziyası, xammalın katalizator məsamələrində
daxili diffuziyası, katalizatorun fəal mərkəzlərində xemosorbsiyası, katalizator səthində kimyəvi
reaksiyalar və s. gedir.
Şərh edilənlərə əsasən belə nəticəyə gəlmək olar ki, katalitik krekinq prosesinə katalizatorun və
xammalı tərkibi, katalizatorun dövr ədədi, prosesin temperaturu və krekinq müddəti təsir edən əsas
amillərdəndir.
TEXNİKİ PARÇALARIN TOXUNMASINDA MÜXTƏLİF ƏRİŞ SAPLARI SİSTEMİNİN
GƏRİLMƏSİNİN NƏZƏRİ TƏDQİQİ
Şirinli S.Ş.
Azərbaycan Dövlət İqtisad Universiteti
Toxucu dəzgahında parçanın əmələgəlmə texnoloji prosesində əriş saplarının yüklənmə gərginliyinin
çox vacib əhəmiyyəti var. O, əsnəkəmələgəlmə prosesində və arğac sapının parça başlığına vurulması
zamanı həlledici rol oynayır.
Bildiyimiz kimi, yüklənmə gərginliyi toxunan parçanın növündən və struktur göstəricilərindən asılıdır.
Gərilmənin həddindən artıq və ya həddindən kiçik olması əriş saplarının qırılmasına səbəb olur və
ümumilikdə parçanın toxunma prosesini çətinləşdirir.
Son zamanlar texniki parçalara tələbatın artması ilə yanaşı parçaların fiziki-mexaniki göstəricilərinə ,
həmçinin xüsusi keyfiyyətlərinə çox diqqət yetirilir.
Bu tələblər, istismar zamanı onların davamlı və uzunömürlü olmağı ilə yanaşı, müxtəlif aqressiv
şəraitlərdə işləmələri tələblərindən irəli gəlir.
Texniki parçalar sərbəst halda və polimerlərlə kompozisiya halında istifadə oluna bilərlər. Kompozit
dedikdə lifli əsası olan və polimer qatqı ilə hopdurulan cisim nəzərdə tutulur. Lifli əsas armatur rolunu
yerinə yetirərək kompozitin möhkəm və dözümlü olmasını təmin edir. Lifli əsas kimi kompozitlər üçün
müxtəlif lifli materiallar istifadə olunur: liflər, təkqatlı və çoxqatlı parçalar.
Son zamanlar çoxqatlı parçaların quruluşunu daha da təkmilləşdirərək laylı-karkaslı parçalar istifadə
üçün təklif olunmuşdu və onlar texniki parçalar sırasında öz yerini tutmuşlar. Bu parçaların istifadəsi
kompozitlərin bir çox çatışmazlığını aradan götürə bilir.
Laylı- karkaslı parcaların əmələ gəlmə prosesində ən azı iki sistem əriş sapları və bir sistem arğac
sapları iştirak edir.
Karkas əriş sapları arğac sapları ilə toxunaraq parçada üfüqi yerləşən, yəni karkas qatlarını əmələ
gətirirlər. Doldurucu əriş saplarının arğac sapları ilə toxunması parçanın şaquli elementlərini əmələ gətirir.
Karkas qatları bir- birinə paralel şəkildə, bərabər və ya müxtəlif aralıq məsafədə yerləşə bilərlər. Doldurucu
qatlar karkas qatlarına nəzərən şaquli və ya müxtəlif bucaq altında formalaşa bilərlər.
Laylı – karkaslı parçaların qalınlığı eyni sayda karkas qatları olan parcalarda doldurucu layların
hündürlüyündən , daha dəqiq desək, doldurucu qatın alınmasında iştirak edən arğac saplarının sayından asılı
olur. Parçanın fəza quruluşu, layların istənilən qaydada yerləşməsi, karkas qatlarının paralelliyi, karkas və
doldurma qatlarına ümumi arğac sapının qoyulması nəticəsində müvəffəq olunur. Belə ki, ümumi arğac
sapları əsnəyə qoyulub parça başlığına vurulan zaman doldurucu qat parçada nəzərdə tutulan qaydada
yerləşir.
Ümumi ( ortaq) arğac saplarının parça başlığına vurulma zamanı karkas əriş sapları daha çox
gərilməyə malik olmalıdırlar ki, doldurma qatlarının ağırlığı altında əyilməsinlər. Bu səbəbdən karkas əriş
saplarının yüklənmə gərginliyi doldurma əriş saplarının yüklənmə gərginliyindən bir neçə dəfə artıq
olmalıdır. Bununla yanaşı nəzərə almaq lazımdır ki, doldurma əriş saplarının gərilməsi də müəyyən dərəcədə
olmayanda, saplar qalev gözlüklərində irəli-geri hərəkət nəticəsində zəifləyir və dəzgahda ərişin qırılma
sayını artırır.
Karkas əriş saplarının yüklənmə gərilməsinin həddən artıq olması bir tərəfdən onların gərgin şəraitdə
işləməsinin fəsadlarına (qırılma, dəzgahın tez-tez dayanması və s.) və həmçinin əsnəkəmələgətirən
mexanizminin ayrı-ayrı detallarının sıradan çıxmasına səbəb olur.