79
formulların sxematikliyi, dil sistemi və s. bunu göstərir və
ancaq bu bütünlükdə türk düşüncə tərzindən uzaqlaşmaya da
gətirib çıxarmır; çünki yaradıcılıqda aparıcı xətlərdən biri məhz
milli ruhun yaşarlığıdır ki, Nizami də buradan çıxış edir.
M.Füzulidə isə məsələnin mahiyyəti islam və türk düşüncə
tərzində yeni modelin müəyyənləşməsi istiqamətində olanlardır
ki, o da özünü müxtəlif çalarlarla, anadilli ədəbiyyatın klassik
nümunələrini yaratmaya üstünlük vermədən, ərəb və fars dilli
nümunələr yaratmaya, İslam mədəniyyətinin mədəni təfək-
küründə qəliblənmiş modellərə yeni çalar vermə və öz təsirində
böyük bir yaradıcı nəsli saxlama, onu yeni düşüncəyə istiqa-
mətləndirmədir. Artıq “XVI əsrin sonu XVII əsrin əvvəl-
lərindən başlayaraq qəzəl bir poetik janr kimi tarixi
səlahiyyətini itirir, qoşmanın, bayatının ədəbi-estetik nüfuzu
artır, beləliklə estetik təfəkkürün standartları dəyişir, - həmin
proses əslində bu cür gedir: qəzəl poetik strukturca o qədər
demokratikləşir ki, tipologiyasını itirir” (24, 128). Burada
tipologiyanın itirilməsinin mahiyyətində dayanan mühüm
məsələ milli dərkin, etnosun özünəqayıdışının, daha doğrusu
yüz illər boyu orta əsrlərin keşməkeşlərindən süzülüb gələn,
siyasi mühitlərin məngənəsində sıxılan xalq ruhunun yeni
mərhələyə daxil olması idi. Çünki bir etnosda iki eyni səviyyəli
mədəniyyət layının olması mümkünsüzdür və türk
düşüncəsində də bu iki lay eyni mənbənin hadisəsi kimi qəbul
olunmazdı və bunun hansısa biri sonranın faktıdır və gəlmə,
sonradan əlavə kimi görünür. Klassik ənənənin Füzulidən
sonrakı taleyinin enən istiqamətdə təzahür olunması artıq
mövcud boşluğun doldurulmasını bir zərurət olaraq aktual-
laşdırırdı. M.P.Vaqif baş verən proseslərin axarında bir günəş
kimi parladı və gediləcək yolun axarını müəyyənləşdirdi, daha
80
doğrusu yaranmış ehtiyacı Qarabağ xanlığı da daxil olmaqla
ödədi, onu istiqamətləndirdi. Zəkası və istedadı ilə təkcə
xanlığın fəaliyyətinə istiqamət vermədi, həm də mühitin
gələcək anatomiyasını müəyyənləşdirdi. Bunlar hamısı bədii
düşüncədəki yaşanan boşluğun doldurulması və türk şeir
ənənəsinin uzun əsrlər boyu öləziyən, etnosun aşağı təbəqəsi
arasında yaşayan, siyasi elitada ikinci, onuncu kimi
qiymətləndirilən dəyərlərin özünə qayıdışı idi. Bunun isə
bayraqadarı, arxa cərgədən aparıcı sferaya gəlişinin memarı
məhz M.P.Vaqif, M.V.Vidadi istedadı idi ki, min illik bir
ənənəyə, saray mühitində pardaxlanıb pərvazlanan bədii
düşüncəyə elə saray mühitindən də zərbə vurdu. Lakin bir
məsələni də əlavə edək ki, bu iddiamızla biz klassik ənənəyə
elə də üsyankarlıq mövqeyindən yanaşmırıq. Azərbaycan
ədəbiyyatının zənginlik gücünün mühüm bir layı məhz
buradadır və buradan ədəbiyyatımızın böyük dühaları dünyaya
boylanıb və ədəbiyyatımızı öz zəngin istedadları ilə
zənginləşdirmişlər. Şərq ədəbiyyatının əzəmətini bir qədər də
artırmış, fundamental islam mədəniyyətinə, türk bədii
məkanına horizontal və vertikal müstəvidə bir genişlik və
axarlılıq gətirmişlər. M.V.Vidadinin, M.P.Vaqifin klassik
üslubda yazdıqları nümunələr də bu yaşarlığın və klassik
ədəbiyyat düşüncəsində olanların yaşadılması və gələcəyə
daşınmasıdır. Bizim düşüncəmizdə olan budur ki, yaranmış
tənəzzülün, klassik ənənədəki geriləmədə özünü göstərən
boşluğun yerinin yeni ilə, daha doğrusu, etnosun özünün olan
ilə doldurulmasıdır. Bunu isə M.P.Vaqif, M.V.Vidadi, Sarı
Çobanoğlu, Ağqız oğlu Piri kimi sənətkarlar başlayıb, Qarabağ
xanlığında Vaqif zirvəyə çatdırdı. Daha doğrusu, öz adı ilə
bağlanacaq Vaqif məktəbində reallaşdırdı və bütün
81
mexanizmləri, təfəkkür sxemləri, estetik kateqoriyaları,
dinamik mənzərəsi ilə müasirlərinə və özündən sonra gələnlərə
təqdim etdi.
Ədəbi-nəzəri məkan, təkrar edirik, birmənalı olaraq
Azərbaycan ədəbiyyatının keçib gəldiyi yolda Nizami ədəbi
məktəbi, Füzuli ədəbi məktəbi, Vaqif ədəbi məktəbi adını
vurğulayır. Təəssüfləndirici odur ki, Vaqif duhasının
boyartımını biz elə də ardıcıllıqla izləyə bilmirik və bunun da
səbəbini bəzi məqamlarda qeyd etmişik və burada da
vurğulayırıq ki, Qarabağ xanlığına gəlişinə qədərki yaradıcılığı
haqqında əsaslı bir mənbəyə rast gəlmirik, Əlbəttə bu bir qədər
ağrılı, həm də acınacaqlı görünən məsələdir. Azərbaycan
ədəbiyyatı inkişaf tarixi boyu belə kifayət qədər ciddi ağrıları
yaşayıbdı və Vaqifin də belə bir vəziyyətlə qarşılaşması olanlar
müqabilində elə də yaşanmamış deyildir. Bu gün biz
klassiklərimizin yaratdığı böyük sənət abidələrini dünyanın
müxtəlif yerlərindən tapırıq və bütün dünyanın nadir inciləri
arasında səpələnmiş, itib-batmaq qorxusu ilə yaşayan bu
abidələrin tapılmasına sevinirik, əlbəttə şükürlər oxuyuruq ki,
hansısa bir əlyazma tapıldı. Buna məcburuq da, ancaq bəlkə də
yüzlərlə, minlərlə sənətkarlar var ki, tarixin dolanbaclarında
yox edilmiş, itirilib, batırılmış, hansısa müstəbidin iddiaları
ucundan izi belə itirilmişdir. Çünki böyük mədəniyyət
yaradıcılarının, cahanşümul düşüncə ilə yaşayanların taleyində
bu cür yazılar da olur. F.Köçərli Vidadi, Vaqif, Zakir
timsalında bir məqamı vurğulayır və bu bir neçə baxımdan
mühiti və dövrün tendensiyasını aydınlaşdırmaq üçün dəyərli
fakta çevrilir. “Mühəssəlül-kəlam, hər bir şairin kəlamında
başqa bir məlahət və lətafət var ki, əhli-dil və ərbabi-zövqü
kamal onları oxuduqda dərk eləyir və hər o şey ki, qəlb ilə hiss
Dostları ilə paylaş: |