8
təhlillər aparasan ki, mahiyyəti açasan, demək istədiklərinin
ünvanına çıxasan. Hələ onu deyə bilcəksən, bilməyəcəksən bu
başqa məsələdir. Belə böyüklərin isə cəmiyyətdə sıxıntıları çox
olur, müxtəlif səviyyələrdə gərəksiz söz-söhbət mövzularına
çevrilir və bəzən qarayaxmalar, təhdid, təqiblər bir ucsuğzluğa
qədər gedib çıxır. Onların mükafatı, təltifi, hər cür türlü adı
xalqdan, etnosun münasibətindən gəlir. Yuxarıların qiymətlən-
dirməsi isə bir müşkülə çevrilir, çünki onlarla mənsəb sahibləri
arasında alınmaz bir qala, sərhəd mövcuddur. Folklorşünas
Paşa Əfəndiyevdə də belədir. Təkcə onu demək kifayətdir ki,
Paşa müəllimin “Azərbaycan şifahi xalq ədəbiyyatı” dərsliyi
1970-ci ildən bu yana bütün auditoriyaların, folklorşünaslığa
qədəm qoyanların stolüstü kitabıdır. Bəlkə də neçə əlli illər də
belə olacaqdır. “C.Cabbarlı və şifahi xalq ədəbiyyatı” (Bakı,
Yazıçı”, 1985), “Səməd Vurğun və xalq yaradıcılığı” (Bakı,
Yazıçı, 1992), “Azərbaycan folklorşünaslığı. 1920-ci ilə qədər”
(Bakı, ADPU, 1994), “Azərbaycan folklorşünaslığı. 1920-30-
cu illər” (Bakı, ADPU, 1997), “Azərbaycan folklorşünaslığı.
1940-60-cı illər” (Bakı, 1998), “Dastan yaradıcılığı” (Bakı,
ADPU, 1999), “Azərbaycan folklorşünaslığı (müntəxabat)”
(Bakı, ADPU, 2000), “Azərbaycan folklorşünaslığının prob-
lemləri” (Bakı, ADPU, 2003), “Azərbaycan folklorşünaslığının
problemləri”. II kitab, (Bakı, ADPU, 2004), “Azərbaycan folk-
lorşünaslığının problemləri”. III kitab, (Bakı, ADPU, 2005),
“Azərbaycan folklorşünaslığının tarixi” Bakı, ADPU, 2006),
“63 il institut divarları arasında”. Bakı, ADPU, 2009) və s.
kitabları möhtəşəm abidələrdir. Onun qədir-qiyməti isə əvəz-
sizliklədir. Bu kitabların adını təsadüfi deyil, məqsədli olaraq
xatırlatdım. Çünki bu adların verdiyi informasiya daha əhatəli
düşünməyi zəruri edir.
Görkəmli folklorşünasın elmi fəaliyyətində mühüm bir
hissəni ustad sənətkarımız Molla Cümə ilə bağlı araşdırmaları
təşkil edir. Onun folklorşünas ömrünün mühüm bir hissəsi,
demək olar, bu böyük sənətkarla bağlıdır. Folklorşünaslığa qə-
9
dəm qoyduğu ilk illərdən Molla Cümə onun yaddaşını məşğul
etmiş, ruhunu, ürəyini ovsunlamışdır. Artıq həmin illərdən Paşa
müəllimi təxminən 60 illik zaman ayırır və bu gün də belədir.
Etdiyi söhbətlərin mühüm bir hissəsi Molla Cümə irsini
öyrənmək işi ilə bağlıdır. Ustadın hər sözü, misrası, şeiri
ətrafında olan söhbətləri, yazdığı yazılar mənim üçün nümu-
nədir. Elə əlimin altında olan “Molla Cümə (həyatı və yara-
dıcılığı)” adlı möhtəşəm kitabının hər cümləsi də bunu diktə
edir. Aydınlıq üçün əlavə edim ki, Paşa müəllim bu kitabı 89
yaşında çapa hazırlayıb. Bax burada məsələnin mahiyyəti daha
da böyüyür və böyük folklorşünasın hansı ideallarla yaşaması
təkrarən aydınlaşır. Ulu Tanrı ona bu müdriklik çağında xüsusi
qüvvət, ilham vermiş və Molla Cümə ilə bağlı dediklərini tək-
rarən saf-çürük etmiş və əlavələrlə hamısını bir yerə yığaraq
kitab bağlamışdır.
Paşa müəllim görkəmli ustadın gəzib dolaşdığı bütün
yerləri diqqətlə izləmiş, onun yaxınlıq, dostluq etdiyi adamlarla
görüşmüş, söhbətlər aparmış, yaddaşlarda olan əhvalatları,
hadisələri el ağsaqqallarının, ağbirçəklərinin dilindən yazıya
almış, şeirlərinin müxtəlif nümunələrini toplamış və fundamen-
tal bir baza formalaşdırmışdır. Dörd əlyazmanın ortaya çıxarıl-
ması özlüyündə böyük hadisədir və bu nəinki folklorşünaslıq,
bütünlükdə ədəbiyyat tariximiz üçün əvəzsizdir. Professor ya-
zılarında vurğulayır ki, “mən ömrümün yarısını sərf edib bun-
lar üzərində çox gərgin işləmişəm”. Molla Cümənin həyatı
faciə ilə bitsə də onun yaradıcı taleyi uğurlu olmuşdur.
Qarşısına Paşa müəllim kimi folklorşünas çıxmış, şeirlərini
Qax, Şəki, Balakən, Zaqatala rayonlarından toplamış və kitab
şəklinə gətirmişdir. “Molla Cümə. Şeirlər” (Bakı, Azərnəşr,
1966), “Molla Cümə. Seçilmiş əsərləri (Bakı, Yazıçı, 1983),
“Molla Cümə (rus dilində)”. (Bakı, Yazıçı, 1984), “Molla
Cümə. Əsərləri. (Bakı, Maarif, 1995), “Molla Cümə” (Bakı,
Şərq-Qərb, 2006) kitabları məhz P.Əfəndiyevin uzunmüddətli
zəhmətinin bəhrəsi kimi ortaya çıxmışdır. Onu da əlavə edək
10
ki, bu kitablara yazılan “Ön söz”, “Qeydlər və izahlar” bir
tədqiqat əsəri qədər əhəmiyyətlidir. Bu kitablar bütünlükdə aşıq
ədəbiyyatına əvəzsiz töhfədir. Onun sənət dünyası, istedadının
ecazkarlığı, klassiklərdən gələn ənənəni hansı səviyyədə özün-
də ehtiva etməsi və s. kimi məsələlər bu toplularda bütün
tərəfləri ilə özünə yer tapır. Birmənalı olaraq onu deməyə əsas
verir ki, Molla Cümə Azərbaycan aşıq sənətinin yetişdirdiyi ən
qüdrətli sənətkarlardandır. O, zəngin yaradıcılığı ilə aşıq şeirini
təkcə məzmun, mündəricə baxımından deyil, həm də forma
baxımından zənginləşdirmişdir. Ayrı-ayrı nümunələrdə rast
gəldiyimiz poetik fiqurlar, janr etiketləri, folklorşünaslığa (bü-
tünlükdə bədii düşüncəyə) təqdim etdiyi İsmi Pünhan modeli
ədəbiyyatımız üçün hadisədir. Molla Cümə öz zəngin yara-
dıcılığı ilə Qurbani, Dədə Kərəm, Abbas Tufarqanlı, Sarı Aşıq,
Xəstə Qasım, Ağıq Alı, Abdalgülablı Valeh, Aşıq Hüseyn
Şəmkirli, Aşıq Ələsgər səviyyəsində olan ustadlardandır. Onun
bizə ərməğan elədiyi bədii irs müxtəlif istiqamətlərdə araş-
dırma və təhlillərin ehtiyacındadır. Yaradıcılığının poetik siste-
minin bir bütöv olaraq araşdırılması, müəmmalarının açılması,
sirlə-sehrlə dolu şeirlərinin məzmun və forma sisteminin tipo-
loji müqayisələrdə aydınlaşması bugünkü folklorşünaslığın
qarşısında duran ən ümdə məsələlərdəndir.
Görkəmli folklorşünasımız P.Əfəndiyev “Molla Cümə
(həyatı və yaradıcılığı)” kitabının sonuncu səhifəsində yazır ki,
“mən şəxsən F.Köçərli, R.Əfəndiyev, S.Mümtaz, H.Zeynallı,
Ə.Abid, Y.V.Çəmənzəminlinin böyük və müqəddəs ənənələri
üzərində pərvəriş tapmışam... Beləliklə, respublikamızın ən bö-
yük, ağsaqqal folklorşünası kimi yüksəlmişəm. Təbii mən
əsərlərimin sayı miqdarına görə deyil, məhz elmi, təcrübi, tari-
xi əhəmiyyətinə görə titanik işlər görmüşəm”. Doğurdan da, bu
deyilənlər reallıqdır və birmənalı olaraq belədir. F.Köçərli hələ
XX əsrin əvvəllərində M.P.Vaqif və M.V.Vidadi haqqında da-
nışanda vurğulayırdı ki, onlar müqtədir sənətkarlardır. Profes-
sor P.Əfəndiyev də Azərbaycan folklorşünaslığı üçün müqtədir
Dostları ilə paylaş: |