99
M.Cümə onda qələmini sınamasın. Bu mənada ustad aşığın
əsərləri külliyatının nəşri qarşıda bir vəzifə kimi dayanmaq-
dadır.
Molla Cümənin yaradıcılığında əsas yeri məhəbbət
lirikası tutur. Aşıq şeirlərində insan gözəlliyini böyük səmimiy-
yətlə vəsf edir. Amma onun ilk və son sevdası İsmi Pünhandır.
Diqqət etdikdə İsmi Pünhanın tarixi şəxsiyyət olduğuna
inanırsan.
Bəs nə üçün aşıq sevdiyi qızın adını gizlətmişdir? İsmi
Pünhan haqqında çoxlu rəvayətlər dolaşmaqdadır. Məsələn,
Aşıq Kazımın dediyinə görə, İsmi Pünhan Qax rayonunun
Şabalıtlı kəndində Şeyx Baba adlı bir nəfərin qızı olmuşdur.
Əksər söyləmələrə görə, İsmi Pünhan varlı və həm də dindar
bir yerdəndir. İdris Mustafayev bizə dedi ki, mən Molla
Cümənin yaxın yoldaşı və ürək dostu olmuşam. Çəltik əkininə
də bir yerdə çıxardıq. İsmi Pünhanın kim olduğunu məndən
belə gizli saxladı, andı var idi, sirr açılmamış qaldı. Qax rayonu
qocalarından birinin dediyi kimi, el ədəbiyyatında indiyədək
gözəlin adı gizli qalmamışdır. Molla Cümənin İsmi Pünhanı isə
pünhan qaldı.
Aşığın şeirlərində onlarla gözəl öz adları ilə vəsf olunur.
Molla Cümə tərif etdiyi gözəllərin adını bərk ayaqda əbcəd
hesabı ilə demiş, yaxud da gözəlin adında olan hərfləri şeirin
vəzninə uyğunaşdırıb söyləmişdir. Bir sıra şeirlərində dörd
hərfin həsrətilə alışıb yandığını söyləyir. Ancaq bu dörd hərf də
müxtəlif şeirlərdə müxtəlif hərflərdir. Bu cəhətdən kitaba düşən
bir sıra şeirlər tədqiqatçılara maraqlı material verəcəkdir. Onu
da deyək ki, şeirdən şeirə keçdikcə İsmi Pünhan ümu-miləşir,
ülviləşir, poetikləşir, aşığın bütün yaradıcılığına hakim kəsilir.
Molla Cümənin özünün dediyi kimi “İsmi Pünhan üstündədir
xeyri-şərim”.
Bir sıra şeirlərdə təsvir olunur ki, İsmi Pünhan Molla
Cümə ilə məclis aparır, məşvərətlərdə iştirak edir, dost-müha-
sib kimi onun dərd və sevinclərinə şərik çıxır. Şeirlərin birində
100
göstərilir ki, İsmi Pünhan səfərə yollanır, başqa bir şeirdə əlin-
də alma, heyva xəstə uşağı yoluxmağa gəlir, özü də “çeşmi
ala”dır, “çinar boylu”dur, “xasiyyəti yumşaq”dır. Başqa bir
şeirdə o, vəfasız yardır, bir başqa şeirdə isə “turab-altda” yatır
və s.
Aşıq əksər şeirlərində dünyaya İsmi Pünhanın gözüylə
baxmışdır. Xalq dastanlarında, ustad aşıqlarımızın yaradıcılı-
ğında hər bir qəhrəmanın yeganə bir idealı var, bu ideal onların
ömrünün məğzi, mənasıdır. Bəziləri bu ideala qovuşur, bəziləri
isə qovuşa bilmir. “Əsli və Kərəm” dastanından danışarkən
N.Nərimanov deyirdi: “Həqiqi, təmiz məhəbbət müqəddəs bir
hissdir. Onu pul ilə almaq, pula satmaq olmaz. Bu hiss şan-
şöhrətdən, tac və taxtdan əl çəkdirir. Bu hiss padşahı gədadan
ayırmaz. Həqiqi, təmiz məhəbbət, məzhəb, din bilməz və çirkin
fikirlər bəsləməz... Məşuqun, məbudun vüsalına çatıb sonra
ölmək ancaq həqiqi, təmiz məhəbbətin nişanəsidir. Məbud
idealdır. Həqiqi, təmiz məhəbbət sahibi məbuduna, məşuquna
çatarsa, ideala çatan kimidir. İdeala çatarsa, ideal ideallığından
çıxar...
Kərəm başında qara, çirkin fikirlər bəsləsə idi, Əsli ilə
yaşamaq istərdi, fəqət yaşamadı, öldü... və ölməyinə də səbəb
Əslinin min cövr və cəfadan sonra tapılmağı və sonra Kərəmə
verilməyi oldu. Baxınız, nə nazik bir mətləb! Nə gözəl və dərin
bir fəlsəfə! Nə qədər təmiz və müqəddəs bir əqidə...”
11
Molla Cümə ömrü boyu belə təmiz və müqəddəs ideala
can atmışdır. O, məhəbbətə də belə toxunulmaz və ülvi bir hiss
kimi baxmışdır.
Aşağı Göynükdə aşığın həyatını və şeirlərini yaxşı bilən
Mehralı Həşimovun söylədiyi kimi Molla Cümənin əksər
şeirləri “qarğışdan” ibarətdir. Gəlin, biz bunu şikayət mənasın-
da başa düşək. Dövranın ağır qanunları altında əzilən aşıq dün-
yadan şikayətlənmiş, çox zaman isə yaşadığı dövrü lənətlə-
mişdir. Bu mənada onun dünya, aləm, yaranış haqqında əsərləri
11
N.Nərimanov. “Seçilmiş əsərləri”. “Elm” nəşriyyatı, 1973, səh.393
.
101
xüsusi bir əhəmiyyət kəsb edir. Aşığın dünyagörüşünü öyrən-
mək üçün bu şeirlərin geniş təhlilə ehtiyacı vardır.
Kəndləri dolaşdıqca, dünyagörmüş qocalarla, şeir-sənət
həvəskarları ilə söhbət etdikcə bu qənaətə gəlirsən ki, Molla
Cümə el üçün yalnız zövqlər oxşayan, insanlara sevinc bəxş
edən sənətkar olmayıb, üstəlik xalq onun şeirlərindən dünya,
zaman, həyat, yaşamaq məsələlərinə dair bir çox suallara cavab
tapmışdır.
Bu kitabın tərtibinə başladığımız zaman Şərif İdrisov öz
materialları ilə bizə müraciət etdi. Onun topladığı şeirləri də
diqqətlə nəzərdən keçirdik. Şifahi dildən yazıya alınan şeirlərin
demək olar ki, əksəriyyəti bizdə olan əlyazmalarında var: özü
də daha tamdır. Onun şifahi dildən topladığı şeirlər qüsurludur.
Ona görə də kitaba daxil etmək mümkün olmadı. Ş.İdrisov
Molla Cümənin şagirdi aşıq Hacıbalanın arxivindən əlyazma-
ları əldə etmişdir. Həmin əlyazmasında olan bir sıra şeirləri
kitaba daxil etməyi lazım bildik.
Bizcə, gələcəkdə Molla Cümənin şeirləri yalnız əlyazma-
larından, özü də müxtəlif nüsxələr arasında müqayisələr apar-
maq yolu ilə çap edilməlidir. Qeyd edək ki, Molla Cümənin
xalqın yaddaşında yaşayan, əlyazmalarına düşməyən şeirləri az
deyildir. Elə buna görə də oxuculara təqdim olunan bu kitabda
da təbii ki, müəyyən kəm-kəsir, qüsur olacaqdır.
Molla Cümə şeirlərinin hələ yaddaşda qalan, dildə-ağızda
gəzən nümunələrini toplamaqda bizə kömək edəcək oxucuları-
mıza irəlicədən minnətdarlığımızı bildiririk.
1983
Molla Cümənin ölümü haqqında həqiqət
(Anadan olmasının 135 illiyi münasibətilə)
Ömrünün sonlarında Molla Cümə əldə olan bütün şeir-
lərini səliqə ilə bir dəftərə köçürüb oğlu Həsənə yadigar ver-
Dostları ilə paylaş: |