Sənaye inqilabı
290
dan keçirir (şəkil 2.35). Gəmi Nyu-Yorkda və Albanz arasında 8,3
km/saat sürəti ilə axının əksi istiqamətində üzərək buxar maşınlarının
gəmiçilikdə tətbiqinin həm texniki, həm də iqtisadi cəhətdən
səmərəliliyini göstərmişdir. Bundan sonra, buxarla işləyən gəmilərin
hərbdə istifadə olunması başlanır [2.2].
Şəkil 2.35. Klermont gəmisinin işçi hissəsi.
Sənayenin sürətlə inkişafı ərəfəsində və mexaniki emal dəzgahlarına
olan böyük tələbat ABŞ-a ingilis dəzgahlarını gətirməklə (Avropa
dövlətlərində olduğu kimi) ödənilə bilməzdi. Azadlıq uğrunda aparılan
müharibədən sonra İngiltərə Amerikada sənaye özəklərinin məhv
olunmasına və beləliklə, öz mallarını satmağa can atırdı.
XIX əsrin əvvəllərində ABŞ-da bülöv, bel, kərənti və başqa alətlərin
istehsalı üzrə ixtisaslaşmış bir neçə böyük firma fəaliyyət göstərirdi.
1829-cu ildə Vorçesterdə ilk dəfə olaraq kəsici alətlər, əsasən isə burğu
alətləri üzrə ixtisaslaşmış M.L.Morze&Co. firması yaradılır. Eyni
zamanda Kambersburqda ən böyük alət fabriki Dunlop&Madeira təşkil
olunur [2.25].
Sənaye inqilabı
291
Bu texniki yeniliklərə baxmayaraq, XIX əsrin əvvəlində ABŞ-da
maşınqayırmanın güclü inkişafından danışmaq olmazdı. Ölkədə baş
verən iqtisadi canlanmaya baxmayaraq, ABŞ hələ də aqrar dövlət olaraq
qalırdı. Ucsuz-bucaqsız əkin sahələri getdikcə qərb tərəfə genişlənərək
immiqrantlara əlverişli yaşamaq imkanı verirdi. 1831-ci ilə qədər
immiqrantların sayı aşağı səviyyədə idi. 1847-ci ildən sonra isə
immiqranların ABŞ-a kütləvi şəkildə axını başlayır və 10 ildə 10
milyonu keçir.
ABŞ-ın cənubunda yerləşən əyalətlərin demokratik aqrar siyasəti
nəticəsində qoyulmuş kiçik kömrük haqqı (1841-ci ildə artırılmasına
baxmayaraq) və İngiltərədən gətirilən texnika demək olar ki, ABŞ dəmir
istehsalını tam məhv etmişdir. Bu proses dəzgahqayırmanın inkişafına
da mənfi təsir göstərmişdir.
1840-cı
ildən
ABŞ-da
tapılan
faydalı
qazıntılar
(əsasən
Kaliforniyada tapılan qızıl), odlu silahların istehsalı ilə şərtlənən
qarşılıqlı əvəzolunma və frez əməliyyatının tətbiqi kimi amillər
texnikanın inkişafında vacib rol oynayır. Beləliklə, 1840-cı ildən
başlayaraq ABŞ-da sənaye inqilabının kökləri nəzərə çarpır. Elə bu ildə,
ABŞ-da İngiltərədən 100 il sonra, ağac kömür daş kömürlə əvəz edilir.
10 il sonra dəmir istehsalında yalnız daş kömür tətbiq olunurdu.
Sənaye inqilabı ərəfəsində
ABŞ-da metalkəsən dəzgahların
inkişafının ilk mərhələsində dəzgah konstruksiyaları heç də ingilis
nümunələrindən ciddi fərqlənmirdilər. Onlarda cüzi dəyişikliklər
edilərək istehsal olunurdu. 1830-cu ildə Gaz Silver Co. firması ilk ABŞ
üstyonuş dəzgahını düzəldir. Bu dəzgahın gövdəsi qranitdən,
yönəldiciləri dəmirdən və ötürməsi zəncirdən ibarət idi [2.26].
Pavtuket şəhəri, yuxarıda qeyd edildiyi kimi tekstil maşınları və
dəzgahların hazırlanması üçün mərkəz rolunu oynayaraq, öz təsir
dairəsini getdikcə şimala və qərbə genişləndirməyə başlayır.
1850-ci ildə ABŞ dünyada dəmir istehsalına görə ikinci yeri tuturdu.
1840-1850-ci illərdə, Avropadan erkən olaraq, əl əməyi demək olar ki,
tamamilə maşınlarla əvəz olunmuşdur. 1850-ci ildə ABŞ-da dəmir isteh-
Sənaye inqilabı
292
salı üzrə ilk “Aksioner Cəmiyyətləri” yaranır. ABŞ-da baş verən texniki
inkişaf nəticəsində, dəzgahqayırma tamamilə öz ilkin nümunəsi sayılan
İngilis dəzgahqayırmasından meyillənməyə başlayır. Bu dövrdə
İngiltərə daha çox dağ-mədən, gəmi və lokomotiv hazırlanması üzrə
ixtisaslaşmış ağır maşınqayırmanı inkişaf etdirdiyi halda, ABŞ-da
gündəlik tələbatdan irəli gələn yüngül maşın, alət və məişət maşınları ön
planda dururdu. Bu malların kütləvi istehsalının ingilis sənayesi ilə heç
bir oxşarlığı yox idi.
XIX əsrin ortalarında ABŞ üçün tipik olan frez maşınlarının
istehsalına başlanır. Frezləmə əməliyyatının texnoloji üstünlükləri ilə
bərabər, ABŞ-da istehsal olunan çuqunların nisbətən “yumşaq” olması,
bu üsulun maşınqayırmada geniş tətbiq olunmasını daha da
gücləndirmişdir. 1850-ci ildə ABŞ-da istehsal olunan frez dəzgahları,
hətta İngiltərəyə gətirilməyə başlayır. Amerika dəzgahlarının Avropada
tanınması sahəsində 1843-cü ildə yaradılmış Robbins&Lavrence
firmasının xidmətləri böyük idi [2.27]. Onlar frez dəzgahları ilə bərabər
silah istehsalı üçün xüsusi dəzgahların istehsalı ilə də məşğul idilər.
1855-ci ildə bu firma İngiltərənin Einfeld şəhərində yaradılan silah
istehsal edən firmanın təşkilində yaxından iştirak edir və böyük
miqdarda sifariş alır. Robbins&Lavrence frimasında revolver torna
dəzgahı hazırlayan mühəndis Stoun (ingl. Stone) və frez dəzgahı üzrə
mühəndis Houv (ingl. Hove) çalışırdılar. Bu frimanın bazasında
sonralar bir neçə silah və tikiş maşınları istehsal edən müəssisələr
yaranır. 1897-ci ildə yaradılan Winsdor Machine&Co. revolver torna
dəzgahlarının
istehsalı
ilə
məşğul
olur.
Frez
dəzgahlarının
hazırlanmasında böyük rol oynayan Levi Lincoln Hartford fabriki 1834-
cü ildə yaradılmışdır. Bu firma sonralar Geo Lincoln&Co. adı altında
fəaliyyət göstərir və onun məhsulları Lincoln frez dəzgahları kimi şöhrət
qazanır. Bu fabrikdə Pratt, Vitni (ingl. Pratt, Witney) kimi tanınmış
mühəndislər çalışırdılar [2.25, 2.26].
1854
−
55-ci illərdə Samyol Kolt (ingl. Samuel Colt) tərəfindən
yaradılmış silah fabriki, amerika istehsal üsulunun təkmilləşdirilib yayıl-