Sənaye inqilabı
298
Şəkil 2.41. Korlissin buxar maşını.
məkdə olan Avropa ölkələrinə ABŞ dəzgahlarının axını başlanır.
Brown&Sharpe və
Pratt&
Vhitney ABŞ firmaları, hətta ABŞ
dəzgahqayırmasının banilərindən sayılan Sellers firmasını ötərək böyük
miqdarda dəzgah və başqa maşınlar satırlar. Brown&Sharpe firması
1833-cü ildə Braun tərəfindən yaradılmışdır. Öncə saatların təmiri ilə
məşğul olan firma sonralar ölçü alətlərinin istehsalına keçir. 1853-cü
ildə Braunun firması Şarp ilə birləşir. Bu firmada o vaxt 14 işçi çalışırdı.
Sənaye inqilabı
299
Şəkil 2.42. Universal pardaq dəzgahı,
Brown&Sharpe firması.
60-cı illərin əvvəlində firma ölçü kalibrlərinin hazırlanması ilə məşğul
olur. 1872-ci ildə firmada 300 nəfər, 1900-cu ildə isə artıq 1500 nəfər
çalışırdı. Firmanın hazırladığı dəzgah və ölçü alətlərinin dəqiqliyi ona
dünya şöhrəti gətirmişdir. 1861-ci ildə firmada universal frez, 1874-cü
ildə universal dairəvi pardaq, 1878-ci ildə vertikal və horizontal pardaq
dəzgahları və 1880-ci ildə torna-revolver avtomatı hazırlanır (şəkil
2.42). Dəzgahlardan əlavə bu firmada tikiş maşınları da istehsal
olunurdu. Tikiş maşınlarının istehsalı, Brown&Sharpe firmasında frez
və pardaq dəzgahlarının hazırlanmasına böyük təsir göstərmişdir.
Amerikada torna dəzgahlarının avtomatlaşdırılması istiqamətində
Brown&Sharpe firmasının rolu böyük olmuşdur. Amerikada ilk
kosntruksiyalar XIX əsrin ortalarına təsadüf edir. 1845-ci ildə Stiven Fik
(ingl. Stephen Fitch) Middlefield şəhərində ilk dəfə olaraq revolver
başlığı ilə işləyən torna dəzgahını layihələndirir (şəkil 2.43). Tapançanın
hazırlanması üçün çoxlu sayda vint lazım idi. 30000 tapançanın istehsalı
üçün dövlətdən sifariş alan Fik onun hissələrini kütləvi şəkildə istehsal
Sənaye inqilabı
300
etmək üçün yeni dəzgah işləyir. Eyni əməliyyatın sabit məhsuldarlıqla
bir neçə min dəfə təkrar olunması və bunun üçün ixtisası aşağı olan
işçilərin tətbiqi yalnız avtomatlaşdırılmış prosesdə mümkün idi. Bu
prosesi yerinə yetirmək üçün işlənmiş revolver başlıqda, tapançaların
istehsalında müxtəlif səthləri pəstahın bir yerləşməsində emal etmək
üçün 8 müxtəlif alət bərkidilirdi. Revolver torna dəzgahı alətin
dəyişilməsi üçün lazım olan vaxtı minimuma endirərək, həm də
məhsuldarlığın artırılmasına imkan yaratmışdır [2.2, 2.5, 2.25]. 1873-cü
ildə başqa bir amerikalı mühəndis Kristofer Spenser (ingl. Christopher
Spencer) avtomatik işləyən dəzgahı ixtira edir. Spenserin bu dəzgahı,
sonralar Hartford Machine Screv Co. firmasında istehsal edilir. Spenser
revolver başlığının avto-
matik işləməsi üçün sərt
yumrucuqlardan istifadə
etmişdir.
Yumrucuqlar
mər-
kəzlərin alt hissəsində,
uzununa yerləşmiş valın
köməyi ilə gedişdən asılı
olaraq döndərilirdi. Alə-
tin
gedişinin sonunda
başlıq
sürətlə
əvvəlki
vəziyyətinə gətirilir və
başlıq bir alət qədər
dönür. Sonralar Spenser
dəzgahları Pratt&Vhitney
firmasında istehsal olu-
nur. Avtomatik idarə olunan revolver torna dəzgahlarının yaranması ilə
dəzgahqayırma yeni bir səviyyəyə çataraq, mexaniki emalda
avtomatlaşdırmanın inkişaf etdirilərək başqa üsullara da tətbiq olunması
üçün şərait yaratmışdır.
Pratt&Vhitney firması 1860-cı ildə tekstil maşınlarının hissələrini
Şəkil 2.43. Torna-revolver dəzgahı, 1845.
Sənaye inqilabı
301
hazırlamaq üçün Eymos Vitni və Fransiz Pratt (ingl. Amos Whitney və
Francis Pratt) tərəfindən yaradılmışdır. Hər iki təsisçi Kolt və
Linkolnun firmalarında çalışmışdılar (şəkil 2.44). Bu firma 1869-cu
ildə 350000 dollar kapitalla dəzgah və alət istehsalı üçün yenidən təşkil
olunur. Firma ölçü alətlərini hazırlayaraq, dəzgahların dəqiqliyini
artırmaqda böyük rol oynamışdır.
Şəkil 2.44. Vitninin düzəltdiyi universal frez dəzgahı,
Linkoln firması.
Bundan əlavə, Pratt&Whitney firması silah istehsalı üçün xüsusi
dəzgahlar da hazırlayır (şəkil 2.45). 1900-cu ildə bu firmada 1200 işçi
çalışırdı. ABŞ dəzgahqayırmasının şöhrəti Morze tərəfindən spiral
burğuların ixtirası ilə daha da güclənmişdir. Morze 1864-cü ildə
Nyubedford şəhərində Tvist Drill and Machine Co. firmasını yaradır
[2.25].